(^_^) ملف بنات رأس الخيمة (^_^) الجزء الثاني

السلام عليكم

كيف حالكم بنــــــــــــــات راس الخيمة والله تولهت عليكم

الغالية أمواج ممكن طريقة أم علي لأني وايد أحبها

تحياتي

السلام عليكم

عندي فكره لكم يا بنات راس الخيمه

شو رايكم لو نسوي جمعيه مثلا كل شهر ندفع 500 درهم وكل شهر وحده تاخذ
يعني نبغي تقريبا 10 بنات وبيطلع لكل وحده 5000 درهم
ولمدة 10 شهور


شو رايكم

انا ما اعرف للجمعيات وايد ياريت اللي عندها خبره تتكفل وتجمع الجمعيه عنا وكل شهر تستلمها وحده فينا:22:

بس ترا اقولكم انا اول وحده استلم
هههههههههههههه

لاني انا صاحبة الفكره

انا اقول شورايكم نخلي امواااج هي المسؤوله عن التجميع:42: :22:

مشكورة حبيبتي أمل

وين ها الغيبه ؟؟؟؟

وان شا الله الحينه بحطي طريقة الكيكة

أمل عمري تفضلي الطريقه

المقادير :


2 بيضة قليل من الفانيليا
1 كأس سكر عادي
1/2 كأس زيت
علبة لبن أب
أو كأس من أي لبن متوفر
كاس ونص طحين رقم 1
1 ملعقة طعام بيكنج باودر

الطريقة :

نستخدم الخلاط لإعدادها ...
يضرب بالخلاط ...(البيض والسكر واللبن والفانيليا)
ثم يصب هذا الخليط اللي خلطناه بالخلاط على وعاء فيه :

كاس ونص طحين رقم 1
1 ملعقة طعام بيكنج باودر
ويخلط بالسلك
ونخلطه بالسلك جيدا ...

ناخذ نص الخليط السابق ونخلط فيه ملعقتين كاكاو بودرة عشان يعطي لون بني ونحطي في الصينية الخليط الأبيض أول بعدين نصب بشكل عشوائي الخليط البني ونحرك فيه شوكة لإعطاء شكل حللو
ودخليها الفرن من تحت وبعدين من فوق

وعلى الوجه ضعي خليط من علبة قشطة مع كيس دريم ويب واخلطيهم بالسلك وحطيهم على الكيكة
وصبي شوي كراميل سائل بشكل عشوائي اللي يطلع ويا علبة الكريم كراميل وابشري للزينةكاكاو فليك او جلكسي


وصحتين وعافيه الغاليه

==========

سمعت اسمي منو يزقرني ؟؟؟


وردة يا هلا بوردة راس الخيمة

تبين اتسوين جمعيه فكرتج حلوه لكن خلينا ندرسها زين

وبعطيج ع السريع درس في الكورت (أكيد مرت عليج هذي الدوره )والحمدلله استفدت منها وايد بحياتي

شوفي الغاليه يوم بتفكرين في شي أو بتخططين لشي أو حتى بتشترين شي

سوي هذي الخطوات ....

أولا انقول شو الايجابيات ؟؟؟؟وبنطبق على مثال الجمعيه

الايجابيات ان الوحده بتحصل مبلغ محترم وخلال سنه وحده فقط من التوفير الملزم
وبعد من ايجابياته تحقيق روح التعاون والألفه بين بنات الملف
وبعد من ايجابياته هذي الجمعيه بتساعد اللي ظروفها صعبه في سداد شيء معين

((واكيد في ايجابيات انا غفلت عنها ))

ثانيا : انقول شو هي السلبيات ؟؟

أول سلبيه عدم التعارف التام والشامل لشخصيات البنات في المنتدى حيث ان البعض
تحاول أن تخفي شخصيتها الحقيقيه بالتالي لن تنجح الجمعيه
ومن السلبيات بعد صعوبة التجميع بسرعه في أول الشهر لبعد وتفرق الأماكن الجغرافيه لسكن
بنات الملف ...

((واكيد في هناك سلبيات انا غفلت عنها ))


ثالثا : لازم الحينه وفي النهايه انقول ما هو العنصر المثير ؟؟؟يعني كيف نحقق الهدف مع تلافي العيوب وهني لازم المخ يشتغل وييب الحلول البديله

فمثلا في الجمعيه من المثيرات :
انه لتلافي صعوبة التجميع يجب وضع شرط أن يكون التعامل بالشيكات مثلااااا....


============

وردة انتي تقرين للاخر ولا طلعتي من هذي الصفحة من كثر ما اتصدعتي من رمستي خخخخخخخخخخخ

وبوفر لج المشوار اذا تبين تسوين جمعيه أول ما بتتعينين ان شالله بتلاقين الكل يقولج تدخلين جمعيه ؟؟تدخلين جمعيه ؟؟هذا طبع المدرسات اسأليني عنه

عاد انتي اثقلي عليهن وقولي لا بفكر عطوني مهله ...ولا أخبركن وافقت بس بشرط عطوني أول وحده أو ثاني وحده ...هي خليج حريصه وذكيه خخخخخخخخخخ

اتعرفين اني داخله ويا رباعتي بجمعيه كل شهر تدفع كل وحده 5000 (وممكن بينها وبين حد من أهلها ) وتكون مدة الجمعيه 20 شهر ويطلع لكل وحده 100000

مبلغ محترم صح
ولو ما كنت داخله بهذي الجمعيه العوده جان سويت لج جمعيه يديده ويا الربع عشان خاطرج
ولو تبين أول عشره أنا حاضره بدور لج جمعيات مضمونه في المدرسه


والسموحه على الهذره