ملفنا السابع لاستشارتنا المطبخيه

اما محلات 6 اكتوبر طبعا حلوة بس للاسف مبحبش اروحه من الزحمة وخصوصا لما بتوصلى للكاشير :024:

الف شكر ياابله دينا
ياحبيبتنا كلنا
بااسجل ملاحظاتك دى فى إندكس انتى والبنات هنا كنوز والله
اموووووووووووووووووه

ميدان الجامع ده طلع حكااااااااااااااااااااايه لازم ادرسها كويس

ايلى مش حلو ابدا فتح الله مشواره مقندل ومفهوش عروض حلوة ومش رخيص يعنى عن بره قوى
وفيه حاجات كتير ناقصه
الكاشيير مره قالى المحل ده مشهور بالعطارة ركزى على العطارة بس
انا بجيب منه العطارة عشان تبقى طازه لان عليها سحب
بس ايلى بتزنق فيه بجيبه من الحى العاشر

كل الناس هاجمه على الجبن عنده تقولش كنز
خصوصا جبن فتح الله شيدر بالزيتون والبسطرمه والكمون
معجبتنيش اطلاقا دى شيدر مصرى مطبوخه وكلها دهون مهدرجه تتخلط مع زيتون او بسطرمه تتعمل فى البيت وسهله

انا جبت جبنه كريمى بالقشطه منه لقيتها رخيصه الكيلو ب12 باين بس لسه فى الفريزر ما استخدمتهاش معرفش احطها فى ايه اصلا غير التشيز كيك

ازيك يا بنات وحشتوني كتيررررر

انا مبسوطة اوي ان دينا رجعت و عملت موضوع جديدة

يا رب تكونو فكريني

انا بتاعت الفراخ ... قصدي كنت بشتغل في شركة حظوظ بتاعت الفراخ
دلوقتي بقيت عاطله :-) و الشركة قفلت :-)

انا شايفة حوار علي موضوع دواء النمل
ده رش سائل و لا بودره ؟؟؟ انا النمل هجم علينا و الواد ابني كبر ما شاء الله بقي يدخل المطبخ كتير خايفة من النمل موووووت انا عندي سائل للنمل بشتريه من مشاتل الزرع و ريحته وحشة موووووووووت
السؤال التاني
انا عملت بلح الشام طلع خرافة بس كيس الحواني كان بيموت مني و حصل فيه خرم
دلوني اشتري منين كيس حلواني قوي و فيه بلبله كبيرة عشان بلح الشام
و الله وحشتوني