مطبخي المفتوح ارائكم

شوفو هذا رسم توضيحي للصالة الباب الاحمر مدخل الصالة وحابة يكون المطبخ مفتوح عالصالة عشان اكون قريبة من بنتي واشوفها بالصالة وبركب حاجز للمطبخ عشان ماتدخل
وكمان اوسع للصالة لما يكون مفتوح
المطبخ ابغاه اسود مودرن والكنب الزاوية احتمال يكون فيراني او بنفسجي



ايش رايكم البوية تكون رمادي فاتح؟؟ او اوف وايت وايش تقترحون لون الابواب؟؟اكثر شئ معقدني الابواب احس البني مايطلع حلو وماابغي ابيض يتوسخ بسرعة
وجدار المطبخ الفاضي نفسي اعمل فيه حجر رمادي غامق مو كله جزء من الجدار

طبعا كثير مايأيد المطبخ المفتوح عالصالة وخصوصا مكان الكنب بيكون تحت الكاونتر مباشرة
لكن انا عندي بنت احتياج خاص الله يشفيها ويفرحني فيها وحابة تكون تحت عيني علي طول
الحين مااطبخ ولاانظف المطبخ الا اذا احد موجود ينتبه لها مستحيل ادخلها المطبخ معاي
فالمطبخ المفتوح بيكون حل اني اقوم بواجباتي وبنفس الوقت تكون تحت عيني فالصالة واشغلها باي شئ واكلمها

اضغطي هنا لمشاهدة الصورة بحجمها الأصلي

http://img17.imageshack.us/img17/7139/imageilgt.jpg

بيكون الفتحة مرتفعة زي كذا بحيث حتي الغسيل والصحون ماتكون واضحة بالمرة
تتوقعون تتطلع حلوة؟؟ او بتكون مرتفعة كثير بدونها احلى

اضغطي هنا لمشاهدة الصورة بحجمها الأصلي

20 تعليق 5,954 مشاهدة

شاركي في النقاش

سجلي الدخول لإضافة تعليق.

التعليقات

20
  1. @dmaa_frh_32

    مايعجبني المفتوح بَـßÊـسّ عشان بنتك سويه
    واتوقع يطلع حلو
    الله يحفظها ويشفيها وتشوفينها عروس قدامك

    استغفرالله واتوب إليه
  2. @mog30

    المفتوح حلووووو ويغيير شكل الصاله بس لاتخليه كبير خلي مساحته معقوله مع الصاله
    بس المشكلة ريحة الطبخ والقلي .... لذلك اذا مساحة مطبخك كبيره اقسميه نصين
    نص للطبخ والقلي ونص للدواليب والاواني مطل على الصاله ,,,,,,
  3. @mog30

    بانسبة للارتفاع متر و30 سم حلووووو والوان الصاله الفيراني مع البنفسجي رووووووعه

تابعي تجارب أخرى من هذا القسم.