مايختلف عليه اثنين ان عدم وجود الشغاله راحه نفسيه وحريه ولكن
انتي قارنتي لما كنتي بنت بنشاطك وقوتك بنفسك الان لما كبرتي بالسن وهد جسمك الحمل والولاده والمسؤليه!!
قبل تتخذين هذا القرار فكري بجميع الجوانب
اعمار اولادك لان اذا فيهم رضيع فهذي مصيبه لانه ياخذ كل الوقت
لانومه كافيه ودايما معرض للحراره والتعب ويشغلك كل الوقت
بالعنايه فيه ياتنظفينه او تاكلينه او شايلاه او منتبهه له من الاخطار
لكن اذا عيالك معتمدين على انفسهم اسهل كثير
وهل زوجك من النوع المتعاون يعني اللي مايدقق ويمشي وانتي كذلك
ولاتحبي كل شي على متمه ونظيف طول الوقت ومرتب وتحبي مستوى معين
لان بصراحه حتى بوجود الشغاله صاحبه البيت ماتجلس ولا عندها وقت فراغ
لان الشغاله ماراح تلحق على كل شي خاصه ان البيت كبير وفيه ابناء
يكفي الغسيل والكوي والمواعين لوحدها كسره ظهر
الانسان كلما يكبر وتزيد خبرته وتجاربه يحرص على الشي اللي يريحه ويزيد من الرفاهيه
مو العكس يبحث عن التعب وعشان ايش؟؟ شبابك تعيشيه مره وحده
يعني حتى لو ماكنتي دقيقه ونظيفه ماراح تلحقين ولا راح يكون لك خلق لالعيالك وتدريسهم
ولاحتى للحديث معهم ومناقشتهم لانك بتكوني مهدوده وهلكاااانه
ونفسك بطرف خشمك مو متحمله ضغظ شغل
ولا حتى لك خلق تلبسي لزوجك لبس مرتب او رايقه معه للسوالف وسعه الصدر
معليش لاتجي وحده وتغالط نفسها وتقول الوحده تقدر تلحق
ترا اليوم ٢٤ ساعه فقط
يكفي جونا والغبار الله المستعان بنفس اليوم اللي مسحتي فيه تلاقي الغبره
ومن اي تصرف تافه او بسيط يسويه زوجك بتثوري عليه مثلا رمى الفوطه ع الارض بعد الاستعمال
او نكش الملابس عشان يبحث عن لبس معين
ولازم تحطي ببالك نقطه مهمه جداااا بالنسبه لابنائك
اذا صار لك مشوار سريع اوزياره رسميه ولا سوق ولا موعد مستشفى مظطره تاخذيهم او توديهم لاحد
مو زي قبل بتكوني ع الاقل مطمنه عليهم بالبيت ان عندهم كبير الله لايقدر لو سار شي ممكن يتصرف
واستغنائك عن الشغاله حسب بيتك يعني هل فيه مجال تتسكر معظم الاماكن بحيث تسيطري ع الوضع
وهل عيالك متعاونين بترتيب اغراضهم او ع الاقل مايزيدوا الحوسه وكلمن قايم بنفسه؟؟
واعمارهم ايضا جدا مهمه وهل عندك ادوات مساعده مثل غساله صحون وغساله اوتوماتك وخلافه
اما بالنسبه للحبشيات فانا من خلال مااشوف حالهم حال كل الجنسيات حظوظ
فيهم والله من تسوى الف اندونيسيه واجيبها ولا ادخل اندونيسيه بيتي
فيهم اللي تخاف الله وتتغطى من حشمتها ورحومه بالاطفال وشغيله وحركه واخلاق وفيهم العكس
والفلبينيه اذا اشتغلت ٨ ساعات الحمدلله كافي ترا هي مو اله لازم نكرفها لاخر رمق
اذا عرفت شغلها ونظفت البيت وغسلت وكوتوساعدت بالطبخ خلاص بالعكس
خليها تصد عن وجهك تاخذين راحتك ببيتك وراتبها اذا زوجك مقتدر مو مشكله
ليه التوفير عشان يجمع فلوسه ؟؟؟ وانتي تقضينها كرف وتعب؟؟
حبيت انبهك لهالنقاط تحطيها ببالك
ولكن اولا استخيري ثانيا الامر بيدك جربي بدونها وشوفي كيف تمشي امورك
اذا مامشى الحال او تعبتي تقدري تقدمي
قررت استغني عن الشغاله..هل قراري صح؟؟!!
متابعة النقاش، صفحة 6