متى افرح مثل باقي البنات

السلام عليكم ورحمة الله وبركاته
مادري متى افرح مثل باقي البنات واتزوج انا عمري صار 36 سنه والى الان ماتزوجت

اختي الصغيره اتزوجت قبل 12 سنه وانا الى الان ماجاء نصيبي مادري ليه والله اني شكلي مقبول والحمد لله

واجتماعيه وجامعيه والله صرت اشك بنفسي وكنت على الرقيه مده طويله لكن مافي شي صار ولا احد تقدملي

رسمي والله اني لما اروح مكان واخره اليوم كانت قدامي وحده صغيره من العايله ومعاها ولدها الصغير اني حسيت بغصه

وقهر على حالي وماقدرت اكمل الجلسه كل العايله عندنا بناتهم متزوجات من بدري قبل الجامعه حتى اليوم كانت

ملكة بنت عمي الصغيره بالثانوي واحنا مجموعه بالواتس مع بنات عمي واشوف التهاني والحاله من اخواتها وبنات

عمي الثانيات والله ماقدرت اهنيهم والله مو حسد بالعكس اتمنالهم كل خير والله بس حزينه على حالي وصابني

هم واكتائب وانا اشوف البنات اتزوجو وراحو النصيبهم وانا بمكاني لازواج ولا وظيفه

قولولي ايش اسوي ريحوني وهل في وحده كانت مثلي وتزوجت وربي عوض صبرها خير وفرج همها والله اني مهمومه

:44:مرررره وحزينه على حالي

44 تعليق 7,753 مشاهدة

شاركي في النقاش

سجلي الدخول لإضافة تعليق.

التعليقات

44
  1. @dmaah_mtfaylh

    الله يرزقك الزوج الصالح و يرزقني الله يلطف بنا
    انا عمري مثلك 36 ومثلك ولا احد تقدملي حتى مره صار كلام
    من بعيد طلع الولد صغير
    اختى اصبري ما لنا غير رب العباد
    اهوه ارحم بنا
    خليك ع الاستغفار المره الي فكرو الناس فيه كنت استغفر
    وسبحان الله كلمتني وحده تبي تخطب بس طلع صغير
    الله يرزق و يرزقني و كل بنات المسلمين
  2. لالالالا يا قلبي هذا نصيب لا تقولين كذا انا والله اتمني اتزوج اليوم قبل بكرة وهذا انا انخطب لكن اهلي ما يقبلون ونفسي افرح واتزوج وانا اصلا عايشة عيشة مايعلم فيها إلا الله لا اب ولا ام وعايشة في بيت اخوي الحمدلله الحمدلله على كل حال لكن يا قلبي خلي املك في الله كبير وان كنتي مزوجة ولا لا مو هذا مقياس للسعادة كم متزوجة معذبة ولا تفكرين في بكرة ادعي واحسني الظن فية وياقلبي عيشي يومك مارسي نشاطات انجحي ابدعي اهتمي بثقافتك ودينك ونفسك وان قدرتي ادرسي ولا اشتغلي والله يكتب لك السعادة ويرزقك زوج صالح
  3. @rmona

    ياقلبي ودي اقول لك كلمتين ويارب تتفهمي علي ..
    حبيبيتي حل موضوعك مو عندنا احنا اللي نقدر عليه اننا ندعيلك فقط

    امرك بيد ربي لاتشكي ربك للناس هذا بلاء من الله لك يبي يشوف صبرك ..
    توكلي على الله واعملي بالاسباب
    اتركي الدنيا وراك وافزعي الى الله قومي الليل وانطرحي بين يدالله وكلميه واشكي حالك له واظهري فقرك وحاجتك له ..
    ياقلبي انا تعاطفت معاك فمابالك برحمة ربي كيف هي وهو يقول (ورحمتي وسعت كل شيء) ..

    صدقيني شكوتك للناس مذله وامرك بيد الله والسلاح بضاربه
    كل ماقويتي الضربه كل ما وصلتي لمبتغاك ..
    اتمنى انك فهمتي علي ..

    لا يضحك عليك ابليس وتحطين املك بالناس والله وبالله وتالله انهم ان اجتمعت الامة لنفعك ماراح تنفعك إلا في امر قد قدره الله لك ..
    الله سبحانه هو نجاتك فقط حطي لك امنيه واعكفي في مصلاك واكثري من الاستغفار والذكر والصلاة ع النبي ...
    طرق سهله لكن هي نجاتك ..

    نصييييييييحة لك لا تحطين املك في عبادتك ولاتعتمدي عليها هي فقط سبب واعقدي املك بالله فقط ولاتقولين راح اجرب ..
    ثقي بالله اللي خلقك وقدرك ربي لا يعجزه شيء ..
    اسأل الله ان يفرح قلبك ويرزقك بمن يكون سبب في سعادتك في الدارين ...
  4. @am_aabody_nor_aayony

    رمونا
    ياقلبي ودي اقول لك كلمتين ويارب تتفهمي علي .. حبيبيتي حل موضوعك مو عندنا احنا اللي نقدر عليه اننا ندعيلك فقط امرك بيد ربي لاتشكي ربك للناس هذا بلاء من الله لك يبي يشوف صبرك .. توكلي على الله واعملي بالاسباب اتركي الدنيا وراك وافزعي الى …
    اذا ربي كاتب لك الزواج حتتزوجي وربي اعرف وحده اتزوجت اعزب وعمرها 39انت بس خلي املك بربي استغفر الله العظيم وأتوب اليه

تابعي تجارب أخرى من هذا القسم.