معاكم للجمعه اخر حد

بنوتات ترا طلعت روحي عاد وانا اسال وملقى الا صدى صوتي(ام الشاعريه والرومانسيه)وترا شوفن يابنيات هذي اخر مره اسألكون وما احد يرد ياويلكون(تهديد من نوع اخر)المهم بدون ما اطولها وهي قصيره,,,,,,,,,انا سالت من دخلت المنتدى اكثر من الف سؤال ولاحياة لمن تنادي ما ادري شو هو السر قد يكون باسمي راح احاول اغيره لكن تنازلت عن كل الاسئله الماضيه وابغ تجاوبوني بس من وين القى ازياء هنديه بالرياض حلوه وغريبه واسعارها معقوله عاجل لاني ابغ اسافر

7 تعليق 1,211 مشاهدة

شاركي في النقاش

سجلي الدخول لإضافة تعليق.

التعليقات

7
  1. @lgh_alaayon

    ياعمري ,كل ذا وساكته والله اني تعاطفت معاك
    اسمعي في الرياض والله ماادري وين تنباع بس اكيد البنات بيردون عليك وترا مومعناته انهم ما يبون يردون لا اكيد ما هم دارين وين الازياء الهنديه والا هم والله مايقصرون
  2. @alsbyaayh

    اقول اختى يا الاقصى
    خلي احد من محارمك ياخيه يدق سلف للشرقيه وهناك تلاقين كل انواع الساري الهندي والباكستانى
    في شارع اسمه شارع الحب مشهور في الشرقيه ذا وتلاقين ساري جاهز مخيط ماتتعبين تخيطين هذا ماعندي وانشاء الله انى قدرت افيدك ايه نسيت تلاقين عند الجعدبي قماش جاهز مثل الساري بس غالي قيمته الف وخمس وشكرا
  3. @sbah_alnor

    فيه في العقارية .. ما ادري اي عقارية يمكن عقارية 2 في الدور الثاني .. المهم محل يبيع ملابس جنان تهبل .. تهوووووس .. هنديه .. بس تراها مش حقت بيت .. هي للسهرات ... تلاقينها بحدود ثلاث الاف .. الى خمسة لانها شغل يد
    _____ اذا تبين ملابس هنديه حلوه .. ورخيصة .. روحي ماليزيا تلاقين في السوق الهندي هناك ملابس تجنن انواع واشكال .. بحدود مئتين الى خمس ميه او توصين الي بيروحون هناك يجيبونلك ..
  4. السلام عليكم
    انا رديت عليك علشان يكون مو صدى صوتك لا صدى الصمت الي رد عليك
    المهم انا ما ادري وش السالفه اشوفكم طايحين بالازياء الهنديه والصينيه لا تكون الموضه بالسعوديه كذا وانا ما ادري
    ترى حنا بامريكا اذا نزلنا للسعوديه كننا جايين من القريه مو من امريكا ما ندري وين وصلت الموضه عندكم
    بس ياليت الاخوات يساعدونك
    مع اني ماني مستوعبه وشلون البس اللباس الصيني احس انه مو مناسب لنا
    يمكن الزي الهندي يتعدل ويكون متماشي مع لبسنا
    سلام

تابعي تجارب أخرى من هذا القسم.