شاركي في النقاش

سجلي الدخول لإضافة تعليق.

التعليقات

727

  1. @lolyta_v عضوة نشيطة

    #80717260
    لوزة
    فى ناس بيقولوا مقادير الشيف حسن مش مظبوطه وبيهيس من السرعة
    انا خوفت اجرب له حاجات
    انتى مجربه له حاجات كتير وظبطت

    سبحان الله بلح الشام ده عمرى ما دوقته عشان فيه بيض بخاف من الزفارة جدا

  2. @lolyta_v عضوة نشيطة

    #80717294
    لوزة
    الكيرى ما انصحكيش تشتريها للاكلكده وحدها لانها ضارة بالصحه كلها دهون زيها زى النستو الرخيصه وتعلى الكوليسترول
    انما بنحطها على البشاميل وبندهن بيها المعجنات زى ما دندونه قالت او السندويتشات فى الميكر بتاعتك كده
    انا مره دوقت تشيز كيك بيها ما قدرتش اكمل القطمة دسمة موت
    طريقة حفظها يا جميل فى الفريزر تقعد سنه وتاخدى على القد اما تحتاجيها

  3. @loz_loz عضوة نشيطة

    #80717300
    لوليتا v
    لوزة حبيبتى تسلم ايدك على المشاركة انتى قصدك ساندوتش ميكر او توستر ايلى عندك وهو عندى بردو ايلى اقصدها حاجه تانى خلاص ما تشغلوش بالكم بس انتى استاذة بردو انا شوفت لك طريقة كيك اللبن الساخن لرشة عطر حاجه خيال تصوير وعمايل
    ربنا يخليكي
    انا دماغي في الحلويات كنت لسه عاملة تورته في عيد الحب كانت خرافة

  4. @am_zoma عضوة فعالة

    #80717323
    لوليتا v
    ام حازماذيك ايه الاخبار فى فتح الله وما روحتيش اكتوبر سنتر باللنسبة للتخزين خزنت بسله مش كتير وقلقاس وقرنبيط وفرواله وسبانخ وسلق وكرنب قولى لى مين بيسلق لك الكرنبه ويقطعها وتضمنى منين النظافة
    ازيك يامنمونة
    مالحقتش اروح اكتوبر سنتر جوزى مارضيش ينزل الا بعد الماتش
    نزلنا على8 رحنا اكلنا عشان ماعملتش اكل النهاردة والمحل بيقفل على 10 مالحقناش
    لفينا فى روكسى شوية وروحنا على فتح الله انا مش باحب اروحه كتير مش بالاقى كل حاجة فيه
    باجيب من عنده البقوليات زى العدس والفول والفاصوليا اسعارهم احسن من بره وباجيب اللبن البودرة السايب عشان الباشميل والحلويات بس لقيته غلى عن اخر مرة كان ب28 جبته ب34
    والكريم شانتيه الخام بالكيلو ب32 احسن من الاكياس الجاهزة باجيب البصل المجفف الكيلو ب28 باجيب ربع بس لما اكون مستعجلة باستعمله حلو اوى وريحته جميلة

  5. @am_zoma عضوة فعالة

    #80717372
    والكرنب لغاية السنة اللى فاتت كان فيه واحدة فلاحة بتجيب البسلة متفصصة والملوخية متقطفة والبادنجان متقور
    بتجيب الخضار كله جاهز كانت بتجيب لى الكرنب وطبعا قبل مااحشيه كنت باغسله واصفيه
    بس للاسف بطلت تيجى وخليت مرات اخويا عملتهولى السنة دى هى شاطرة بتعرف تشتريه وتجهزه انا ماباعرفش اشتريه وماليش خلق اسلق واقطع

تابعي تجارب أخرى من هذا القسم.