السلام عليكم
نوينا ان شاء الله نزوج اخويا الصغير وهو طيب وحبوب ومواصفته حلوة. وفيه بنتين من جماعتنا حيوافقوا عليه لانه جاء قبل كده تلميحات وباين انهم يبغوه ولما طرحنا الموضوع عليه قال انتم نقوا ليا وانا راضي
حاولنا معاه ينقي منهم وهو رافض تماما. بيقول اختاروا انتم انا مش فاضي ولا بعرف في البنات
وهنا احنا احترنا زيادة وابغاكم تساعدوني وانا حقول لكم مواصفاتهم بصدق
وحدة جميلة جدا وجسمها رووعة ومبتسمة لكنها زيرو في البيت والشغل. طول وقتها ع البي بي ومهتمه بشكلها اكتر من اي حاجة تانية ومش متسترة كويس وعايدي عندها تخرج وهيا لابسه القصير والعريان ونخاف نزوجها اخونا وتربي بناته بكره على قلة الحياء .
والبنت التانية عايديه لكن طيبه ومحترمة وتعاملها مع الناس بتواضع وبتساعد الكل وتحترم الكبار وست بيت ممتازة وماعندها عقد من اي ناحية واهم حاجة تستحي ومحتشمة واخلاقها حلوة.
انا وماما اخترنا التانية لكن خايفين اخويا بكره يطلب وحدة جميله ونندم
طبعا لما نختار وحدة هو حيطلب يشوفها بعدين لكن ما نبغى نخطب وحدة منهم ويشوفها وبعدها يرفضها ونروح نخطب التانية لانهم بنات عم وصعبه نطلب الاتنين لنفس الشخص
مرة تانية اقول لكم هو رافض ينقي ابدا وبيقول لما تنقوا وتخطبوا انا اروح اشوف وخلاص
الموضوع مغلق