شاركي في النقاش

سجلي الدخول لإضافة تعليق.

التعليقات

1,993
  1. (نقل فؤادك حيث شئت من الهوى ما الحب الا للحببب الاول كم منزل بالارض يالفه الفتى وحنينه ابدا لاول منزل)
  2. صح كلام عموض امراه ابوي متزوج 2بنا وكانهن خوات واحنا من لما كنا صغار مع بعض والله خادمينا اكثر من اخواني من امي ...مع انهم كلهم مايقصرون ..واعرف عائله مايعرفون اخوانهم في مدرسه وحده وكلن في جهه واذاا حضرن زواج كل مجموعه لوحده ..شكلهم يحزن وينفررر ..بعكسنا مع اختي من ابوي ونتحمع ومع بعض اهم شي الرجال يكون عادل في اهله ..
  3. @hor_65

    المشاركة المقتبسة غير متاحة.

    يااختي حاسبي كلامك

    احنا اللي عندنا جارات ماقلنا هاالكلام
    وتجون انتم تشوشون علينا وعلى ملفنا
    تظل الزوجه الثانيه اخت لي في الاسلام

    كلامك مايرضينا

    ياليت نحذف كلمة عانس من قاموسنا
    اكره هاالكلمه
  4. @mooon_21

    السلام عليكم ،،،
    كيف الحال ،،
    أنا حابة أخذ رايكم في موضوع وأقولكم قصتي على السريع ...
    أنا ساكنة في مدينة رحت زيارة لأهلي في مدينة أخرى أنا وبنتي يعني طلعت من بيتي ومابيني أنا وزوجي الا كل خير صح ماكان مقتنع بروحتنا لانها كانت قريب العيد بس رحنا ،،، قبل العيد بيومين صارت مشكلة بيننا في الجوال قال لي كلام يجرح ونقص من قدري وقدر أهلي زعلت من كلامه ورجع اليوم اللي بعده يدق علي أنا من الزعل مارديت اتصل اكثر من مره اتصل على أمي ماردت أتصل على أبوي رد عليه أبوي وقال قلها اذا ماردت علي هي طالق وانا ركبت راسي ومارديت ووقع الطلاق ،،،بعد شهر اتصل على أبوي وقال اني رجعت زوجتي ،، وحاول إني اكلمه أو أقبله لين يئس مني ،،،
    في يوم أرسلي رسالة ((الوجه من الوجه أبيض )) أنا ما فهمت قصده بعد مرور 3 شهور سمعت اني خطب بمساعدة من أخته ،، انقهرت وبكيت لكن في النهاية قلت هو الخسران بعد شهرين من خطبته اتزوج وقبل ليلة زواجة رجع يدق علي ويحاول إنه يكلمني أنا رفضت قل ايش يبي بعد له وجه يدق بعد مروووور شهور من زواجه رجع يدق علي ويرسل لي مسجات ويجي عندنا البيت وجاب أهله يحاول انه يرجعني قعد على ذا الحال شهور بعد سنة و8 شهور رضيت اني أرجعله مو عشانه عشان بنتي ماتربيها زوجته ،، أعطاني رضوتي وشرطت عليه أني ما أشوف زوجته ولا تشوفني لو ايش ما صار وافق ،، ورجعت له بس للأسف طلع غدار وغصبني أني أقابل زوجته وأروح معاها في السيارة وأجي ،، وهددني بالطلاق اذا ماقبلتها أو أروح معاها رضخت ،، لأني دوبني راجعه وماأبي مشاكل من جديد قابلتها مره أو مرتين وبعدها رفضت وقلت لو أيش ما اقابلها ،،،
    مرت فينا الأيام واحنا يوم حلو وعشرة مره ..
    في يوم صارت معانا مشكلة على سبب تافهة وطلقني الطلقة الثانية زعلت منه ورحت جلست في بيت أهله ورفضت أرجع لبيته لكن أهلة وهو حاولوا وجاء يعتذر مني وانه كان غاضب وانها الطلقة ما وقعت ،،
    رجعت لبيتي ومرت فينا الأيام ولازلت أشتكي من سوء معاملتي لي ومن ظلمه لي أنا وبنتي وعدم عدله بيننا يا حريمه حتى بنتي حست بفرق معاملتها عن أخوها من أبوها ،،،
    هذي قصتي ...
    لكن اللي أبغى أستشيركم فيه
    ..
    هو إني نفسي أحمل نفسي في نونو وبنتي نفسها في أخت حتى هو يبغاني أحمل ،، بس أنا خايفة أحمل وأندم أو انه يطلقني ويحرمني من عيالي أو أو أو .......... أشياء كثيرة تدور في بالي ماني عارفة ايش أسوي ...
  5. @lyal_alfgr_1

    MOoON
    السلام عليكم ،،، كيف الحال ،، أنا حابة أخذ رايكم في موضوع وأقولكم قصتي على السريع ... أنا ساكنة في مدينة رحت زيارة لأهلي في مدينة أخرى أنا وبنتي يعني طلعت من بيتي ومابيني أنا وزوجي الا كل خير صح ماكان مقتنع بروحتنا لانها كانت قريب العيد بس…
    قصتك تضيق الصدر... حسبك الله ونعم الوكيل
    استخيري في الحمل, وكملي دراستك ثانيا, او توظفي... انت واضح انك على شفا جرف, وزوجك مو كفو تعدد... لازم تشوفين مستقبلك بعد 5 سنين وين تبين تكونين؟ لازم تقلبي اسوأ الاحتمالات الي انت حاطتها من طلاق واخذه لبنته... الا افضل الاحتمالات... اذا طلق, ماتبين ترجعين بيت اهلك كذا من غير شيء وتبقين عالة على احد يصرف عليك... هل راح يطلق او مايطلق كله علمه عند الله... ويمكن اذا حملت وجبت ولد يكون هالولد سند وعون لك في المستقبل... استخيري كثير وتاكدي ان الي يكتبه لك ربي خير... مافيه شيء بعد الاستخارة اسمه ندم...

    من كلامك يظهر انك عنيدة جدا... حاولي تكونين اكثر ليونه, لان فيها خسارة بيت, وانت جايبة بنت ممكن في المستقبل ياخذها... حطي بنتك بين عيونك لما تفكري تعندي معه...

    المهم... تحية لحبيباتنا الاوليات... الله يبرد على قلوبكم ويرزقنا واياكم الرضى بالقضاء والقدر...

تابعي تجارب أخرى من هذا القسم.