اختي ومشكلتها مع خطيبة طليقها

اي والله يختي صادقه لو ماعرضوها عليه وشرطو طلاق اختي يمكن ماطلقها وهي يمكن بعد الولاده تراجع نفسها وترجعله خراب البيوت مهو زين وشو عليه طايره خايفه الرجال يطير صارو الحريم يصطادون اللي عندهم مشاكل ويتزوجونهم الله لايبلانا

لا تلوووم الاولى بصراحه .. اختك طالبه الطلاق وهذيك بعد شارطه الطلاق ..
ليه تدق عليه اختك وتقووله طلقها وبعدين ترجع ف كلامها وش ذا !!
وتقولون انسان دنيء بمعنى الكلمه ولا قدرت تصبر عليه عازمه ع الطلاق وعايفته وكارهته قبل لاتاخذه ويوم صار عند الثانيه صار حلو وتبيه ..
وانا اقوول لا تشتكي ولا شي وش لها بالمحاكم ويمكن يركبها حق ..
كلامي يمكن قوي بس هذا الصدق

الله اكبر اللحين خلصوا الرجال يعني


انا اشوف الغلط من اختك دامه بيطلقها ليش تلاحقه بالمسجات خير


و ايش وصلها لخطيبته وتتمشكل معها بعد


وحسب كلامك انه ماخطب الا بعد ماقرر يطلق اختك يعني ف هالحاله الغلط من اختك لانها تدخلت بين طليقها وخطيبته

و فكل الاحوال الامور ماتنحل بهالطريقه اختك تقطع التواصل معه واذا ناوية ترجع له الرجال يتفاهمون


مو تراسله وتتمشكل مع خطيبته خير وين احنا فيه

ياختي الله يهديك اختي ارسلت الرساله هذي بعد ماملك على طول وماتدري حتى من خطيبته ولاسألته عنها ومن الرساله هذي حظرته وماترد عليه وخطيبته ماتعرفها ولاتعرف رقمها بس اليوم دقت على اختي هو معطيها الرقم وبعدين لو اختي تراسله كان حق لها تزعل بس خلاص السالفه صارلها شهرين وش معنى ماتذكرت الا اليوم المفروض خلاص موضوع صار ماضي ولو انه كفو رجعتله اختي بس اختي مصدومه بالطلاق اكثر وحست بعد خطوبته انها فشلت للمره الثالثه ربي يعينها ويصبرها

يعني خلاص اختي كفرت لما طلبت الطلاق ياما حريم طلبو الطلاق وتطلقو وردو لابوعيالهم وهم متزوجين بعد مافيها شي لو المرأه حكيمه صار الطلاق بيدها لكن حكمة رب العباد واختي قالتله لاتطلق بالفتره هذي لحد ماخلص وحام ونتفق يمكن اكون اتوحم وفعلا بعد ماخلصت وحام تحسنت نفسيتها وفكرت ترجعله قبل تدري انه ملك ولما درت انهارت وصار اللي صار وهي تقول لو يبيني ماملك وانا موصيته مانستعجل وتقول هذا غدار والا كان ماطلقني وتزوج على طول وشفيها لو صبر كم شهر لو على الاقل عشان ولده