هل ممكن تفرح امي بزواج اخوي ..مافي،شي،صعب على الله

السلام عليكم ورحمة الله
انا من زمااان اتابعكم بهالقسم بس مااكتب مواضيع لاني باختصار كنت احس مافيه شي يحتاج اسأل احد عنه غير امي واهلي ....
لكن في هالموضوع تعبنا من التفكير فيه ومانعرف اخرته..
ماابي اطول عليكم.. أخوي شاب عمره 34سنه متوظف بوظيفه مدنيه بقطاع عسكري متوسط الطول والجمال بس نحيف ،، انا قلت اوصافه عشان تكونوا معي بالصوره الموهيم ، اخري هذا لما ولدته امي كان عنده نقص بسيييط بالاكسجين قالوا الاطباء لامي انو احتمال احتمال يكون عنده تأخر بالذكاء او بنمو التفكير ،، يعني يكون اقل من اللي بعمره فالذكاء والتفكير ، امي الله يسامحها بطيب نيه ومن واقع خوفها ع وليدها نشرة السالفه بين الجماعه على انه بيكون متخلف عقلي!! طبعاً في ملفه الطبي مافيه شي من هالقبيل ابداً ، لكن بدأ الناس يعاملونه ع هالاساس وصاروا يقصونه عنهم او يضحكون ع تفكيره البسيط وينحرج ، الحين هو كبر وصار رجال ويعتمد عليه لكن الناس مازالوا ينظرون له هذيك النظره ،، خطبنا له كثير من الجماعه ورفضوا ولما نسألهم وش عيبه يقولون والله انه طيب ولا هو راعي خراب ولا دخان وصلاته زينه لكن الله يرزقه ، كل بنت تخاف الجماعه يضحكون عليها يقولون اخذه فلان اللي عالنيه ،، والله انا حزنت عليه وعلى امي ياكثر ماهي متحمسه تزوجه بس ماله نصيب ، وش رايكم بنات وش ممكن اسوي عشان اسعده واسعد مامتي ..
تكفوووون ردوا علي بافكاركم وتجاربكم وقرايبكم بهالخصوص ،،