5سنين ولا تأقلمت على أهل زوجي ولا أظن باتأقلم

لمن كتبتي الحياه مالها طعم ... بس ذحين فهمتك أكثر من خلال ردودك على البنات أحسبهم مهتمين بصحتهم نسيت نقطة اللبس والحفائظ تقعد يومين محد يشيلها كذا شكلهم مرررره مهملين وما شاء الله مبين عليك حاولتي كثير.... تعودوا خلاص ... سبحان الله كل إنسان له تفكير انتي تشوفينهم بخلاء وهم يشوفونك مسرفه وفمحد يتقبل الثاني. كل واحد يشوف نفسه صح ...أشكرك على إضافة الأحاديث النبويه

المشاركة الأصلية كتبت بواسطة $ بتوول $
ما جاك شئ منهم احمدي ربك المشكلة فيك انتي -تنتظرين طبايعهم تتغير وعشان كذا تعبتي نفسيا مشكلتنا إحنا مانتقبل طبائع بعض انتي مجبوره تتقبلين طبايعهم منتي مجبوره تغيرينها كلفتي على نفسك - نظرتك للحياه غلط حاطه في بالك ان الحياه ما تحلى إلا لمن أرفه نفسي النبي صلى الله عليه وسلم كان اسعد الناس وكان طعامه التمر والماء لازم نتعلم القناعه -مسألة تطفشين محد يسولف معاك اجلسي اذكري الله واستغفري وأقرأي إحنا مسلمين صعب نقول طفش ملل والقران قدامنا -اكلهم من البيت ومايستخدمون منظفات وبخور يمكن عشان يهتمون بصحتهم ... خلي صدرك وسيع وطولي بالك ... والله يعيننا على متاعب الحياه ... وآسفه على أسلوبي والله حبيت أفيدك وانقذك من المشكلة :15::15:



اختي بتول هي لمن كتبت كتبت عن النظافة والأهتمام بالللبس

اما الرسول محمد صلى الله عليه وسلم مافي مقارنة

اوكي الرسول ماكان غني كان يهتم بلسه ونظافته ولاكان بخيل

فكان خير من تطهر وتطيب ولبس فكان كل هندامه سنة ورسالة لأمته للإقتداء به وليميزنا عن غيرنا
وليميزنا بإسلامنا وتعالميه السمحاء فهو صلى الله عليه وسلم كان
رسول الله حسن الهندام وكامل الزينة ومرتب الأزرة، غير مفرط في تجمل، ولا مفرط في تقشف، بل كان كل أمره وسطا.
وفي ثوبه عليه الصلاة والسلام
حيث كان له ذوقه الخاص في جنس الثياب وألوانها (فعن أم سلمة رضي الله عنها كان أحب الثياب إلى رسول الله يلبسه القميص)(1)، وعن أنس بن مالك قال: (كان أحب الثياب إلى رسول الله يلبسه الحبرة)(2) ، (وعن أبي جحيفة قال رأيت النبي وعليه حلة حمراء، كأني أنظر إلى بريق ساقيه)(3)، (وعن ابن عباس قال رسول الله عليكم بالبياض من الثياب ليلبسها أحيائكم، وكفنوا فيها موتاكم، فإنها من خير ثيابكم)(4)


اما ياصاحبة الموضوع كونهم لبسوا قمصان هذا شي خاص فيهم ماله علاقة بأحترامهم لك

احترامهم لك بكون تقديرهم لك ماغلطوا عليكي ما استهانوا فيكي اما اسمحي لي لاتخلي الأمور تختلط عليكي

اما النظافة مدام معك شغالة يكفي تصرفك بنظافة المكان الي حواليكي .

اما بالنسبة ان النظافة والمعاملة الحسنة وعدم البخل هذا شي مانكتسبه من عاداتنا وتقاليدنا هذي حاجات

نكتسبها من الدين الأسلامي والحرص عليه يعني لو كانت امي

ولا ابوي بخلا انا اكون مثلهم ؟

لا اذا اخذ تعاليمي من الكتاب والسنة خير من نتعلم منهم

شوفي اختي بصراحه احس إنك مبالغه زياده عن اللزوم ماله داعي كل هذا بعدين انتي ماتجيهم الامره في الشهرخلاص وفري كل شي محتاجته انتي وعيالك حتى الصابون السائل وخليكي خفيفة دم وإنتي عندهم اضحكي وسولفي وساعدي مافيها شي حبيهم اذا تحبي زوجك حبيهم مثل ماتحبي اهلك وتقبلي عيوبهم بدافع حبك لزوجك وانصحي بالي تقدري عليه بدون تجريح ولاتتقرفي ولاتتأففي هذولا اهل عيالك وبكره بتكونين في نفس المكان وبيهمك اي كلمه تقولها زوجة ولدك في المستقبل وترى الدنيا رايحه مايبقى فيها الا الاخلاق الحلوه تقبليهم لانهم اهل حبيبك ابو عيالك واسأل الله لنا جميعا الهدايه تقبلي مروري دون زعل

اهم شيء بصراحه عجبني فيهم بساطتهم وانهم مايعتبرونك غريبه
ويااختي هونيها وتهون هذا طبعهم
وبعدين ام زوجك حرمه كبيره وعلى ماظن يمكن تكون ارمله يعني البيت ماله عايل حتى لوكان عندها فلوس بس زي ماانتي عارفه البيت يبغيله شخص يتابع الاغراض ويغير الاثاث ويجدد البيت والحريم الكبار اغلبيتهم مايحبون يتعبون عيالهم
والبنات متزوجات وموظفات بصراحه استغرب مايهدون زوحة اخوهم بس التمسي لهم العذر صدقيني احسن من غيرهم
بس الحل تقولي لزوجك يجيب الاغراض ويامر وينهى من حيث النظافه لانه في الاول والاخير بيته

انتي تبين يسوون لك حفله استقبال ؟؟؟؟
حبيبتي ماعليك منهم اهم شئ ماغلطوا عليك هذا بيتهم ويمثلهم مو انتي
اذا رحتي لهم بدل الهدايا لهم جيبي معك كل شئ تحتاجينه من اكل وصابون وغيره واهتمي بنفسك وعيالك
واحمدي ربك انه 3 ايام مو سنين