السلام عليكم ورحمة الله وبركاته
كيف حالكم اخواتي وحشتوني مره مره
فطووم حبيبتي سلامة جدتك طمنينا عليها عساها بخير
والله يعينك على الأسنان شغلتها شغله
والله يعطيك العافيه على العجين ومن الأشياء الي احبها هي العجين
خود : كيف حالك يالغاليه ولا تزعلين احيانا الملف يجيه حالة ركود واحيانا ينشط
كثير كانو معانا وانقطعوا كل إنسان وضروفه اهم شيء انتي إذا عندك فوائد
نزليها لنا ونشطي الملف ولك الأجر تحركين الهمم
اما أخباري من أول يوم في الإجازه إلى اليوم والله مناسبات واحتفالات وخرجات
ولا يوم ماجلست في البيت وطبعا الشغل تكوم والحاله الله يعلم فيها
واليوم صحينا متأخر مانشط غير العصر مسكت الدور الي تحت كله تمسيح وتنظيف
وغسل حمامات وتعطير وتبخير ونظفت المطبخ هو نظيف بس زدت عليه لمسات من
التعقيم
وطلعت فوق ابنظف تنظيف سريع إن شاء الله
وسلامتكم حبايبي
همم ويومياااات الموظفاات
متابعة النقاش، صفحة 79