لقاء الأحبة *3*

حاضر خانم انتي ولايهمك وهيدي جلسة نقاش يلا لشوف ليكوا اوعا حدن يطلع برات الموضوع احسن عنوده وزهوره بيزعلوا ونحنا كلوا ولا زعلهن مو هيك بنات هههههههههه
والله مالي نفس افتح مواضيع غير اناقش موضوع التضامن الفلسطيني شو بايدنا نعمل لنضامن معهن
يلا اقترحوا شي ليكوا هي موضوع تاني كمان للنقاش

بالنسبه للشعب الفلسطيني، اكتفي بالدعاء،، لأنه لا مساعدات بتوصل و لا أصلا مسموح ينزلوا مجاهدين حتى يشاركوا اللي هون في الجهاد، فأنسب شي هو الدعاء،،،
في يا دود عضوه كانت مشاركه معنا و نسيت شو اسمها بتحكي مثلك، بتذكريني فيها كتير، بلكي الصبايا بتذكروها،،،

زهورة أنا مو شايفة إنه الموضوع قلب لتشات ( مع إحترامي لرأيك ) يعني لما وحدة منا بتفوت , بتسلم على الجميع و بتسأل عن الأخبارو همة بردوا عليها ! و هاد الحكي م زماااااااااان , يعني من لما بلش الموضوع ....
ما منقدر نيجي هلأ نمنع طبيعة هالكلام ...

ما منقدر نمنع وحدة تيجي تحكيلنا خبر عن نفسها و ما نباركلها أو نعزيها أو نواسيها أو حتى نقترح عليها شو تعمل

من هون بتيجي مناقشة المواضيع , يعني زي ما مناقش مرات مواضيع محددة في مجالات محددة , ما بمنع كمان ننلقش مواضيع حياتنا الإجتماعية

مثلا عنودة خطبت , ما بنقدر ما نباركلها ( تعتبر مناقشة في مواضيع إجتماعية بتخصنا و بتخص كل بنت بتجمعنا ) مثلا إيمان تعتبت ما بنقدر ما نسأل عنها بالإسم و نشوف شو صار معها ( كمان هاي مناقشة لمواضيعنا الإجتماعية و الي بتخص تجمعنا ) كمان زهورة غابت مستحيل ما نسأل عنها لنفس السبب ...

يعني ما في داعي نخلي كل تجمعنا عبارة عن مناقشة مواضيع محددة , طبعا أنا بأيد كلام عنودة , بس كمان مش غلط الأحاديث الجانبية ... لأنا تعودنا هيك ... و مناقشتنا في مواضيعنا الإجتماعية ما بحس إنه كلام خارج عن قوانين المنتدى .... لأنا بهالتجمع منحاول نكون مع بعض بكل إشي , و الهدف الأساسي هوة إنا نتناقش في مواضيع رئيسية

زهورة بتمنى تكوني فهمتيني ... و إن شاء الله ما تكوني تدايأتي عشان تعليقي
:)


:26: :26:

تسلمي،، أنا بخير و الحمد لله،،،
إن شاء الله بنكون متميزين و بنحصل على الوسام،،،

معقول أزعل منك نونو،، بالعكس ما زعلت و ليش أزعل أصلا:)
المواضيع اللي طرحتيها إنه بنحكي فيها هذه خارج الموضوع لأنه مثل ما قلت ما بنقدر نتجنبها،،،
سؤال عن الغايبين مثلي:30: ، مواساة الآخرين، زي ما دعيتو لأهل غزه:26: ، و ،،،،
و هذه ورده الك:26: :26: