عندي نقص فيتامينات والا قولون ··دلوني الله يسعدكم

السلام عليكم ورحمة الله وبركاته


انا بصراحة ماأعرف ايش اللي عندي بالزبط
اول شي شوفوا الاعراض /
على طول دوخة وارهاق يادوب لو اشيل كيس واحد اتعب كأني شايلة حديد حتى المشي ماقدر اطول خصوصا الدرج بس اجلس اتنفس وفحمانة مع اني صغيرة انا ماكنت كذا قبل خمس سنوات كنت وحدة ثانية تماما كنت اجتماعية كنت وحدة مرحة مايهمني شي ماخاف من شي
ذحين العكس صار عندي قلق وخوف من اي شي ضيق في التنفس حتى الدنيا صايرة بدون طعم اشوف الناس تضحك وو استغرب احاول بس احس شي عادي وعلى طول موسوسة عندي قولون بس يجيني لمن اكل شي يهيجه او اكون قلقانة من شي واحيانا صداع نصفي

انا ابغى ارجع زي اول والله اشتقت لنفسي اول كنت غير تماما نظرتي لكل شي كانت غير الحمدلله على كل شيء

دائما احاول اوصل اللي احسه بس محد يفهمني بنات بالله افهموني و الله نفسي اعرف ايش عندي نقص فيتامينات والا قولون والا فقر دم
وكيف اقدر اعالج نفسي بالبيت مثلا لو ناقصني فيتامينات ايش اكل سلطات وكذا والا ايش،و ان شاء الله باقرأ سورة البقرة بس عادي لو صفحة وحدة يوميا ؟؟ بنات بالله لاتطنشوني وان شاء الله تلاقون ردكم في الدنيا والاخرة

تذكرت انا كنت اخذ فيتامينات من الصيدلية كانت الدوخة والارهاق شوية تخف الحمدلله بس لحد متى اخذ فيتامينات والقولون كيف اتخلص منه ابغى اسوي شي بالبيت ؟؟

ايش الاعراض هذي ؟؟


يارب يسعدكم ويحميكم من كل شر ويعطيكم سؤلكم يارب العالمين

6 تعليق 1,347 مشاهدة

شاركي في النقاش

سجلي الدخول لإضافة تعليق.

التعليقات

6

تابعي تجارب أخرى من هذا القسم.