تكفووون أبيكم بمشوووره مهمه جدا جدا

السلام عليكم ورحمة الله
حبيباتي الحوائيات أبي أخذ رأيكم بموضوعي والله مالي بعد الله الا انتم يمكن البعض يشوف موضوعي تافهه بس والله أني بنفسيه أنا وبناتي مايعلم فيها ألا ربي نقطع القلب
لمهم أنا وبناتي صارلنا تقريبا سنتين مسوين حصاله ونجمع فيها مبلغ عشان نشتريلهم غرفة نوم حالهم حال البنات اللي بسنهم وتقريبا جمعنا 3 الاف ريال وناوين نشتريها هاللأسبوع و مرينا محلات كثيره وأخترنا بس باقي ماشرينا
.... المشكله.........اليوم زوجي تعطلت سيارته وقال أبيكم تعطوني المبلغ اضبط السياره فيه وهو فعلا مزنوق لكن وربي تحطمنااا كثير ولو خذا الفلوس والله أن نبطي مارجعها لنا لأن راتبه اللهم لك الحمد يسد حالنا بس ماأتوقع أنه راح يتوفر المبلغ بسهوله... وش رايكم اعطيه وأكسر خاطر بنياتي اللي وربي انهم تخلوا عن أشياء كثيره عشان يجمعون هالمبلغ ولا أتركه يتصرف بكيفه والله العظيم أنه يطلبني المبلغ وهو مكسور لكن وش أسوي أحترت



48 تعليق 3,813 مشاهدة

شاركي في النقاش

سجلي الدخول لإضافة تعليق.

التعليقات

45
  1. بياخذ كل المبلغ ولا جزء منه ؟ طيب اشرحي له الوضع ويحاول يتسلف من ابوه ولا اخوانه ان كانه يقدر وان ماقدر السيارة اهم من غرف النوم يعني ابوهن له حق وماراح ينسى هالموقف وبيعوضهن اول مايقدر أكيد لو انا بعطيه المبلغ خاصه بعد ماشرحتي ظروفه والله يوفقكم ويرزقكم من واسع فضله
  2. @ghror_anth2009

    لا تعطينه نصيحه اذا هو مقصر وياخذ منكم
    اللي جمعتوا حرام المفروض هو من كيفه مايطلبكم
    هو يتسلف يدبر حاله بس بناتج يجمعون سنتين واخرتها يروح حرام حتئ بناتج مايصدقونج بعدين
  3. صاحبة الموضوع
    فزورة حزورة
    بياخذ كل المبلغ ولا جزء منه ؟ طيب اشرحي له الوضع ويحاول يتسلف من ابوه ولا اخوانه ان كانه يقدر وان ماقدر السيارة اهم من غرف النوم يعني ابوهن له حق وماراح ينسى هالموقف وبيعوضهن اول مايقدر أكيد لو انا بعطيه المبلغ خاصه بعد ماشرحتي ظروفه والل…
    بياخذه كامل ويقول بتكلفه أكثر من 3 الاف
  4. @mlaa_alfoad

    يقدر يتسلف من أي أحد ويرد له المبلغ بعدين
    لكن لو بياخذه منكم راح يتساهل ولا راح يرجعه لكم
    ومثل ما قالت الأخت جود رجال ويعرف يدبر نفسه
    لكن فرحة بناتك ما راح تتعوض

تابعي تجارب أخرى من هذا القسم.