نصيحتي للي لسى ما اختبرت قياس

السلام عليكم
بعد اختباري وتجاوزي والحمد لله بنسبة حلوة حابة أقول للي لسى ما اختبروا ركزوا في مذاكرتكم على التخصص والمواد التربوية أغلب الأسئلة منها , أنا اختبرت احياء كانت 120 سؤال تقريبا 50 سؤال في التخصص ومثلها أو أقل بشوي في التربوي اللغوي والعددي تقريبا حوالي 20 الى 25 أو حتى أقل .
بحكم اني خلصت التربوي قريب ما ركزت عليه مرة المعلومات لسى طازة بس انتوا ذاكروه طبعا , وبالنسبة للتخصص أنا لي 6 سنوات متخرجة يعني يبغالي شوية تنفيض فذاكرت من كتاب مقدمة علم الحياة لنبيه باعشن الجزئين طبعا التلخيص اللي في نهاية كل فصل وآخر شيئ جبت كتاب اختي رام 1 للتحصيلي وذاكرت الجزء المخصص لقسم الأحياء , الحلو في الكتاب انوا فيه تلخيص لأهم التخصصات العلمية مع الانجليزي . بالنسبة للعددي واللغوي ما ذاكرت ولا راجعت حاجة لأنو استراتيجيتي كانت التخصص مع التربوي حيرفعلي النسبة الكلية وغير كذا ما مداني الوقت وأكيد اني حأجاوب ولو على كم سؤال في اللغوي والعددي وفعلا نسبتي فيها كانت مش ولابد وحدة 50 وحدة 53 بس الحمد لله التخصص 82 والكلية 73.
طبعا كتبت تجربتي ممكن وحدة تستفيد من طريقتي أو من الكتب اللي اعتمدتها في المذاكرة بالنسبة للأحياء
وموفقات إن شاء الله .