١- بعض العيال مايبي يتزوج من اقارب حتى لو هي ملكة جمال.
٢- بعضهم واغلبهم ان ماكانوا كلهم يحب البنت الثقيله يعني احتمال لو احد منهم يبيك ووصله خبر بكلامك يمكن يرفضك.. وحتى لو فرضاً قبلك وتزوجك ماراح ينسى ابد وبيذكرك فيها دايم انك انتي اللي لاحقتيه هذا اذا كان اسلوبه محترم اما اذا قليل ادب بيقولك انتي جيتي انا ماجيتك انتي اللي رميتي نفسك علي وممكن يقولك ابشع من كذا ممكن يقول لو ماتزوجتك انا مالقيتي ....
ترا انا مو قصدي يكون اسلوبي قاسي معك لا هنا ولا في ردي السابق بس ابي افتح عيونك ع كذا شي ممكن يكون غافل عنك من قوة حماسك مع الفكرة وتركيزك ع الزواج
حطي في بالك الزواج زي الرزق مهما الواحد يلاحقه ملاحق محد ماخذ الا رزقه
وفي الزواج مهما سوت الوحدة وتميلحت زي الافكار اللي طروحها البعض ترا كلها مكشوفه تراهم رجال مو بزران ينلعب عليهم المهم مهما سوت الوحدة ماراح تاخذ الا اللي ربي كاتبه لها وفي الوقت والسن اللي ربي محدده لذلك لاتطير ع ربها
اذا مره مره ممكن تعطين رقمك ومواصفتك لخطابه هذي مقبوله وعادي لكن فكرتك لا وغلط وماتضرك لحالك تضر اهلك انتي ماتعرفين تفكير عيال عمك ولا وش يبون ولا وش امنياتهم واحلامهم وحتى ماتدرين اذا في حياتهم وقلبهم احد يفكرون يرتبطون فيه انتبهي لاتجين تكحلينها بتفرحين اهلك تقومين تعمينها وتنكبين اهلك بدل ماتفرحينهم ماتدرين عن ردة فعل اهلك لو دروا بتنحرجين قدام الكل
اطلبي من الله مو من الناس ولاتحسسين احد انك طايره ع العرس
ومن هنا لين يجي اللي ربي كاتبه لك طوري نفسك ادخلي دورات كملي دراسه ادخلي تحفيظ قرآن مارسي هواياتك نميها خالطي الناس لايكون محور تفكيرك الزواج وبس اشغلي نفسك طبعاً معك حق تفكرين بس لاتخلينه مسيطر عليك طول الوقت ادري المجتمع مايرحم بس اثبتي لهم انك ناجحه وعايشه بدون رجال وزواج لين ربي يجيبه.
الله يعجل برزقك ويعطيك فوق ماتتمنين
قررت اخطب لنفسي فديتني ^_^ مشورتكم حبايبي/ استوفى
متابعة النقاش، صفحة 20