السلام عليكم
طبعا انا غبت عن هالقسم تقريبا سنتين وكنت موجوده معاكم بس تركت المنتدى فترره طويله ورجعت بس نسيت الرقم السري ورجعت سجلت في المنتدى من جديد
اسمعو قصتي :
طبعا انا صارلي اربع سنوات ماحملت كنت اراجع في المستشفى تعبت من التحاليل والكلوميد وابر التفجير كانت تقوولي الدكتوره كل شي عندك تمام والبويضات تمام وكانت تقولي متى يصير الجماع وكنت اتبع كلام الدكتوره بس مايصير حمل الحمدلله
المهم اني تركت المستشفى وتعبت من العلاجات وكنت دايم اشرب ميرميه وبردقوش وماادري اذا هي سبب في حملي بعد الله سبحانه ولا لا
عاد المهم مريت بظروف وكل شهر نسافر سبحان الله ماتوقعت اني احمل تاخرت الدوره شهر وقلت اكيد تلخبطت مع ان ماشاء الله دورتي منتظمه وتجي كل شهر المهم حسيت بتعب وقلت لزوجي ان الدوره تاخرت قال خلاص بجيبلك جهاز تحليل كنت ممره خايفه ومرعوبه من النتيجه وسويت التست تخيلو وقتها سويته وحطيته على المغسله وماشفته كنت خايفه من النتيجه يعني التفت وشفته من بعيد وشهقت وجلست ارجف وماني مصدقه بغيت اطير من الفرحه طلعو خطين واضحين ومن الصدمه كل شوي اشوف الجهاز ياربي ماني مصدقه وناديت زوجي وشاف التحليل قال ماني مصدق بيجينا نونو يالله كان احسن يوم وماصدقت اني حامل الا لما حللت دم وقالولي حامل مرت شهرين تعبت من الغثيان والدوخه بس الحمدلله وانا في نص الشهر الثالث نزل مني دم قمت ابكي وخايفه وودوني المستشفى وسويت سونار قالولي مافيه نبض يالله قد ايش تحطمت وبغيت اموت من كثر مابكيت تخيلو شفت صورته في الاشعه والدكتوره تاشر لي عليه وتقول هذا الجنين بس مافيه نبض وتنومت ذاك اليوم لانهم كانو يبون يتأكدون اكثر وسويت سونار مره ثانيه وقالتلي الدكتوره الجنين ميت ومافي امل يعيش لازم نسويلك تنظيف ووقتها كانت نفسيتي جدا سيئه يعني تخيلو حملت بعد سنين انتظار وكنت طايره من الفرحه واهلي فرحانين واخواني ماهم مصدقين
اعطوني طلق صناعي وجاني نزيف واليوم الثاني دخلوني غرفة العملياات وسوو تنظيف وشالو الجنين
والحمدلله على كل حال قممت ابكي وماني مصدقه
اسفه بناات طولت عليكم بقصتي بس ابغاكم تعرفون اذا ربي اراد شي بيصير
حتى لو قالولكم الدكاتره فيكم وفيكم وفيكم ومافي امل يصير حمل
صدقوني مافي شي بعيد عن ربي شوفوني انا حملت ولله الحمد بس مااكتمل حملي وأسال الله ان يعوضني عن جنيني اللي فقدته ويرزقكم الذريه الصالحه ولايحرمكم
انتم توكلو على الله واستغفرو وادعو وربي مايخيب ضنكم
ادعولي تكفون نفسيتي تعباننه ممره
شاركي في النقاش
سجلي الدخول لإضافة تعليق.
التعليقات
31- الحمدلله عالسلامه والله يعوضك ويرزقك
- الله يرزقك ان شالله مره الجايه تحملين وربك يرزقك باحلي نونو احرصي على الاذكار وسوره البقره وعمل الاسباب
صحيح ربك الرزاق لكن الناس ماتعلم عن حملها الا بعد الشهر الرابع يكون الحمل ثبت فما بالك بمتاخره - الحمد لله ع السلامة والله يرزقك الذريه الصالحة لا تكدرين نفسك خلي املك بالله كيبر واذا 4 سنوات مو تاخر فضيع فيه نساء تاخرو 15 سنه وبعدين الله رزقهم
- الله يعوضك بتؤام صالحين يارررررررررررررب
- يالله
تماما مثل اللي حصل لي
لكن بعد انتظار ست سنوات حملت طبيعي
كان بذاك الشهر الدكتور محولني عالانابيب
وكنت ادعي ربي بذاك الشهر انه يغنيني عن الانابيب واحمل طبيعي وبنفس الشهر اخذت اثر من بعض قرايبي لي ولزوجي
وقبل موعد الانابيب باسبوعين حملت ماانسى فرحتي وزوجي بهالخبر
وفرحة اهلي واهل زوجي
لكن الحمد لله على كل حال
في الاسبوع الثامن توقف نبض الجنين وبعدها سويت عملية تنظيف
يارب ياكريم كما رزقتني بالحمل مره ارزقنياه مرات ومرات واكرمني بذرية طيبة من عندك
انا واخواتي المتأخرات يارحمن
مواضيع مشابهة
تابعي تجارب أخرى من هذا القسم.