شاركي في النقاش

سجلي الدخول لإضافة تعليق.

التعليقات

168
  1. @kn_maay_yaallh_amp

    صاحبة الموضوع
    الله يجزاكم خير اخواتي على مشاعركم الطيبه والله وقفتكم معي ودعائكم لي ماينسي الله لا يحرمكم الأجر ان شاء الله



    الأخوات اللي يقولون انتي ليه وافقتي على زواجه . ...وش ناقصك عشان يتزوج؟؟

    أقولكم والله ماناقصني شي والحمد لله لا من شكل ولا اهتمام ولا علم ولا سناعه في بيتي ومع ضيوفه مشرفته دائما عزايمه كبيره وانا اقوم بها لحالي وعلاقتي بأهله وبقرايبه آخر احترام ..
    وهو بنفسه يقول ماراح القى مثلك ابد بس انا ابي عيال زود وانتي ماتبين ..
    لاني انا رافضه اجيب عيال لان صحيا مااقدر وعندي خير والحمدلله ...ويقول انا ابي وحده تخدمني اذا كبرت وتهتم فيني وتمرضني انا راعي سكر وانتي اذا كبرتي تحتاجين مين يرعاك وماتقدرين تهتمين فيني لو تبين..عاد انا مااني مقتنعه بكل كلامه ذا كله والرجال لبغى يتزوج ممكن يتزوج بدون اعذار ومااحد يلومه ...

    وهو بعد حرام ماظلمه والله ماقصر على بشي من بيت وشغاله ومصروف حتى معاملته.. كنا تماااام الين جاء موضوع الزواج هذا وخرب كل شي..عشان كذا هو دائم يقولي انتي ناكرة المعروف وانتي مايثمر فيك شي نسيتي كل شي سويته بس عشان بتزوج ؟؟؟!!!! طيب هذا حقي عطيني فرصه اشوف نفسي شوي!!!! انا طول عمري معك فوق20سنه ماقصرت معك بشي ليه تحرميني حقي الشرعي ...مازهقتي مني ..؟؟؟

    وش رايكم؟؟؟؟

    هذا يوم يكون حليل وهادي لكن اذا عصب يقلب على الوجه الثاني..



    الوضع بيني وبين زوجي هاليومين مكهرب مرره وانا تعبت من المشاكل والكلام في هالموضوع

    الله يعين ويحلها من عنده
  2. @ghrshob_raabob

    يختي ( قل لن يصيبنا إلا ما كتب الله لنا )

    توكلي على الله زعلتي رضيتي هو حاط الفكره براسه خليه يمكن يندم وربي يوريه مقدارك او يمكن لو خليتيه يلغي الفكره او يصير شي لصالحك ماتدرين شو رابي كاتبلك
    خليه يجرب ويشوف وانتي عليك من نفسك وعيالك وصحتك واهتمي بنفسك وبس واشرطي عليه اي عزيمه اي طلبات ماتقدرين عليها خلاص مو ملزومه تسويها عنده زوجه وشابه وصغيره تقدر تسويله اللي يبي

    ماتدرين وين الخيره يمكن يكون زواجه لصالحك والرجال اذا حط الزواج براسه مافي شي يرده زعلتي رضيتي راح يتزوج فالاحسن انك تسكتين وتخلينه يسوي اللي يبيه واياك والنكد مو لصالحك ابدا ترا ينساك ويروح للي تريحه !!
  3. @shol_thamh

    موافقتك على زواجه أكبر غلط؟؟؟؟؟ لأنه أصلا مو منتظر موافقتك علشان يتزوج..و بكره لوصار شي..بيقول انتي وافقتي على زواجي.؟؟؟ وصدقيني لو تشرطين مية شرط ماتفرق معاه..هذولا رجال قادرين...ولا الشروط هذي بتبرد قلبك...لكن اجلسي في بيتك..مع أولادك..وقفلي بابك وقلبك..وعيشي حياتك معاه مثل الضيف..ساعة ياخذ واجبه ويروح.....

تابعي تجارب أخرى من هذا القسم.