₪Ξ❤Ξ»¯−_ღ أحلى تجـمع للحوامل الرابطات (ربط عنق الرحم) الـتاسع والعشرون ـღ_‗«Ξ❤Ξ二₪

انا حمدالله زينه بعد بكره باذن الله ادخل الثامن
للاسف انا متابعه لكم من الجوال او الايباد بس ماقدر ارد لان المنتدى مايسجل اليوز من الاجهزه الذكيه:08:
انتي كيف الحمل معك وشكرا ع السوال :23:

شاكره لك طرحك الرائع

يعطيك العافيه
برودكاست مدونات ديكورات ازياء فساتين رمزيات تسريحات شعر مكياج طبخ صور انمي صور للتصميم توبيكات رمزيات بلاك بيري رمزيات بي بي صور برودكاست فساتين عرايس غرف نوم فساتين اطفال فساتين سهره رمزيات تسريحات ميك اب رمزيات من لستتي برنامج الواتس اب برودكاست صباح الخير برودكاست بلاك بيري خلفيات بلاك بيري رمزيات بي بي صور اطفال

يسعد صباحكم بطاعة الرحمن ..

والله يحييكم ويعافيكم يارب ..

ماشاءالله تبارك الرحمن مبرووك دخولكم الثامن الله يتمم لكم على خير ويسهل عليكم ..

مجبوس الله يخليهم لك يارب ويجعل مافقدتي شفعاء لك ..

لبيه الله يحقق لك مبتغاك وماعندي خبره بالتوائم ..

ام عبدالله انا زيك ماكان يدخلني من الايباد بس صرت اكتب كلمة المرور بالانجليزي ويدخلني جربي وان شاءالله يضبط معك ..

لبيه يا يمه
شوفي يا قلبي .. بالنسبه لحمل التوأم فهو من البداية للنهاية ثقل فظيييييع .. بالنسبه للوحم ما راح أخدعك واقولك ذبحني وبغيت أموت لا والله .. انا الحمدلله من النوع اللي ما يتوحم يعني ترجيع وغيره لا والحمد لله لكن انا تجئني لوعه وحرقة في المعده .. ولما صرت في الرابع كان شكلي كأني في التاسع وكنت ماقدر امشي ولا أتحرك والله لا يوريك أنواع الوسواس والخوف وفي الشهر السابع ماقدرت أتحكم في البول - الله يعزك - لان الاجنه ضغطت على المثانه فكنت على طول استخدم الفوط لأني إذا حسيت بالحصره مايمديني أوصل الحمام إلا خلاص - فضييييحه- والتنفس صار صعب كنت أنام وأنا جالسه لان الاجنه واحد فوق والثاني تحت ،، والتحجر اللي دائماً تشتكون منه انا يجيني في كل حمل وهو عادي لكن أنتوا وسوستو بي :) وهو يجيني من الرابع فما بالك تحجر من الرابع واثنين :( كان التنفس يوقف عندي 
والولادة قيصري .. هذي كوم ثاني والنفاس انسي شئ اسمه نوم .. لأنك اول ماترضعي واحد وتبدلينله يكون دور الثاني :(
وزوجي نسييييييييته ولا أعطيه وجه كلللللش لأني أكون تعبانه ومالي خلق نفسي فما بالك غيري .. وبصراحه هو راعى هالشي ويوم صار عمرهم 6 شهور خليتهم عند امي وسافرت لندن لان جسمي اخترب وصحتي تدهورت وكنت على شفير انهيار عصبي ومسك فيني وسواس أني مريضه مرض خطير وباموت عن عيالي :( 
ولما رحت وفحصت قالو لزوجي أن كل اللي فيني ضغط عصبي شديييييد ولازم تروح عن نفسها وجلسنا هناك أسبوعين كانوا أحسن علاج لنفسيتي قضيناها تمشي وتسوق ومسارح وحسيت كأني في شهر العسل لكن ولدي البكر كان معاي - ما قدر اخليه كلللللش - وخرّب علينا الرومانسية شوي لانه حبيبي يغار علي من أبوه وبصراحه كل ماقلت بيكبرون وبيخف التعب ما شاء الله عليهم تزيد شطانتهم ويجننوني فديتهم .. ينامون مع بعض .. يلعبون مع بعض .. يمرضون مع بعض .. ولهم لغه بينهم ما نعرفها ..  ولو تشوفينهم الآن انا اكتبلك وولدي الشيطون يركب على الكنبه وينقز علي وأنا حالتي حاله .. وأقول لأبوهم .. البيبي اللي باجيبه إذا بنت باسميها صابره وإذا ولد مجاهد على اللي يسوونه فيني وفيه :)

ونسيت أقولك انا مسكني السكر من البدايه فيهم .. وكانوا في المستشفى دائماً يخوفوني يقولون حملك خطر ومهدد .. حاسبي .. يمكن تولدين في السابع وغيره من الكلام اللي يروّع