السلام عليكم ورحمة الله
صباحكم خير وبركه وسحوركم هنيء وصيامكم مقبول ودعواتكم مستجابه يارب
بنات انا في رمضان اللي فات رايت رؤايا ازعجتني وجدا واختي حلم الحياة &هند بارك الله في علمها وعملها وعمرها واحبتها وفرج عنها كربها
انه ياعدوا حاسد كائد يا شيطان رجيم
وشفت في الرؤايا جاره عزيزه جدا علي ماكانت اشك لو غرام فيها
رغم اياام ماكنت جاره تعبت تعب شديد لولا الله ثم قرائت امي علي كنت استفرغ ونحفت صرت عود الالام حاده في البطن
وصرت اتجشىء بصوت عالي جدا تقول ادمي يتكلم
المهم بعدالاستخاره قررت اخذ اثرها رغم انها بعيده الان عني لكن بتساهيل من ربي وصدفه خير من الف ميعاد سوت فرح بنتها قريب منا وحضرته وشربت من اثرها بس ماقدرت اخذ البيت
المهم بعد اخذ الاثر بكم يوم جاني اسهال شديد وانت بكرامه كنت احسب برد والا اكله شيء موبزين
وبعده سبحاان الله حسيت كل الانتفاخات راحت والتجشىء اختفى لي اسبوعين ارقب نفسي
حتى لوني فتح وبشرتي اشرقت
ومن كم يوم خطر لي انها ربما يكون من الاثر اللي شربته
بنات من اخذت اثر وش اعراض انسحاب العين او الحسد
وكيف اعرف اني تشافيت
ياليت اخواتي اللي عندها خبره تفيدنا
ربي يشفينا ويشفي مرضنا ومرضى المسلمين
حسبنا الله ونعم الوكيل
اللهم صل وسلم وبارك على الحبيب المصطفى
شاركي في النقاش
سجلي الدخول لإضافة تعليق.
التعليقات
26- الحمدلله ع سلااامتك
عقبالي يا رب - وعليكم السلام ورحمه الله
سلامتك ما تشوفين شر طهور ان شاء الله
قد صارلي بعد موقف مشابه انا طال عمرك في حملي يصير عندي زياده في مويه الجنين بصوره كبييييره وخاصه في حملي الاخير . واناعلى بداية شهري زارتني جاره تأخر حملها شوي الله يرزقها ...
واول ما فتحت الباب قالت اش ذا البطن !!!
عاد ما اهتميت وقتها لكن بعد كم ساعه لاحظت ان حركت الجنين بح ,,,,والله ولا شي حاولت اتصلت بالوالده قالت رشي على بطنك شوي مويه بارده وشوفي ابد خلاااااص عاد انا دوريني يومها الحمد لله
والله واستفزع باختي لاخلى ولا عدم ثاني يوم او الثالث ما اذكر قالت اجيك واعزميها والله وحاولت تعذر قالت اختي لها ضروري اشوفك مشتاقه لك ومن ذا الكلام والله وجت واخذت من اثرها شرب واغتسال والله العظيم ياجماعه حدي صبيت المويه على بطني ما احس الا تقولين طير يرفرف سبحان الله
الحمد لله على لطفه
على فكره هالانسانه جاره عزيزه وغاليه لكن العين حق وربما تصدر من غير قصد العائن
عشان كذا الاذكار ثم الاذكار ثم الاذكار
وسلامتكم - وعليكم السلام ورحمة الله
سلامات يالغالية ماتشوفين شر ان شاءالله
نعم حبيبتي ان شربتي او استخدمتي من اثر العائن يروح كل مافيك بمعنى اوضح اكتب لك اللي صار معاي
افتكر كنت باول متوسط فبداية السنة معلمة مادة الانجليزي كانت شديدة لدرجة مجرد نسمع اسمها نرتعب منها بيوم عندنا واجب كتابة حرف F وبنت خالتي قالت لي مدام انه حرفها هيا بتحل الواجب وحلته ويوم جات تفتش المعلمه شكت انه خطي وسألتني انا من الخوف قلت لها انا حليته وكنت متوقعه حتناديتي عشان تمسح شي من المكتوب وتخليني اكتب قدامها لكنها مانادتني وهالكلام ماانساه كان يوم السبت والله واللي خلق الكون ماجا يوم الثلاثاء الا يديني حبورب صغييرة لكنها جننتني بالالم شي فضيييع تحرقني امي قالت لي ممكن حساسيه وتروح ان شاءالله الا نشوفها تزييد وتكبر الين صارت زي حرق النار وماتفرقين بين الاصابع جاتني بوقت سرييع والتهبت واسبوع غايبه عن المدرسه والله امي تساعدني باللبس ورحت اراجع فيها مستشفيات وعيادات يمكن حدود شهر وانا اراجع تخف مع المراهم والابر وترجع ولاكاني عالجتها الين اخر دكتور راجعت عنده اعطاني مرهم وقال ان ماراحت بعد هالمرهم لازم تروحين لشيخ وماراحت وداني ابوي لشيخ ويقرا عليها واعطاني مويه اغسل فيها وثلاث مرات اروح للشيخ وهي زي ماهيا الشيخ قال لابوي هذي عين قويه صايبتها حاولوا تعرفون من مين والله جلست اصييح وامي تهدي فيا لانها مررره تعبتني وبيوم جاراتنا كانوا عند امي وانا كنت جالسه ومن ضمن جاراتها حرمة تشتغل بالمدرسه الله يسعدها يارب وجلسوا يسالوني احد قالك شي عن اشياء تخص يدك وقلت على معلمة الانجليزي جارتنا قالت انا اجيب لكم مويتها وفعلا جزاها الله خير جابت مويتها بدون تنتبه لها المعلمه خلتها لما خرجت من الانصراف بعد ماحطت القارورة حقتها وجابتها غسلت يدي منها وشربت كمان والله واحلف لك باللي رفع السماء وبسط الارض اني نمت ويديني حبوب وقشور ومقطعه صحيت من النوم تحلفين بالله اني مرطبتها ومهتمه فيها ولا كأن فيها حبوب كباار زي الحرق
عارفه طولت بردي بس حبيت أأكدلك ان اخذ الاثر يزيل العين
وفالك العافية يارب - سبحان الله
- الله يشفيك يااااارب.
وان شاءالله شر وراح
مواضيع مشابهة
تابعي تجارب أخرى من هذا القسم.