مقهوووره

مساء الخير 
كيفكم بنات .. انا مقهوره من زوجي مع انه طيب وحنون بس فيه عيب واحد وبصراحه يمكن تكون فيه عاده مدري بس اهو دايم يكرر هذي الحركه يعني مو اول مره ولا عاشر مره اصيده وهو يسويها وهو انه يحب يناظر الحريم باي مكان بالسوق بالمستشفى بالاماكن العامه باي مكان بصراحه انا انقهر من حركته هذي ودايم اصارحه وانصحه وازعل منه وهو يحلف انه من غير قصد او يقول كنت مسرح وماني منتبه وهو اكثر من مره يسويها واحيانا يقول انا اناظر بس مافي قلبي شي يعني كذا من حسن نيه بس بصراحه شي يقهر حتى فيه حريم يتضايقون من مناظرته لهن وتخاصمنا وصار مايناظر كثير بس امس شفته وتهاوشنا وقلت له والله لسوي مثل ماتسوي انت واناظر في الرجال وقال ياويلك لو اشوفك تبغين تناظرين روحي بيت اهلك قلت والله لاخليك تشرب من نفس الكاس وتخاصمنا وطلع وش اسوي يابنات تعبت من ذي العاده السيئه فيه مع انه يخاف الله ومافيه اي شي سئ غير هذي الحركه شوروا عليا وش اسوي معه وش تنصحوني به وارجوكم ادعوا لي بصلاحه واسفه على الاطاله ومشكورين

13 تعليق 1,392 مشاهدة

شاركي في النقاش

سجلي الدخول لإضافة تعليق.

التعليقات

13
  1. @bdayat_fgr_1

    دايم استودعية الله وذكرية بالله
    وقولي قبل كل طلعة للهم اني استودعتك زوجي في سمعة وبصرة وفرجة يامن لاتضيع ودائعة
    وكرريها ثلاث مرات
    احنا في زمن كثرت فية الفتن غصب عن الواحد يناظر والرجال صعبة تقفلين عيونة اهم شيء انك تذكرينة بالله دايم وعشان ترتاحين لاتروحين محلات وقت الزحمة انزلي في الصباح واذا شفتية يناظر اشغلية بسالفة او اي شيء ولعاد تبينين لة هالشيء يمكن يحب انك تغارين علية فيسوي كذا طنشي ووكلي امرك لله
  2. انتي من جدك بتسوين زيه! تمزحين طبعا ﻷنك عارفه ان العين تزني ..
    حبيبتي انتي تقولين زوجك زين بس هالشغله مضايقتك...مشكلتك بالنسبه لغيرك ولاشي ..كثير رجال زيه يخزون الحريم انا ما اقولك اللي يسوي صحح لا طبعا بس وش تبين تسوين...بعدين فيه حريم الله يهديهم يفتنون بلبس العبايه والمكياج انا حرمه يجذبوني فما بالك رجال الله يهديهم ويصلحهم...قوليله انا عادي عندي بس اخاف عليك من النار مابتتحملها لا تنسى ان العين تزني ..وقوليله ترضى على محارمحك احد يخزهم بعيونه؟؟؟؟؟....
  3. @am_maatz_6

    تراك بتخربين على نفسك اذا يطالع ومايغض بصره له رب يحاسبه وخذيها مني نصيحه الرجل مهما وجهتيه ونصحتيه بيفهمها انك قاعده تتحكمي فيه وبالمقابل ماراح يتعدل
  4. @dont_care_1

    خذي معك بنتك ولا رفيقتك للسوق و هو خليه ينتظر في السياره
    او يروح و يرجع ياخذك بعد ما تخلصي
    هذه الحاله مستعصيه عند الذين في قلوبهم مرض و مالها حل
  5. @am_aazoz2013

    صاحبة الموضوع
    الله يجزاكم خير والله اني دايم اذكره بالله واقوله هذا الشي اللي تسويه حرام بس اهو يبرر موقفه ويقعد يحلف انه ماكان يقصد شي وماقدر اروح السوق لوحدي مايرضى لازم يكون معي وبنتي صغيره وماعندي صديقات وامس كنت امشي قدامه وهو وراي ووقفت جنب حريم ووحده منهم تقول شوفوا هذا قاعد يخز فينا واطالع فيه وبسرعه يناظر في الارض والله شي يقهر ماقول الا الله يهديه ويبعد عنه هذا المرض اللي عنده ويسخره لي ويسخر ازواجكم لكم يارب

تابعي تجارب أخرى من هذا القسم.