الخياطه كيف اعالجها

حياتي يا اميرة كيف متحمله الالم 
شوفي وهذي الطريقه 3او4ايام الا وانتي تمشي ومافيك الا العافيه 
اولا لازم تحطي مويه دافيه قد ماتتحملي انتي الحرارة,وملح وتشطفي فيها زين خذي طشت واسع وحطي فيه المويه والملح اذا كان عندك حجر او ملح حق الاكل وتشطفي واذا قدرتي تجلسي فية اجلسي 
وبعدها اخر تشطيفه جيبي غسول بيتادين الي لونه بني المطهر حق المستشفيات وحطي منه شويه مع مويه دافيه زي الي مع الملح يعني قد الكوب وتشطفي فيها واضغطي بيدك عشان يدخل مع الخيوط ضغط خفيف وخلاص البسي جففي علئ خفيف وعشان ماتصير رطوبه والبسي الفوطه
في الليل نفس الشي بس اخر شي منقوع المر وخلي المر كثير عشان يصير مركز 
وعليك بالعافيه 
واي سؤال انا اختك 
ومبروك ما جاك

لاتنسي تشربي مر مع القهوة بن او اذا كنتي تشربي قشر  افضل خليك تشربي حتئ تذوب لانه  هو يطهر الحرمه من جوه وينزل المويه وباقي دم النفاس 
انا طهرت علئ شهر والعشرالايام الباقيه كنت اصلي فيها وبعد الاربعين نزلت دورتي 
تذكرت سويت حاجه مجنونه وانا نفاس كانت خياطي علئ عشرين يوم راحت وطلعنا البحر,انا وزوجي واهلي وركبت في اليخت وركبت الدباب 
امي كانت تصارخ وانا زوجي مجانين

غلطانه حبيبتي الخياطة يبيلها عناية
غريبة دكتورتك هذي !!
شوفي وش عطتني دكتورتي الاستشاريه يوم ولدت
صرفت لي غسول بيتادين يجي في الكرتون الغسول وعلبة الدوش تعبينها غسول وتخففينه بالماء وتنظيف من جوا ومن برا وما ترجعين بعده تشطفين بالماء
وخذيلك كريم فيوسيدين ابو خط احمر واصفر وخذي كريم ميبو للجروح واستعمليهم بالتناوب مرتين في اليوم من هذا ومرتين من هذا والطريقة بعد الغسول تنشفين المنطقة كويس من الرطوبة تدهنين جرحك مره حطي من ألفيوسيدين ومره في وقت ثاني من الميبو بمعدل اربع مرات في اليوم
واحرصي على تغيير الفوط باستمرار

غريبة
انا كنت احط ميبو وخوا جوا
وبعد 20 ييوم بديت بالموية والملح عشان يجف الجرح وينشف وتطيح الخيوط
لان الموية والملح ماتصلح بالايام الاولى تطيح الخيوط والجرح لسى ماانخاط وطاب

واهم شي جففي المنطقة كويس لان الرطوبة هي اللي تسبب روايح

اول شي نضفيها زين بالمويه الدافيه المعقمه عشان يروح منها الوسخ لان علي كلامك فيها ريحه وبعدين تنشفيها بمنشفه مخصصه
فيه ملح موجود في الصيدليه خاص لبعد الولاده عبي البانيو وحطي كيس فيه واجلسي فيه بعدين نشفي مره ثانيه واستخدمي كريم مخصص ميبو او اي كريم كتبته لك الدكتوره وضروري ضروري تستخدمي مضااااد عشان يساعد علي التام الجرح بسرعه
وبعد كذا خوذي فحم وحطي عليه حبه نواه تمر وقشر بصل ومر وتبخري فيه حطيه بين رجلينك وبعدها البسي شراب ولفي علي راسك شي عشان مايدخلك برد ودفي جسمك وان شاء الله ماقدامك الي العافيه