بنات تصرف غريب من حموااتي

يا بنت الأصول

الفكره ماوصلتيها صح ، لبنات حواء

بدل ما توصلهم ل صالحك قلبتيهم ضدك

وطلع الشايب بظرهم رجل مهمل و ما توكلينه و لا تسوين له و الخ الخ من اللي توصلو له البنات في مخيلاتهم

انا مقدره انك تكتبين معصبه او متنرفزه او حتى تركمات موجوده

بس زي ماتشوفين ، حتى بالإنترنت نقدر نقبل الناس علينا او معنا

هي الحبكة بالأسلوب بس !

يعني مو جايه اكتب حرام عليك شيبه مسكين ووووو وخراط واجد

لان واضح الشايب مو هين يحب صكصكه البيبان و بعقله الدليل كلامك لما قلتي عصب عشان نقل غرفته -برضو وللحين يجي لعندكم و ينزل يقابلك يغير جو عن البيت و بناته

البيت و النقل اسأل الله أن يرزقك إياها بغض النظر عن سالفتك مجرد انك مو مرتاحه انا أحاسسه فيك

لان أهل الرجل خصوص إذا مو سمن على عسل لازم مشاكل ع اقل القليل يجئ توتر

والبنات اللي انتقدو ، الموضوع تحمستو فيه كثيرررر إنسانه تكتب مقهوره و الأسلوب ينقصها لترتيب اللي تبيه

جعلكم ما تمرون اللي مرته ،،. الحريم أنواع و أشكال مو عشانها كتبت بخاطرها جيتو بمثالية الكمال تقولون و تبون تفعلون لو الشايب عندكم و تحرفون حكي لو واقع ما سويتوه


ارجع أقول الناس و الرجال و الحريم طاقات و احتمالات و حدود مو شرط إحنا نصير طبعه سوا !!
كل واحد له شخصيته و حدود قدراته و تحمله

سلام

حزني الشايب مرة ياويلك من الله فضحتية مايكفي صايحتي فبيتك وسمعتيهم كمان تجين هنا تقطعين القلوب الرحيمة
ياشيخة روحي والله انك قوية واضح والاماكان خرجتي من الموضوع وسخيفة وش دخلك بحمواتك تحملي بكرة بيموت لي قريبة تحملت خدمت عمها وكانت تودية للحمام لين الله اخذ امانتة وترين ماهي صغيرة عمرها فالستينات وتعبانة خل انتي باقي بصحتك ليتة عندي واخدمة ابي الاجر الله يكفية شرك هالشايب انا جد خايفة وحاسة راح تودونة دار العجزة واضح انك متسلطة وقوية

الرجال كبير

يجوز يحشر بالشارع و باي مكان صادف انه انحشر عندك

مو بكيفه يقدر يمسك نفسه لين ينزل لتحت اللي معه سكر ميقدر يمسك نفسه

و الجوع ترا الشيبان يجوعون بسرعه خاصه لو عنده سكر

يعني سكر وضغط و كبير طبيعي يسويها باي مكان و ما يشوف نظره ضعيف

اعرف ناس معهم سكر احيان يسونها على انفسهم اذا كانوا بعيدين عن الحمام

يعني طبيعي ذا الوضع و اكيد انك عارفته

فلا تحججين بانهم يرسلونه لك ابد لا ارسلوه ولاشي بس انحشر عندك

و كمان تقولين اقوله اسوي لك رز يعني تشاورينه

من متى الكبار يحبون المشاوره ؟ الكبير عنده مثل يقول

لا بغيت حريمته شاوره

المفروض ما تشاورين حطي له لقمه و امسكي فيه قعد الحمدلله ما قعد قمتي بالواجب

لكن واضح انك انتي ماتبغين لا حمواتك و لا ابوهم

و تتحججين وبس ماعندك اصلا مشكله بس تألفين

عموما

محد ضامن نصيبه بالدنيا و ايش بيكون اخرته

لكن اللي نقدمه اليوم نشوفه بكره سلف و دين

ياليتك تحملتي علشان تاخذين الاجر

لكن بصياحك ضيعتي الاجر و كسبتي اثم الفضيحه

تلاحقي نفسك و توبي و احسني لهالرجال

وراك ولد الله يعافيك و الدنيا دواره

تعوذي من ابليس و اكرمي الرجال

ماتدرين بالعمر مو يمكن انتي تموتين بعز شبابك و هو اللي يقعد

على الاقل يدعي لك باللي كنتي تسوينه له

لا معليش لحالك الشيبان زي الاطفال

مايحبون احد يلعب باغراضهم و لا يفتشونها و لا يمسكونها و بس يقفلون و يدسون

طبيعي يصيرون مثل الاطفال ذا ارذل العمر ولا ما تعرفينه

فبلاش لئامه و تقولين مو هين لا يصير مصيرك زيه و تلاقين زوجه ولدك تقول مهي هينه

حطي في بالك كل نصيحه تنصحينها لها بيصير لك منها نصيب

حتى لو انها ما اخذت فيها تضل دين برقبتك

الرحمة زينة والستر الستر والي واقفة بصفها تخيلي ابوك مكان هالشايب او تخيلي نفسك بمكانة لاعجزتي والمشكلة انك قلتي نظروة ضعيف طيب وش باقي تبين من جد دنيا تخوف والله لايحوجني لأحد