بعد ما تعلمنا اخذ المقاسات ورسمنا باترون الفستان نجي للكم في ثلاث انواع للكم
الكم العادي ويكون اما في زم او سادة
الكم الجبنيز وسمي بهدا الاسم لانه اول من لبسه هم اليابانيين
الكم الرجلان وهو له عدة طرق لرسمه بس اهني اعتمدت على الرسم البسيط <<< ما ابغى اعقدكم
نجي للكم العادي بعد ما رسمنا الباترون للفستان بنقيس حفرة الابط ونبدأ بالقياس
المقاس الي يطلع × 2
بعدين - 10
والناتج ÷3
ونفس الناتج÷2
بتكلم بالارقام علشان توصل المعلومه
مثلا قسنا الابط وشفناه المقاس 25 ×2= 50
بعدين -10 50-10=40
الناتج ÷3 40÷3=13.3 هذا الناتج بستخدمه في قياس نزله حفرة الكم
نفس الناتج ÷2 40÷2=20 هذا الناتج لقياس عرض الكم
طبعا طول الكم مثل ما أنتي تبغيه
وتقاس الاسوره من عند نهاية الكم
نجي للتطبيق
وهده طريقه رسم كم الجبنيز سهله
وهنا طريقه كم الرجلان وهنا طريقه السهله ما حبيت الف راسكم بطريق المعقده
الحين بنجي للخياطة بما انه سألوني عن طريقه تركيب الكم في طريقتين للكم العادي
الطريقه الاولى والكل يعتمدها في الخياطه في ملابس النسائيه
الطريقة الثانيه في الملابس والاقمصه غالبا
نجي لتشطيب كم الجبنيز
وهذا تشطيب كم الرجلان
لو تلاحظي خياطة الكم في ملابسك او ملابس الرجال بتلاقي في اختلاف في التشطيب
الله يعطيكم العافية تاخرت في تنزيل الموضوع لان مركز التحميل عيا ينزلهم بدري :tongue:
اتمنى اني وفقت في الشرح ما اطلب الاالدعاء
أستودعكم الله