السلام عليكم ورحمة الله وبركاته
تكفون يا اخواتي ساعدوني ولدي عمره 17 سنة وللاسف اكتشفت انه يدخن
وهو من نفسه اعترف لي وبصراحة ماحبيت أشد عليه بالكلام خوفا من انه
يعاند ويسوي الشي من وراي .. أبوه للاسف ماتعاون معي واحس انه ردة فعله
جدا باردة يمكن لانه سبق وجربه وماطول مع التدخين !!
وأهلي للاسف ماعندهم غير الصراخ والقسوة في التعامل عشان كذا استبعدتهم
عن الموضوع كنت اتمنى القى شخص حكيم يأثر فيه !!
هو وعدني بانه راح يترك التدخين وانبسطت من هالشي لكن قالي عطيني مهلة لمدة شهرين
وهالشي ضيق صدري لاني احس انه ما يبغى يترك التدخين !!!
اليوم زعلت عليه شوي وصرت ثقيلة معه بالكاد اكلمه وهو تضايق مني
وحلف انه يبي يتعالج من التدخين وطلب مني اساعده باني ادخله لمكافحة التدخين
( بس ما ادري ما حسيت انه متحمس للامر ) ..
ووالله اليوم رحنا للصيدلية ولقينا علاج لترك التدخين وقالي خلاص باستعمله
بس ما ادري هل فيه احد من الاخوات جربته لولدها او شي من هالقبيل ؟؟
واذا استخدمه ولدي وتعالج منه هل من الممكن يرجع للتدخين مرة ثانية ؟؟
وتكفون تكفون اذا لاسمح الله استمر على التدخين اغير تصرفي معه او كيييف ؟؟
رجاءا علموني كيف اتصرف معه والله انا جاهلة بهالامور ما اعرف كيف اتصرف ؟؟
ومعاملتي اخليها كما هي يعني اضحك واسولف معه او اكون شديدة معه ؟؟
انتظركم لاحرمكم الله الاجر ..
شاركي في النقاش
سجلي الدخول لإضافة تعليق.
التعليقات
16- وعليكم السلام ورحمه الله وبركاته
الله يصبرك ياختي ويصرفك ولدك عن التدخين امين يارب وعيال المسلمين
ماعندي والله خلفيه بس حبيت ادخل وادعيلك
اخوي لما كان بسن ولدك بدا يدخن وأمي ماتدري لكن كانت تشم الريحه وشاكه فيه وصارحته اكثر من مره ويقول لا مادخن الريحه من أصحابي اجلس معهم وتطبع الريحه في ملابسي وهم يدخنون كانت تسكت وعيونها كلها دموع وتدعيلله قدامه وفي كل وقت وكانت تحسسه انه رجل البيت الي ماتستغني عنه ودائما تقوله اذا تأخر باليل
يافلان ماقدرت أنام والله مادري وش بيصير فيني لو صار لك شي وكانت مستعمره في الدعا والحمد لله هالحين من أحسن الرجال الله يحفظه لنا يارب ويحفظلك ولدك وأولاد المسلمين
اتمني اني قدمت لك شي ينفع مع ولدك - حبيبتي مابتقدرين تمنعينه, لازم هو من نفسه ينتصح... وماشاء الله فيه خير الي جاي لعندك ومعترف...
فيه لزقات يحطونها على اكتافهم تنفع... استخدمي العلاجات دامه يبي يتعالج...
بس لازم تناقشية بالاضرار وتوريه صور لناس اصيبوا بامراض من وراء التدخين خاصة شكل رئة المدخن... لازم يعرف ويستوعب حجم المصايب الي تجي مع التدخين...
ولازم تشجعيه انه يكون له شخصية مستقلة ومايسمح لاصحاب السوء يسحبونه وراهم...
وادعي له بالصلاح والهداية, لان الهداية بيد الله... - رفع
- امنعي عنه المصورف
وورجيه افلام على اليوتيوب عن مضار التدخين
وكيف انها تقتل الانسان بعد فترة - عشان يترك التدخين لازم يغير أصحابه
لانه أكيد تعلم التدخين منهم
وانت عليك بالدعاااااااااااء في كل وقت حتى وهو يسمعك تدعين له
مواضيع مشابهة
تابعي تجارب أخرى من هذا القسم.