ترضين اهل زوجك يدخلون بيتك وانتي نفاس عند اهلك؟؟؟ //قديم

رفع

المفروض ما يروحون يرتبون اذا يبون يساعدونها اذا جت بالسلامة يجون اوما في غيابي
مستحيل اصلا حتى لو ملابسي نظيفه انتم ملكم في بيت مستقل عشان الخصوصية
واذا يبون يغسلون لولدهم يوديها لهم ويغسلها فترة النفاس وانتهينا ترا الطيبة الزايدة مالها داعي
واصلا بعدين تسبب مشاكل انا عن نفسي ما ارضى بأي شكل من الاشكال لو طيبين لان عن نفسي ما اثق
باحد انا طيبة معهم وما في مشاكل بس كذا احسن لوصار شي اقول انتم تدخلون بيتي وتتحكمون وتشوفون
اسراري وانا لو جيتكم حدودي الصالة ومغسلة الحريم يعني هم يبون خصوصية وانا لا

كلام سليم إلي ما ودها يشوفها تجيبه معاها لبيت اهلها وبس
الله يجزاهم خير ما قصروا خصوصا لو اهل زوجها طيووبين معاها و يحبوها و يعرفون الله حق المعرفه و يخافون يعصونه
في ناس ما تخاف الله و تبغى تتحكم و تامر وتنهي
اعرف وحده تزوجت برجل ما كانت تدرى ان اهله مشعودين كانوا يعطوها الضحكه الصفره حتى نفست عندهم و المسكينه كانت على نياتها
كانوا يجمعون الفوط المتسخه بدم النفاس و عملولها عمل فيهم مسكينه صارت ما تحمل بعد ما ولدت بنتها الوحيده
وزوجها تزوج عليها
مرت 10 سنين من غير ما تحمل وما خلت ولا دكتور ما رحت له لين راحت لشيخ قصد الرقيا بعد اصرار امها المتواصل لتروح ترقي و بعد ما راحت و رقها طلع له علامات انه معمولها عمل في دم نفاسها
وفعلا بعد البحث و التنقيب عن الحقيقه الي كانت واضحه من الاساس بس ما تخيلت انها ممكن تصل لهذا الامر وكان هدفهم واضح ودهم يتزوج بنت خالتهم إلي ما كان يبيها من الاساس وفعلا تزوج ببنت خالته عشان الولد:confused:
ناس ما تخاف الله و ذنبها على رقبتهم ليوم الدين طبعا مو كل الناس عندها نفس التفكير و المبدء بس ما يمنع انه هالاشكال موجوده و فكل مكان
الله يعين

عن نفسي جداً عااااااااااادي وحتى لو يحتاجون فترة نفاسي ينامون في شقتي ما عندي ماااانع أبدا بس حكاية ملابس الغسيل احطها في غرفة النوم وطبعا تكون مقفلة تماماً الا غرفة النوم ما اسمح اي احد في غيابي يدخلها وباقي الغرف حلالهم يسرحون ويمرحون مثل ما يحبون.. الله يعيني على برهم لاني ما شفت منهم الا كل شي حلو ولله الحمد وبر اهلي وبر اولادي يااااارب يا كريم

طيب يمكن زوجها اللي هو اخوهم يقولهم

اذكر قبل لا اتزوج اخوي مره ناداني اطلع شقتهم فوق انظفها وزوجته كانت نفاس عند اهلها...وكان قصده انها تجي البيت تلاقيه مرتب... ورتبته قبل لاتجي بيوم وغسلت وبخرت البيت...

طبعا مو تطفل مني ...بطلب من اخوي ...