₪Ξ❤Ξ»¯−_ღ أحلى تجـمع للحوامل الرابطات (ربط عنق الرحم) الـتاسع والعشرون ـღ_‗«Ξ❤Ξ二₪

بسبوسة الشرقيه

الف الف مبرووك حبيبتي

على المولود الجديد يتربى في عزكم يارب

والله يجعله من المواليد الصالحين ان شاءالله

عيون الإمارات
تسلمين يالغاليه والله يخليلك بناتك ويرزقك بالولد الصالح .. اللهم امين

السلام عليكم


أنا ارتحت لكم .. حسيتكم مثل الأخوات ..
ف ودّي أفضفض لكم ب كلّ اللي بخاطري ..

أنا متزوجة من شهر 8 اللي فات .. و عمري 22 سنة
حملت بعد زواجي ب 4 شهور .. الحمدلله
بس ربي أراد إني أفقد طفلي ب الشهر السادس .. بتاريخ 4 - 5 - 1434 هـ

كل اللي صار إن عنق الرحم فتح 1 سم فجأأة .. و نزل جزء من كيس الجنين .. و بقيت ب المستشفى أسبوع إلى أن ولدته طبيعي و بطلق طبيعي ب االإضافة إلى طلق صناعي عشان يسرع الولادة لأني جلست أطلق يوم كامل و ما ولدت .. طبعاً بعد ما دخلت المستشفى وقف الدم خلال يوم و ما كان فيه ألم لين كملت أسبوع و بدت تنزل مويات خفيفة و فكوا الموية و جا الطلق .. هم ربي يسامحم ما سووا لي ربط طارئ بعد ما استقرت حالتي لأنهم خايفين يغامرون و ينفتح الكيس بما إنه نازل .. مع إنهم كانوا يقولون بينزل الجنين بينزل و هو كان بوضعه الطبيعي و المشيمة كذلك فقط الكيس نزل جزء منه !
قرأت حالات سووا الربط الطارئ و نجح و حافظوا ع أجنتهم .. بس أكيد ربي اللي اختار لي أفقد طفلي و هو اللي كتب إني ما أسويه و يمكن لو سويته بعد كنت بأفقده

أنا شاغل بالي مستقبلي .. و كيف بيكون حملي الثاني ..
خاصّة إني لما رحت موعدي قبل يومين .. قالت الدكتورة لازم ربط ل عنق الرحم و يمكن تحتاجين الربط ب كل حمل لك .. لأن الولادة المبكرة غالباً سببها ضعف عنق الرحم ..

خوّفتني .. ليه حكمت ب ضعف عنق الرحم ..!
مع إن دكتورتي ب المستوصف الخاص .. قالت ما نقدر نحكم من الحين .. لما تحملين مرة ثانية بإذن الله ..
قبل نهاية الشهر الثالث نكشف و نقرر .. لو فيه مشكلة قصر - ضعف - اتساع في عنق الرحم نربط ..

بس الضروري .. هي المثبتات من أول ما تعرفين إنك حامل ..!

يعني ما يكفي إن اللي مرّ ب الفقد .. يخافه .. !
تزيدني خوف ليه !

ليه ما راح يكون حملي مثل غيري .. أو ع الأقل مثل حملي الأول .. اللي مرّ عليّ و أنا مرتاحة ما عانيت إلا من الوحم .. و بعد ما ارتحت منه .. فقدت طفلي ..
ما أمداني أشوف حلمي يتحقق .. و أشوف كرشتي قدامي .. لما بيّن عليّ الحمل فقدته .. اللهم لك الحمد ..

اللي عرفته عن الربط من خلال قراءاتي ..
كـ عملية ما تخوّف .. بس بعدها بتتغير حياتك ..
بيحبسونك ب البيت لا تتحركين .. و لا تسوين شيء !
و هذا مضايقني كثيييييير .. ودّي أعيش حملي مثل كل الناس .. أروح أتمشى أتقضى ل للبيبي .. مو مقيدة و حاطة يدي ع قلبي لين أوصل التاسع .. !
الحمدلله ع قضاء الله .. أدري ربي هو اللي كتب عليّ هالشيء .. اللهم لا اعتراض ..
بس هم ليه يخوفوني و هم ما عرفوا السبب الحقيقي وراء ولادتي بالشهر السادس ..!

