◄ ❤ تجمـع التبــ 4ــاشيـــر السادس عشــر لمواليد شهر مـ 3ـارس وأبـ 4ـريل 2013 ❤ ►

ابروح افطر وارجع

صباح الخير...كيفكم كروشاات...؟

رحت موعدي قالتلي الدكتورة الرحم دوبو بدأ يفتح و النونو بدأت تنزل الحوض قالتلي لو ما ولدتي تعالي يوم السبت.... ومن بداية الاسبوع وانا الطلق معايا مستمر احيانا يجيني قوي بس مو منتظم :(
مرررره تعبت...الله يسهلها ياارب عليا وعليكم...

اهلين بنات القصيم
ابشركم الحمد لله ولدت و جبت بنوووته
المستشفى / مستشفى سليمان الحبيب
التكلفه / 6300 ولاده طبيعيه و 1000تأمين
يعني 7300 مع اقامه 3 ايام
الدكتورة / عائشه
---------
اكشني
بدا يوم الأحد الظهر نزلت علي السداده
( دم بني ) لكن بدون طلووق و لا احس بشي و جلست الى الساعه 12 بالليل رحت للمستشفى طواريء قاسوا الرحم قالت مفتوح 3سم تنويم ، طلعوني للدور الخامس غرفه الولادة ( ًكبيرة و خاصه ) و حطوا لي تخطيط الطلق و نبضات البيبي و جابوا لي عشا و نمت عندهم و كانت معي طلوق لكن خفييفه ، عجزت انام و جلست مواصله الى الفجر و بعدها عطوني حقنه شرجيه بعدين خلوني امشي يقولون حتى يحتميً الطلق و كانت معي ممرضه عسل عسل عسل و حنون مرره تطمن .، و ع الساعه 9 الصباح قاست الرحم فاتح 5-6 سم ( فرحت ) بعدين قالت ان شا الله الفرج قرريب و جلسوني ع السرير و حطوا التخطيط بعدها عجزت اقاوم كان فيني نوووم موب صاحي ضاق صدري ما ودي انام اخاف تبرد الطلوق و بنفس الوقت بي نوم
جت لمي الدكتورة عائشه الله يجزاها خير مرره حبووبه قالت يا حبيبتي نامي و عيشي ساعاتك و وقتك و لا تفكرين بالولاده روقي و ريحي لانك تحتاجين طاقه للولاده قلت رايك كذا اجل انام >> كان هذا الظهر الساعه 2 تقريبا قلت طيب شيلوا عني التخطيط ودي انام قالت للممرضه شيليه ً.، و بعدها نمت خفييف يمكن اقل من ربع ساعه بس ريحتني كثييرً كان طلقي باااارد مرره .، صحيت و قمت امشي بالغرفه الى الساعه 4 العصر و كانوا تاركيني يالغرفه ع راحتي .، و حسيت الطلق احتمى علي مرره بعدها ع الساعه 5 جت الدكتورة تقيس الرحم لقته 8 سم الحمدلله قلت قرب الفرج و اتركوني تقريبا ساعه و كشفت قالت اوك اللحين ادفعي طبعا كانت معي ممرضه و دكتورة ما اعرف اسمها الى الساعه 7 تقريبا بعدين جت الدكتورة عايشه و لبسوا الازرق و ارفعوا رجليني و بدا الجد
كانت الغرفه دكتورتين و 4 ممرضات .، بدا الدفع و كانوا يشجعووني بكل دفعه ( تذكرت اول ابتدائي ) تشجيع وًتصفيق و ممتاز و انتي بطله و من هالكلام بعد كم دفعه طلعت بنتي للحياة و عطوني ابره بالفخذ و من تحت بنج موضعي و بدا شغل الخياطة و الحمد لله ع كل حال يوم شفت بنتي نسيت كل الالام ..
بعد ما خلصوا جابوا لي عشا تعشيت و لبسوني لبس جديد و معي ممرضه بعدها راحت بي لغرفه خاصه 3 ايام جلست فيها
و البنت بالحضانه و قدامي شاشه اشوفها و متى ما بغيته طلبته منهم .، ممكن يكون معك مرافق بالغرفه ينام معك .،
الفطور و الغدا و العشا يجيبونه لك .،
مع ادويتك .، و تدخل عليك الدكتورة من بكرا تتطمن عليك ..

الحمد لله تيسرت و الله يسهل عليكم
بس حبيت اقولكم تجربتي .،