فيني طبع ماهو زين (مراقبه عضوات بالمنتدى)

السلام عليكم ورحمة الله وبركاته
اخواتى انا متزوجة من اكثر من عشر سنين
مااشفت السعادة ابدا ولا اعرفها
حتى اصبت بحالة يأس تاااااااااااااام وانزوييت في بيتي .
الزوج اهملنى كثيرا , ولم يكن باختياري , ومشاكل كثيرة وكان متزوج قبلي كثير ويتزوج ويطلق
المهم مشاكل كثيرة لاداعي لذكرها لاني ذكرتها بمواضيع سابقه
انا يائسة من الحياة
واحب اتصفح هالقسم
واذا شفت وحده تحب زوجها وتمدحة . تصفحت ملفها الشخصي
وقرات ردودها
وانا اتوجع من الالم والحسرة على حالي
وايضا عندي فضول كبيير لمعرفه
كيف السعيدات عايشات
كيف يكون يومهم
وش يحسون فيه بالضبط
طبعا اذكر الله ولا انسى هالشئ
وانا مقتنعه انها ارزاق من رب العالمين
لكن اقول في قلبي لازم اعرف السعادة ولازم اشوف الناس المبسوطة كيف عايشه
انا كل ثقافتى مشاكل بمشاكل
انا موسوعه مشاكل
حتى انني كنت اعتقد ان المراة مخلوقه للمشاكل فقط :024:
وان السعاده ممنوعه عنها

52 تعليق 6,558 مشاهدة

شاركي في النقاش

سجلي الدخول لإضافة تعليق.

التعليقات

49
  1. @mngo

    يا عمرررررري مافيه أحد خاااالي من المشاكل بهالدنيا
    إلي تحصلينها ما شاء الله سعيده مع زوجها وماعندها مشاكل شخصيه معه
    بيكون عندها مشاكل مع أهله أو مشاكل صحيه تخصها أو تخص أبنائها
    يعني هالدنيا ماتصفي لأحد إلي عندها مشاكل مع زوجها ممكن ماعندها مشاكل تخص
    الصحه والعافيه وهكذا كلن عنده خيرررررررر من المشاكل مو بالضروره تكون الوحده
    سعيده لإنها متصافيه مع زوجها .........
    وما ننكر إنه فيه ناس سعيده وماناقصهم شي والله يديم عليهم
    حاولي يا قلبي تشوفين دااااايم إلي أقل منك مشاكل وبتحسين بالإيجابيات إلي عندك
    وربي يبتلينا بيختبر صبرنا وكله بأجره بإذن الله
  2. @rynas_7

    أغلب إللي يتزوجون مطلّق متزوج قبلهم أكثر من زوجة و يتزوج و يطلق ما يكونون متوافقيين أبداً لأنه يكون فيه عيووب و هذا إللي خلاه يتزوج و يطلق أكثر من مرة .

    المفروض سإلتوا عنه مضبوووط قبل الزواج , بس إللي صار صار الحين و ذكرت كلامي نصيحة لكل بنت أن لو يتقدم لك شخص مطلق أكثر من مرة لأا تستعجلين بالقبوول اسإلوا عنه كويس



    بالنسبة لمشكلتك ( الزوجية ) ما عندي حل لك غير الدعاء , ربي يسخره لك و يقر عينك بالسعاادة الزوجية ,


    و بالنسبة لمشكلتك أنك تراقبين العضوات هنا ( دائماً رددي اللهم لا تشغلني غير بطاعتك ) و واضح قلبك نظيف لانك تذكرين ربك , و تغبطينهم على هالشيء بمعنى تتمنين لك السعادة بدون زوالها عنهم
  3. كذاب من قال انه سعيد
    وانصحك بكثره الاستغفارررر واحتسبي الله علي حالك هذي من مفاتيح الفرج

    وقولي في خواتيم صلاتك في السجود ربنا هب لنا من ازواجنا وذرياتنا قره اعين واجعلنا للمتقين اماما
    قولي هذا الدعاء حتا لو منتي شيفه امل ولا سعاده حتا لو دومتي عليه عمر وانتي تقوليه وماشفتي شي قوليخ صدقيني راح يجي يوم تشوفيه باذن الله
    والي انتي فيه خطا هذا تحسير من الشيطان
    دايم انظري للي اقل منك عشان تشوفي نعمك
    الي تسويه خطا لانه راح يضيع صبرك ويخليك تكرهي حياتك اكثر واكثر
  4. ياحياتي الله يسعدك في دنيا والاخره السعاده الزوجيه مو كل شي اهم شي راحه النفسيه والعقليه وسلامه من الامراض ولا يوجد بيت خالي من المشاكل
  5. @am_ohydha

    حبيبتي مو انتي اللي بمشاكل لحالك انا ابوي طلق امي وانا عمري شهر وتربيت عند حريم ابوي ويوم صار عمري 12 سنه ناجحة من سادس دخلني ابوي على شايب عمره 52 سنه وعشت خدامة له ولعياله ولزوجته كانو يطلعون العصر يسيرون ويسكرون علي الباب بالمفتاح هلحين اتسائل لو لاسمح الله صار حريق وانا مسكر علي الباب ؟؟؟؟تخيلي قسم بالله يسكرون علي الساعة اربع العصر ولا يجون الا عشر بالليل بس سبحان الله كنت استانس واجلس اتفرج على توم وجيري والكراتين واقول ياليتهم يموتون ولا يرجعون لاني آخذ حريتي كنت باول متوسط طفلة علمتني ضرتي الطبخ عشان اطبخ لهم ولا جيت من المدرسة اتمنى انام وارتاح تكون هي مجهزة الثياب وتخليني اغسلهم واكويهم واليوم الثاني تخليني انظف الغرف تنظيف عميق وبناتها كانو جالسين عند التلفزيون وياكلون ايسكريم بعد سنين من العذاب طلقني وخذيت واحد شاذ جنسيا كان يسكر على العيال بالمجلس ويجيهم قلت ميخالف بس اهرب عن جحيم مرة ابوي لكن للاسف طلقني حتى هالشاذ عيا فيه الحظ ههههههههه المهم تزوجت ابو وحيدي ورزقني ربي بوحيدي وهلحين انا مطلقة طبعا ابوي الله يرحمه مات وصرت حرة مااروح لمرة ابوي سكنت بشقة لحالي يدفع آجارها المحسنين لو لا الله ثم لولاهم كان بالشارع اخواني من ابوي من مات ابوي له سنين ماسألو عني اعيش على الضمان همي الوحيد بيت الملك تخيلي كل ليلة ابكي وتشهد مخدتي على دموعي لو لاسمح الله مات هذا المحسن اللي يدفع آجاري والله تلقيني انا ووحيدي بالشارع ,,,, معليش سامحيني كتبت لك قصة حياتي بس ابي اقولك والله ياعمري مافيه احد مرتااااح انا جميلة ونظيفة وطباخة من الطراز الاول مافيه طبخة وحلا وشئ مااعرفه ومع هذا مطلقة ثلاث مرات لاتضنين انك انتي لحالك اللي موسعيدة هذا انا آخذ علاج نفسي من شئ جاني بس الحمد لله راضين بما قسمه الله لنا بمكن ربي كاتب لنا حظنا بالآخرة انتي كثري الاستغفار وقراءة البقرة والدعاء واسأل الله ان يفرج همك وهمي وهم كل مسلم معليش شطحت بالموضوع وقلبت المواجع آآآآآآآآآآآآآآآه بس ,,,,

تابعي تجارب أخرى من هذا القسم.