أنا ظروف حملي ما كانت عادية ..
مشاوير ما تقل عن أربع ساعات كل أسبوع ..
أصعد و أنزل درج جناحي في بيت حمولتي .. دور ثالث ..
دراسة و تدريب ميداني ..

و آخر أسبوعين طلع فيني التهاب بول - ربي يكرمكم - مع إني ما حسيت ب أعراضه و ب ولا شيء .. لكنه ظهر بالتحليل .. و قد سمعت إنه قد يكون سبب للولادة المبكرة !

ليه ما تكون هالأسباب بعد إرداة ربي و مشيئته هي اللي أدّت لولادتي المبكرة !
خاصة إني جلست أطلق يوم كامل ما فتح الرحم .. لو إن عنق الرحم ضعيف و ما يتحمل مثل ما تظن الدكتورة .. كان فتح بسرعة .. صح و إلا أنا غلطانة ؟


ب النسبة لتأجيل الحمل .. هي قالت 3 شهور ..
و أنا بحاول أقنع زوجي بالحمل لأنه ما ودّه إلا بعد 6 شهور ع الأقل .. لأنه ما يبي ينحرم مني بسبب الربط اللي يمنع الجماع
بس أنا ما أقدر أصبر
الظروف اللي حولي تضغط عليّ ..
ما أبي أنهار .. لأني أصلاً ما بعد أوقف ع حيلي ..
خاصّة إني حملت مع بنت عمي - أخت زوجي - .. و مع خالته .. و أختي ..
غير الباقي من جماعتنا ربي يتمم عليهم ..
و بهالاسبوع بس ولدوا 4 .. ربي يحفظ بيبياتهم و يقومهم بالسلامة ..
ما أتحمل أسمع هالطاري .. لا حمل .. و لا ولادة ..
ودي أنعزل عن هالعالم عشان ما أشوفهم ..
بس ودي بعد أعيش طبيعية مثل قبل فرحانة و مو شايلة هم !
ما أقدر يجي موعد ولادتي و أنا أتذكر و أنهار ..
أشوف اللي حملوا قبلي و بعدي ولدوا و أنا حضني خالي .. اللهم لا اعتراض
أبي يجي و أنا حامل بإذن الله .. أنسى و أسلى مصيبتي بعوض ربّي لي ..

ي رب رحمتك

أدري طوّلت عليكم .. بس يشهد عليّ ربي إني ارتحت لكم
و حبيت أشارككم أحاسيسي ..
و بغيت أسأل عن عملية الربط ..
هل مخاوفي صحيحة .. و بتتغيّر حياتي .. و ب اكون مقيدة مو مثل كل حامل !
مع إني سمعت من كم وحدة إن أهم شيء الشهور الوسطى لأن فيها الخطر و بالباقي عيشي حياتك
بس ارتاحي بعد الربط أسبوعين .. و حافظي ع نفسك ب حذر .. بس مو كأني مربطة ما أقوم إلا للحمام ربي يكرمكم
هل ب أحتاجها ب كل حمل لي !؟

ربي يتمم عليكم و تقومون بالسلامة

السلام عليكم
وحشتوني حيييل
انشغلت شوي وابشركم الحمدلله دخلت الشهر السابع من يومين وعقبال باقي الاشهر وكل الرابطات وربي يتمم للجميع على خير


اسم العضوه :رووح الرووح
موعد الولاده :20/7/1434 اول يوم بالتاسع
جنس البيبي : ولد ان شاءالله
الدوله او المدينه :جده
المستشفى : الجامعه
اسم الدكتور : د/نهله
سبب الربط :ولاده بالشهر السادس وبالشهر الثامن وضعف عنق الرحم

ااختي
Heart Angel

الله يعوضك ان شاءالله
حبيت اقولك ان الربط مايمنعك من شي بالعكس جدا عادي
وعيشي حياتك طبيعي
انا اعرف بنات مسوين ربط وعايشين حياتهم عال العال طلعات وتماشي وجماع وتسوق واتوقع ولادتك زي ماقلتي اسبابها مو بالرحم يمكن سفراتك كل اسبوع ودراسه وتعب واجهاد لها دور كبير بس مع المثبت يمكن ماتحتاجين ربط بس انتي اذا حملتي اذا كشفتي بتقولك اذا تحتاجين ربط او لا