شفت ثلاجة شارب واعجبتني لكن ..... :(

@amp_ghroob_amp

السلام عليكم كيف حالكم بنات

لي مده ادور ثلاجه وشفت من فتره باكسترا تلاجة شارب اربع ابواب اللي الفريزر تحت وحبييييتها لكن قالي البايع انها ياباني تجميع تايلندي ودورتها بمحلات الاجهزه مالقيتها الا عند المنيع نفس الشي تايلندي وعند فيرست 1 بعد تايلندي ويقول ماتجي الا تجميع تايلندي ماعاد فيه ياباني


هذي صورة المحروسه :44:





سعرها عند المنيع واكسترا ب 7999 وفيرست1 ب 7499 ومسوي عليها خصم يخلص اليوم ب 6899 :44:

ابي اعرف الله يخليكم من قد جربت ثلاجة شارب هل هي كويسه الماركه والا لا خصوصا انها تجميع تايلندي

انا معجبني الموديل ومالقيته باي ماركه ثانيه مررره مناسبني مافي الا ماكة بيكو تركيه نفس التصميم ومو موجوده عندنا

اللي عندها اي خبر عن شارب عموما يطمني لانها ميزانيه حراااام اشتريها وتطلع خرابيط تثلج والا تصب مويه زي اللي عندي الحين

انتظركم

11 تعليق 29,200 مشاهدة

0 0

شاركي في النقاش

سجلي الدخول لإضافة تعليق.

التعليقات

11

  2. شوفي اختي ماركات الثلاجه من الاجود عندج هيتاشي بعدها lg وبعدها شارب
    والحين سامسونج وااايد يروجون لها لانها جديده ومب معروفه كاستخدام شرات ال جي وهيتاشي
    وشارب شركه ممتازه بعد بس نصيحه مني لا تاخذين أبداااا من هالديزاينات الي جي أبوابها من أي ماركه حتى لو هيتاشي كل هالأشكال فقط شكل لا أغير تغرينا بشياكتها لكنهم أبو الدمار بعد فتره وثاني شيء تاخذ مساحه وعريضه وداخل الثلاجه ضيق ما يكفي ومب عملي أبداااا لنا ما يتستفاد منها أبدااا بعد فتره بتقولين ياريتني ما خذتها وخساره الفلوس فيها
    ولما تروحي تشترين اقري ورقة التعليمات كم تشل لتيرات 800 ممتاز وحتى 700 وحتى 660

    وشوفي التهوية الداخلية للثلاجه البعض يكون من فتحتين والبعض عده فتحات حوالي 4 لكامل الثلاجه ونا خذت تهوية من فتحتين تهوي لكامل الثلاجه لأني أبي تهوية وسط للفواكه والخضروات وزي ما تعرفين الفواكه والخضروات ما تحب البروده الشديدة ولا الخفيفة وهذا هو المطلوب
    وترى معظم الثلاجات ضمان سنه على الهيكل الخارجي و5 سنوات للمكينه ونا من يومين ماخذه هيتاشي وترى صح العامل خبرج الماركات يابانية بس صناعه تايلند ماصار يجي من اليابان شيء

    تقدرين تاخذين أحلى ثلاجه وبمواصفات رووووعه 3000 درهم وأقل هياشيء خذتها 2409 درهم وحصلت على 150 درهم مجانا

  3. @amp_ghroob_amp

    صاحبة الموضوع
    اهلين اختي

    هيتاشي من تجربة سيييئة جدا بعد سنه صارت تثلج الخخضار والفواكه وتصب مويه وحالتها حالة حاولت كثير اصلحها ومارضت تتصلح والحين لها خمس سنوات وابرميها

    واهلي عندهم هيتاشي بعد ونفس الشي مرررة تثلج وتعدم لهم الخضار

    ال جي ماركه مرتبه تعجبني جربت غسالتهم بس ماجربت ثلاجات لهم بس المهم تاخذين كوري موب اندنوسي

    الثلاجه لاشفتيه وااسعه من جوا موب مثل الثلاجات اللي تجي الفريزر جنب الثلاجه

    هي ٦٠٥ لتر مقسمه ٢١١ فريزر و٣٩٤ ثلاجه

    الثلاجه معجبني فيها تصميمها يعني صايره كثير فيها دروج فتقسم لك الاغراض بطريقه مرتبه خصوصا الفريزر لانه دايم اعاني منه

    لكن كخراب مادري اتوقع على حسب الماركه اذا كويسه بتطول ماتخرب بغض النظر عن تصميمها

    الف شكر لكماقصرتي استفدت منك كثير جزاك الله خير

تابعي تجارب أخرى من هذا القسم.