اكمال الماجستير

بالنسبة للآليات راح اقولك اللي اعرفه على شكل نقاط وان شاء غيري يفيدك اكثر 
- اذا بتكملين بنفس مسار البكالوريوس حاجه ممتازه وتكملين بدون اضافه اترام وحوسه ولك الاولويه عن غيرك في التوظيف ( وظيفه محاضر ) حتئ اكمال الدكتوراه يكون لك الاولويه 
- اذا بتكملين في مسار غير مسار البكالوريوس يتطلب تعب شوي هو انه يعطونك مواد تكميليه تصل في بعض التخصصات الى ثلاثه اترام بعدين تبدين الماجستير 
- في شي اسمه دبلوم عالي وهو نفس طريقه المواد التكميليه وبعض الجامعه تسمي المواد التكميليه دبلوم عالي وبعضها لا ع حسب النظام ف الجامعه 
الدبلوم العالي حلو للي بيغير تخصصه ياخذ دبلوم وبعدين يكمل ماجستير 
طبعاً لازم تدخلين اختبارات الستيب (الكفايات) واختبار قدرات الجامعيين وبعض التخصصات تطلب تربوي 

هذا اللي عندي واتمنى انك اخذتي فكره عامه 

استغفر الله العظيم واتوب اليه

مشكورين بنات عل الردود

توظفنا اخيرا

ربي يبارك لك في رزقك

جامعة الدمام فتحت الماستر بتخصص انا ابيه لكن محددين العمر~~~طبعا فاتني التسجيل

الله يكتب اللي فيه الخير

الماستر المدفوع عندك مجال لانه الماستر المجاني يعني معيده هذا شغلة واسطات

طبعا للماستر اللي بفلوس لازم تختبرين كفايات لغه انجليزيه (step) او توفل او ايلس هذا لقياس اللغه الانجليزيه عندك وكل جامعه مشترطه نسبه معينه تجتازينها

هذا بالاضافه الى اختبار قدرات الجامعيين
ولازم تكون عندك توصيتين من دكاترتك بالجامعه اللي درستي فيها
وتقدرين تقدمين اي تخصص تختارينه ماعدا التخصصات الصحيه طبعا


انا خاطري اني اتوجه لعلم النفس والتوجيه والارشاد والاصلاح الاجتماعي والتربوي هالتخصصات يعني لاني حابتها كثير نابعي صلاح الراشد وتحبينها مثلي


الان عندك جامعة عبدالعزيز عن بعد وجامعة فيصل وسعود نظام عادي موازي يعني

والدوام باللي نظام عادي يكون بالعصر يومين او 3 ايام كحد اقصد
والدراسه سنتين 4 فصول دراسيه
بالاضافه للرساله

بس اللي عن بعد بعبدالعزيز تروحين تختبرين فقط او كانو تجتازين 25 بالميه من الحظور ناسيه والله بس اتوقع فقط اختبارات


قدرات الجامعيين باقي الفتره اللي بشهر 7 راح يكون تسجيلها قبل تابعي قياس

واختبارات اللغه الانجليزيه الستيب ) الكفايات الخاصه بالانجليزي هذي من قياس وفيها فتره ثانيه واخيره هالسنه برضو بشهر سبعه
امنا التوفل والايلس لازم تقدمينها عند المركز البريطاين التابع للسفاره وفيها سالفه طويله عريضه اختبري ستيب اصرف لك لو تبين تدرسين ماستر بالسعوديه
الشغله الثانيه الماجستير حق الترم هذا قفل خلاص مالك الا تنتظرين الترم الجاي مايندرى يفتح بحدود رمضان قبله بشهر او بعده بشهر
تابعي مواقع الجامعات يعلنون المواعيد لانه كل ترم لهم موعد مو مثبتين المواعيد

والشغله الاخيره لازم يكون تقديرك جيد عالاقل والبعض يشترط جيد جدا عالاقل

الان انتي تابعي قياس واختبري STEP واختبري قدرات الجامعيات وجهزي لك توصيتين من الجامعه وخليهن جاهزات وجهزي فلوسك :heart:


بالتوفيق لك ولي يآرب ولكل اللي يبون ماستر

شكر عبير على معلوماتك

ابي ادرس ماستر مجاني مااقدر اسجل الا اذا صرت معيده؟؟ عجبا لقوانينهم

ريحتيني بالنسبه للاختبارات

بكم ماستر الفلوس