حياتي على وشك الانهيار

زوجي والحشيشالسلام عليكم ،،، وفق الله كل القائمين على هذا الموقع الرائع...مشكلتي كبيرة وكلي ثقه في الله ثم فيكم  في حلها...انا متزوجه لي ثلاث سنوات عندي ولد وحامل زوجي عمره 34 سنه وله 11 سنه مدمن حشيش مع العلم انه تركه قبل الزواج بخمس شهور وبعد الزواج بسنه بدون علاج ورجع له واستمر عليه الى قبل امس جاء للبيت وهوه اصفر شاحب غير متزن يلخبط في الكلام عنده انخفاض في نبضات القلب عدم احساس بالجزء الايسر من الجسم ولحظتها لما سألته وش فيك وش اقدر اسوي لك قال انا احس اني بموت وانا بقولك خلاص ما راح اخبي انا من زمان احشش وقالي باعترافات كثيره صارت وانا كنت غافله عنها انا كل اللي سويته قلت (اللهم اأجرني في مصيبتي واخلفني خيرا منها) نزل علي صبر وسكينه لدرجة اني اعطيته سڤن اب لرفع ضغط الدم وما خليت ولدي الصغير يشرب منه لأنه بارد فقال لي ليش حطيتي لي فيه سم و ما صدق الى ان شربت انا منه بعد هذا كله نام... انا الحين منهاره بس مش قدامه تناقشنا وحسسته بعظم المشكله وحجمها وانه في منعطف خطير وحلّفته على القران انه مايرجع له وهوه اساساً  جاني وهوه مقرر من نفسه انه ما عاد يرجع له و ماراح اظلمه انسان فيه خير واخلاقه وتعامله معانا كويس ويحبنا كثير ويحافظ ع الصلاه قد ما يقدر  بس  وبكل صراحه ماعاد اعرف هل هذي كانت طبيعته وحقيقته ولا كل هذي المواصفات كانت فيه لأنه كان يحشش وانا طمنته اني ما راح اقول لأي احد الموضوع وطلبت منه يتعالج هوه خايف لوراح يتعالج يسجنونه وخايف من الفضيحه وش رايك يا دكتور نروح لمستشفى  خاص يكشف عند دكتور نفسيه وياخذ  علاج مبدئي لاني قرات عن عدة علاجات تهدي وكمان ابي منك يادكتور تنصحني كيف اتعامل معاه انا مصدومه مره ومتفاجأه مع العلم اني ماعمري في حياتي صارلي اي مشكله لأني اصغر وحده في العائله وتعودت ما ادخل نفسي في المشاكل ومريحه راسي يعني هذي اول واقوى تجربه ف حياتي.... الله يجزاكم خير  على صبركم واعذروني ع الإطاله..

11 تعليق 1,300 مشاهدة

شاركي في النقاش

سجلي الدخول لإضافة تعليق.

التعليقات

10
  1. @ouafa_la_rose

    ﺍﻟﻠﻪ ﻳﻬﺪﻳﻪ ﻭﻳﺒﻌﺪ ﻋﻨﻪ ﺍﻟﺤﺮﺍﻡ ...ﺍﻧﺖ ﺣﺎﻭﻟﻲ ﻣﻌﻪ ﻣﻮ ﺳﻬﻞ
    ﻳﺘﺮﻛﻪ ﻟﺎﺯﻡ ﺍﺭﺍﺩﻩ ﻭﻭ ﻗﻮﻓﻚ ﺟﻨﺒﻪ ﺭﺍﺡ ﻳﺴﺎﻋﺪه
    ﻋﻠﻴﻚ ﺑﺎﻟﺪﻋﺎﺀ ﻭﺍﻟﻠﻪ ﻭﺣﺪﻩ ﺍﻟﻘﺎﺩﺭ ﻋﻠﻰ ﻫﺪﺍﻳﺘﻪ .
  2. @rain_bow_1

    صاحبة الموضوع
    هذي الرساله ما قدرت احطها في اي موقع استشاره كلها اكتفت من الأسئله وارسلتها لكم لعل اللي مرت بتجربه مثلي تنصحني وش اسوي تكفون..
  3. @mshaaaaaaar_anth_1

    الله يعينك. ياختي ....
    الموقف صعب ويبيله ارادة وصبر
    دامه طيب ومعترف بخطأه ووده يتعالج
    اوقفي معه واصبري ...
    ونصيحتي لك ...لاتعلمين احد ...
    ان شاء الله ربي يقر عينك بشفاءه
    ويخليه لكم .....

    واسألي وشوفي كيف ممكن يتركه ...لان ما في شي مستحييييل

تابعي تجارب أخرى من هذا القسم.