
السلام عليكم ورحمة الله وبركاته
كيفكم يا ااحلى اخوات
موضوعي جديد فكرة لفتت انتباهي اليوم خاصة بالمتاخرات عن الحمل لسبب العقم منها اومن زوجها..
تكوني قاعدة مع فلانة من الناس وتسالك طيب ليه ما خلفتو لليوم..وشو سبب العقم ..وشو سبب التاخر
وكأن الناس ما بعمرها مر عليها ولا قرات بحياتها قوله تعالى (﴿لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاء يَهَبُ
لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ * أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَن يَشَاء عَقِيمًا إِنَّهُ عَلِيمٌ قَدِيرٌ﴾..
او وكانها قرات هالاية واخذت نصفها وتركت النصف التاني اخذت ان لله ملك السموات والارض وانه
يخلق مايشاء ويهب لمن يشاء الذكور والاناث...ونسيت او تناست ويجعل من يشاء عقيما ..وحطوا تحت
من يشاء عقيما مية مليون خط ..
ربنا ذكر حالة الي ربنا اراد يرزقهم ..وكمان ذكر الي ما ارادلهم يكون عندهم اولاد ..عاد انا ولا انتي
ولا الدكتور شو بايدنا نسوي امام مشيئة الله...حبيبة قلبي من اليوم وطالع ما تسكتي وتتلعثمي لما تسالك
فلانة او فلان شو سبب العقم او شو سبب التاخر ..واحكي بكل ثقة بالله مشيئة الله..فوق كل شئ..
لاتفكروا اني مستاءة من السؤال بالعكس ..انا راضيت نفسي وطوعتها بفضل الله لمشيئته
يكفي ان نكون ممن يشاء الله ..يكفي ان يكون لازواجنا او لنا ذكر في القرءان الكريم..يكفينا شرفا بان كل
يوم يمر علينا ونحن محتسبين المنا وحرماننا وصبرنا عند الله اجرا ....
اختي ...
كلمة اخيرة اقولها لك ..مافي شي اسمو اولادي سر سعادتي ..ولا في شي اسمو اولادي ونسي وعزوتي
الخ .. بالعكس والله انا بحس ان هم الحياة بزيد مع وجودهم ...كل ماكبروا رح يزيد همك ..
شو ضمن الواحد فينا انه يعيش لبكرا ليشوفهم كبار,,.. شو ضمن بان يبقوا على قيد الحياة ..شو ضمننا
انهم يكونوا باريين فينا ..
والله يا اخواتي ما هو استسلام (مابدو تفكروا كلامي من هالجانب ) لاني عم اخذ بالاسباب وادعي ربي
واستغفر وبعمل متلكم ويمكن اكتر ...بس هالشي بسميه اني راضية بحكم الله ومشيئته ..وعايشة واقعي
كم اراده الله لي ..
انا هلا عم اخذ منشطات ومقبله على عملية حقن مجهري ..
دعواتكم لي بالولد الصالح
واوعدكم باذن الله اذا ربنا شاء وحملت رح ابشركم وادعيلكم عند ولادتي ..
واذا ربنا شاء وماحملت مارح ازعل ولا اتضايق بالعكس عندي اشياء كتيرة مخططة اعملها ..
أحبكن في الله ..
لا تحرمنني من دعوة في ظهر الغيب ..