أرجو المساعده من الكروشيهات عامة ومن بنات جدة خاصة

السلام عليكم ..........

أنا مغتربة ووصلت جدة وبجلس فترة ,,, المهم .......

حبيت أسأل بنات جدة لو نزلت البلد من وين أشتري خيوط بالجمله و كيف أسعارهم لو عندكم فكرة

و بسأل باقي الأخوات ايش أفضل ماركة للخيوط

إشتريت من المكتبة خيوط لكنها سيئه جدا بس قلت أسلي نفسي على ما أنزل السوق و أشتري

11 تعليق 2,375 مشاهدة

شاركي في النقاش

سجلي الدخول لإضافة تعليق.

التعليقات

11
  1. @amnyty_maalmh

    اللي أعرفه بالهنداويه محل اسمه العمودي أسعاره طيبه ومعقوله وعنده أنواع الخيوط

    بس نوعية الخيوط الجيده ماأعرفها وأنا أسأل زيك ... بالذات في شغل الفساتين ماني عارفه إيش الخيوط اللي أستخدمها

    خاصة ان جونا حار

    إن شاء الله في أحد يساعدنا
  2. @aorak_alzhr

    صاحبة الموضوع
    مشكورة أم شدودة

    أنا كمان قلت لازم أسأل قبل لا أستعجل و أشتري لأن نوعية الخيوط و جودتها لها دور في شكل العمل بعد انتهائه
  3. @alkramh

    عندك خيوط نتشر حلوه من ركن العمودي فيه سميك ورفيع وكمان عندك السلطان مول الدور الثاني فيه خيوط أليزا معروفه بجودتها لكنه غالي افضل شي تشتري من تاجره اسمها وجه القمر عندها خيوط أليزا واسعارها جدا ممتازه وأرخص والخيوط صناعه تركيه

تابعي تجارب أخرى من هذا القسم.