(^_^) ملف بنات رأس الخيمة (^_^) الجزء الثاني

أســمــــا

حبيبتي سألتي عن السفر لسوريا ....نحن ناوين نسافر السنه سوريا ولبنان

وريلي معزم انه ياخذنا بالسياره عشان راحة المواصلات هناك

لكني الصراااحه متخوووفه من الطريج وااايد

مجربتنه من عشر اسنين تقريبا كااان جدا فظيع ومؤرف

لكن يقولولي الحين غيروه ....

========

الغاليه اسما انتوا مقررين اتسافرون طريج البر ؟؟؟؟

أمواااج هلا الغاليه ...احنا نتشاور وانشاء الله نعزم وانسير بس اول مره نسير بالبر ومثل ما قلتي عسب المواصلات والواحد ياخذ راحته اكثر ..بسانا مثلج متخوفه ...واندور حد نسير وياه كمجموعه للطريج احسن الواحد يسير ويا حد يدل ..وللامان بعد ...انتوا متى انشاء الله ناوين

هلا أسما

وانا رايي نفس رايج الواحد لازم يسير ويا جماعه يعني على الاقل سيارتين ثلاث

(اتصدقين وحده من ربعنا ما شا الله عليهم كل سنه يسيرون العايله كلها اتسير وما يتضايجون من الطريج وتقول والله وناااسه هي اللي خلتني أتشجع زياده ....لكن بصراحه يوم سرنا من زمان كرهت عيشتي من تعب الطريج وطووووله )

والحينه نحن ودنا انسير بسرعه لكن نتريا حميتي لين ما يبصم على الموافقه ريلهاااا خخخخخخ
وانا عطيتهم مهله لين يوم الاحد يردون النا اخر خبر وجان ما بيسيرون برايهم بنسير رواحنا

واكيييد بنحصل حد ساير بشهر سبعه المهم ربعة الطريج اتعرفين ...

الله يبارك فييييج الغاليه

وان شاااااااا الله تفرحين بأمووووونه يااااااااااااااارب

اختي امنه وصلتج الكتب شو رايج فيها ؟؟؟

هيه اكيد ربعة الطريج مهمه ...انا سرت سوريا من زمان وصراحه استانسنا بس بالطياره بس ما يلسنا بدمشق سرنا اللاذقيه ومنها لمنطقة كسب رووووعه براد وخضره وناسها طيبين وااايد وخاصه اهل الضيعات وطبعا اكثر شيء عجبني الاطباق السوريه والمشاوي ...صراحه تشجعت اسير انشاء الله اول ما ياخذ ريلي اجازه انسير