السلام عليكم ورحمة الله صباح الخير للجميع
وحشتووووووووووني موت يبنات ملفي العزيز انا وحده من الملفات القديمه البعض يفتكرني والبعض لا والجديدين الله يحيهم
انا ما شاء الله تبارك الله مربعنه والحمدلله ربي يخليهم ليا ويجعلهم من البارين ويعني على تربيتهم يارب
طبعا بديت التفكير في البنت من بعد ولدي الثاني ولاكن الله قدر وكنا عزل طبيعي وحصل الحمل من غير مااعمل شي
ولدي الاخير قلت ماراح احمل باذن الله الا وانا عامله بالاسباب والمهم نظمت اكلي البان ومشتقاتها زودت لاني انا من محبينها جدا وخصوصا اللبن ومااخفي عليكم كمان احب الملح ولازم الملح يكون متواجد وقت الاكل المهم هاذا الموضوع بعد محاولات لمدة سنه بسبب لخبطة الدوره وبعد كذا انتظمت ولله الحمد بس ماتم الحمل الا لما طلعت روحي سبحان الله دايما كنت اتابع الدوره واخر شهرين قبل الحمل رحت لدكتور وتابعت التبويض جلست شهرين وحملت الشهر الثالث من المتابعه طبعا استخدمت غسول ملعقه خل على لتر ماء وحددلي يوم الجماع على حسب تبويضي كنت شاكه سبحان الله اني دايما تبويضي متقدم مااعرف ليه واتاكد شكي في ولدي الرابع لان الافرازات نزلت بدري مو زي حساب الدكتور كان قايلي يبدا التبويض يوم ١٤وانا اخر جماع كان يوم ١١وقلت للدكتور قلي اعملي زي مااقولك وكان هوى الجماع الوحيد وحملت سبحان الله وطبعا اكدتلي الدكتوره النوع بالزبط في الاسبوع العشرين وقالت مبروك ولد طبعا والباقي اكيد تعرفوه انصدمت ولاكن الحمدلله على النعمه ولاكن شعور مااقدر اوصفه ولاهوى بيدي وخصوصا اني اتوكلت وعملت بالاسباب وحطيت في بالي انها مجرد اسباب والعاطي الله ولاكن بني ادم والان اموت في دبديبه على قول اخواتنا المصريات وماندري الخير فين ولاكن سبحان الله عندي امل في الله كبيرومتاكده انه راح يكرمني في يوم من الايام ولدي عمره ست شهور ربي يخليه هوى واخوانه ويحفظلي ويحفظلكم يارب
ملف العمل بالأسباب لإنجاب البنت بإذن الله (( الملف التاسع ))
متابعة النقاش، صفحة 82