مين اللي ..؟!

احمدي ربك على العافيه والرزق اللي معك

غيرك يتمنى ريحه طفل

هالشعور يجي بالغالب بعد مشقه الحمل والولاده الوحده تتحلف بعمرها ماابغى وخلاص واخر واحد
اذا عندك طفل صغير انصحك تنتظري الين يصير 5او6 او 7 سنوات شوفي بعدها مشاعرك تغيرت او لا
وانا اشوف تتعوذي من الشيطان لان هذا تحديد نسل وهو حرام
وانا حاسه بمشاعرك والله و مريت بنفس احساسك فانتي اجلي الحمل فقط باي مانع يناسبك للمده الي حابتها وشوفي يمكن بعد كذا تحني

اختي مشتاقه لأحبابي ..شايفتني ما حمدت ربي ..!!
أنا أقول اللي تبي تحمل تروح تحمل وتشوف الوجه الثاني من الحياة ،،واللي ما تبي تبغى مانع أكيد ..
أما دندونة أنا ما أبغى أحمل ..ولو إنه حرام بس مو مخرج من الدين ،،يعني كثير ناس ترتكب محرمات يعني جت على ذي ..استغفرك ربي لا تؤاخذني ،ولا تواخذوني أنا اللي شفته ما أبغى أشوفه ثاني ما أبغى ..
وشكراً على ردودكم ..

ذكرتيني وحده من صاحباتي في بكرها تعسرت الولاده عندها وبعد ماولدت جالها اكتئاب الحمل تغيرت والله ماعرفناها وتقول مستحييييييييييل احمل بعد اللي شفته اخذت حبوب منع الحمل سنتين وبعدها تركتهم وركبت
لولب واللحين تفكر تحمل وبتشيل اللولب حبيبتي الحمل صحيح تعب وانا مالومك بس طبيعي اللي تفكري فيه
بس مع الوقت بيتغير تفكيرك بتشتاقي يكون عندك اطفال فيه اللحين ابره الظهر ماتحسي بالولاده ومو كل الولادات صعبه انتي هذا اول مولود لك فطبيعي تكوني مو عارفه شي وتتعبي بالولاده تمر على كثير ويقولوا نفس كلامك اهم شي حبيبتي لاتفكري تشيلي الرحم واذا حملتي ابره الظهر ممتازه جداً ماتحسي بشي
ريحي بالك والولب حلو بس ركبيه عند دكتوره ممتازه والحمدلله على كل حال

الله يسهل امورك يارب
والله مدري شقول لك استخدام المانع يعتمد على اتفاقيه الزوجين
اذا مو حابة الحبوب اتفقي مع زوجك تستخدموا موانع طبيعيه

وياحبيبتي من كلامك افتكرت عندك درزن
طلع واحد نتفه اللي جننك وخلاك ماتحبي تعيدي هذي التجربه ..

ترا شي طبيعي لان اول مره تجربين الولاده

انا كنت مثلك لمن اولدت قلت مابي الا بعد 10 سنوات وكنت ماقدر اذكر الحمل والولاده والتعب

والحين عمر ولدي سنه ونص والامومه داخلي متفجره بس ماودي اجيب الحين لاني مو مستعده نفسيا ولا جسديا عاطفتي تقول لي احملي وعقلي يقول لي لاتحملي

شفتي كيف ان وقت ولادتي لساني اللي تكلم وقال بعد 10 سنوات مو قلبي

انتي ارتاحي كذا سنه وبعدين ربي يسهلها

المهم مثل ماقلت لك لو يناسبكم طبيعي استخدموا وريحي بالك

موفقه