××× الــزوجـات الأولـيـات حــيـاكـن الله ×××

استغفر الله العظيم وأتوب اليه

خوخه حياتي انا ههههههه كذا وحيدة زوجها لاتستبعد تكون اولى
والثانيه لاتستبعد تكون ثالثه 

اما الثالثه اتوقع في عصرنا هذا هي الاخيرره 

مالهم آماااان 

بعضهم يتزوج مسيار الثالثه والرابعه والثانيه تحسب انها الاخيره يووم تتزوج ماتدري انه زي مااخذ ع زوجته يمكن ياخذ عليها لو مسيار 


وهذا موو تجريح لكن الحقيقه بعض الزوجات الثانيات قلت بعض وليس كل تحس نفسها الاخيره وتتفاجأ اذا سمعت انه خانها او تزوج مسيار.....،

السلام عليكم ورحمة الله وبركاته

حيا الله الغوالي حبيبات قلبي :love: مشتاقة لكم كثيييييرا كثيرا :icon36:
لكم تحياتي وأشواقي الحارة ....
اعتذر عن انقطاعي عنكم ولكن الظروف اجبرتني وانشغلت مع اهلي
ولازلت منشغلة ولكن قلت ادخل اشوف اخباركم واعلمكم اخباري ...

مر عام على خروجي من المنزل ولازلت عند اهلي ووضعي لم يتغير .. في البداية كنت اريد الانفصال ولكن لم يشجعني احد من أهلي .. والان قررت ان ابقى كما انا على ذمته لعدة أسباب :
* اولا انا لا أفكر بالزواج مرة ثانية .
* ثانيا كنت طول عمري معه اتمنى ان اكون زوجته في الجنة بإذن الله تعالى ولازلت اتمنى ذلك فهو طيب ولكن ما أقول الا الشكوى لله .
* هو لازال يرسل لي مصروف الشهر فأنا مستفيدة من هالناحية والدنيا مصالح هههههههه .
وانا ارسلت له رسالة قبل فترة اقول له ان لي امنية اني اكون زوجته في الجنة وعسى الله يحققها ويدخلني معه الجنة واتمنى انه اسمي يرتبط باسمه الى النهاية في الدنيا وهو رد علي : آآآمييين
* انا ادري اني لازلت قاعدة على قلبها وحتى وانا بعيدة لأني ما زلت على ذمته .
انا ما أكرهه وعلاقتي معه طيبة بس قلت له ما اقدر ارجع له مادام هي موجودة في حياته لأنه ماهو قادر يسيطر على الوضع ومخلي الأمور في يدها وفي بعض الأحيان أشك انها مسوية له شي لأنه يسمع كلامها وما يقدر يرفض لها طلب ولا يقدر يقول لها لا ، بل وأحسه يخاف منها ، والمشكلة يحسب انه قاعد يعدل
وهو يبيني ارجع بس يقول لي خليني على كيفي عيالى اروح لهم متى ما بغيت ـ يقصد في يومي ـ من نهار او ليل سواء فيه ضرورة أو ما فيه ضرورة ، وطبعا انا موراضية وقلت له أصلا القصد مو العيال انت مخليهم مجرد حجة وقلت له صراحة هي مسخرتك لها تسخير العبد لسيده وياليتك ترقي نفسك بس طبعا ما يهتم بهالكلام .

مثل ما قلت انا ما اكرهه وأدعو ربي انه يرده لي ويسخرنا لبعض بس هي صراحة ادعو عليها كل ليلة انه الله يفكنا منها ومن شرها ـ صراحة عمري ما دعيت على احد مثل ما دعيت عليها غير العدو بس كل شي له بداية هههههه ـ
وسهام الليل لها امد وللأمد انقضاء وكل شي له حكمة .. والدنيا دوارة ..
بس صراحة احمد ربي انه صارت هالظروف في هالوقت وعساه خيرة لأن امي الله يحفظها ويشفيها طلع عندها ورم خبيث في الرحم وصار ينزل عليها نزيف وهي حرمة كبيرة تمشي على عكاز وتحتاج احد جنبها على طول وقدر الله اني اكون عندها اخدمها واحمد ربي على هالنعمة ، بس ابشركم الحين هي بدات بالعلاج الاشعاعي وتوقف النزيف والحمدلله أولا وأخيرا ولازالت مستمرة بالجلسات والله يكشف ضرها وضر كل مستضر ،،،

ضرتي جابت بنت قبل 4 شهور وصار عندهم 5 عيال ـ الله يخليهم له ويخليه لهم ـ

آآآسفة على الاطالة واحاول اتابع اخباركم ان قدرت واذا ما قدرت اعذروني وان شاالله لنا لقاء آخر عن قريب ...

احبكم في الله اخواتي وحبيباتي وكذلك ارحب بالملكات الجديدات معنا نوروا الملف وحياهم الله ومنهم نستفيد ...

الى اللقاء ولكم قبلاتي الحارة

المهم ماعليناا...... من زوجة 1 او 2 او 3 او 4 

عندي لكم طريقة تنعيم للجسم سهله جدا لاني انا بصراحه اتكاسل ماادهن جسمي بكريمات وووو 

وحرمه كبيره كانت دايم تقول زمان كنا ننعم جسومنا بالحنا تتروش الوحده وتحط في جسمها كله حنا تخليه شوي وتغسله 

وطلبت من ام زوجي لانه عندها في حوشها زارعه حنا والله يابنات اني حسيت بنعومه من اول مره احطه 
طريقتي اتروش واغسل جسمي بصابوني المفضل وبعدين احط الحنا وجسمي مبلول وافركه زيين واغسله بالمويه واحط مخمريه ع جسمي وهو برضه مبلول عشان ريحة الحنا وانا متعوده احط مخمريع او توله بعد ماتروش 



جربوها يابنااات ورح تدعولي 
ادعولي انه ربي يرزقني الجنه بلاحساب