أريد المشورة في قرار مهم

عندما أخبرته باعتراضي على إخفائه لأمر زواجه قال لي أن أمي قد أخبرته بأنني لا أمانع بالكبير المتزوج ......
عن الشعر قلته لأنه يقال بأن الشعراء صادقون .. والعتب عندما يكون بشكل واضح وسريع وبدون تردد .. أعتقد أنها تحسب من أخلاقه .. ؟
جزاكِ الله خيرا أختي الله يسعدك

أم الشيخ سعود .. بوركتِ

شوفي ياقلبي اول شي كل شي نصيب ...وبعدين الخاطب داة في اساليب خداع ..اي دين واي علم الي يسمح له يغشكم ومايقول ان متزوج ....طيب يوم انسرقت المحفظه وجاب لكم مال قليل ....هل رجع كمل المال ...صدقيني ياقلبي مدام انتي تبغى سعودي مارح ترتاحي معاة ...راح تحسي بالنقص وماتكوني مبسوطه ابدا لانك انتي طول عمرك تفكري تتسعودي زي امك
انا كنت زيك بس انا سعوديه وجدي سعودي وخطوبوني كتير سعودين بس مايصير نصيب وبالاخير خطبني اجنبي ووافقت غصب وتمت الملكه وهو واهله طايرين من الفرحه لاني سعوديه كلها فترة شهر وبدات احسهم انهم يذلوني ويحسسوني بالنقص اني وافقت على ولدهم الاجنبي ,,المهم جلست مملكه شهرين وخلعت ...لاني من البدايه مو مقتنعه ...انتي فكري وشوفي ترا الطلاق قبل الدخول اسهل بكتير شوفي دحين حتى اهلك واقفين معاك ....لكن لاتزوجت وخرجت من بيتهم ورجعت مطلقه لاقدر الله .....ماترتاحي ...انتي استخيري ..استخيري ,, استخيري

جزاك الله خير

والله يااختي اذا بتسمعين كلامي والله اعمامك صادقين يعني فوق انه كبير بالسن وبعد كذب عليكم انه مو متزوج وبعدين سالفه انسرقت محفظته طيب انسرقت اكيد فيها بطاقاته حقت البنك من وين صار معه مبلغ بسيط احس الرجال يلف ويدور وتقولين بعد حالته الماديه مو ذاك الزود وعنده زوجه وعيال بيصرف عليهم لو عليك لو يفتح بيتين تري الرجال مايناسبك وصدقيني الله بيعوضك الي افضل منه من رايي تنفصلين عنه افضل

موضوعك ضايقني لانه خلاص عقدتو ولكن مازالت الفرصة امامك

اعتقد ان لو البنت اخذت الرجل لماله او جنسه او دينه او اخلاقه مش غلط لانه لو مافي حب مابينكم اذن ابحثي عن مصلحتك وعن مميزات الرجل اللي راح يكون شريكك

للأسف هو بدايته شينة

اولا: اخفى موضوع زواجه بالرغم ان هالشيء مهم جدا والظاهر هو شبعان من العيال ........ونفسه في وحدة يستمتع معاها بغض النظر عن الاستقرار الاسري مع زوجة واطفال لانه عنده

ثانيا: حركة المحفظة بايخة جدا ومعروف بان الرجل يسلم المهر بهذا اليوم فهل يعقل ينساها ؟؟؟ ولو افترضنا ان هو نساها هل اعطاكم بقية المهر المتفق عليه بعد ذلك؟؟؟ وبنفس الوقت والدك واعمامك اكيد شافو على ملامحه وضايقهم موضوع نسيانه لها فلذلك فتحو الموضوع مرة اخرى وخافو عليكي منه....الرجل البخيل يا اختي مشكلة كبيرة جدا وهو الظاهر ماعنده نية يخسر عليكي

ثالثا: فارق العمر 19 سنة مش هين ابدا (يعني لو اتزوج وهو عمره 15 سنة ولا 19 سنة يقدر يجيب بنت في سنك )
رابعا: انت تهدفين للجنسية السعودية وهذا مش غلط ولا استغلال لانه كل شخص له رغبات وهذا الرجل غير سعودي وماراح يحقق مبتغاكي

خامسا : كونه شاعر فصدقيني مش كل الشعراء دمهم خفيف ينعاشرو ...بعضهم غثيثين وحتى لو سعدتي بكم شعر كتبلك اياه ولكن مع الايام راح تملي فالافضل ابحثي عن مصلحتك

سادسا : عددي ماهي مميزاتة غير عن انه طيب لانه انت وانا وكلنا طيبين

انا لا اسيء الظن به ولكن انقهرت بصراحة من بدايته اللي بنظري غير سوية لانه اللي يرغب بالاستقرار تصرفاته تكون مختلفة

وعسى الله يطمن بالك ويدلك على القرار الصحيح