ساعدوني ارجوكم

بسم الله ، اول شي انا خذت يوزر صديقتي لاني والله ما عاد فيني صبر انتظر تفعيل الاداره ليوزري ، بادخل لكم بالموضوع على طول انا بصراحه ترددت كثير ف طرح مشكلتي خصوصا انا عمري ماتكلمت فيها لكن توكلت ع الله علني اجد عندكم راي حكيم قبل ماابدء بسرد مشكلتي احب اوضح طبيعة علاقتي ف امي انا انسانه مجنونه ف امها احبها بشكل مو طبيعي نفسي اخرج عيوني اثنتين واعطيها
مااحب احسها محتاجه شي وانا عايشه بهالدنيا مااحسها بس ام احسها كل شي بهاالدنيا وهي نفس الشي تشوفني صديقتها وقريبه لقلبها ,
امي انسانه محافظه جدا على صلاتها ونوافلها ودينها لاابعد حد وياثر فيها جدا كلام الدين
مشكلتي بدت مع امي الله يحفظها ويخليها لي وقت تجهيزي للزواجي كانت تسافر عشان تجهز امور الفرح بشكل متكرر وكانت دايم تقولي رحت انا وام محمد وجيت انا وام محمد انا طبع ا مااعرف من ذي ام محمد بس قالتلي هي وحده كانت ساكنه بديرتنا اللي احنا عايشين فيها وزميلة صاحبتها
المهم مرت الامور طبيعي لين تزوجت وانا ب اول شهر لي جتني امي زياره وكنت مره فرحانه وطايره فيها وقالتلي بطلع مع ام محمد والحريم نسهر وكذا راحت وظليت انا وزوجي قعدت انتظر رجوع امي دقت عليها ب اول الليل قالتلي حتأخر ماحبيت ازعجها
وكان همي الاول والاخير انها تنبسط لانها تعرضت لضغوط كثير بفرحي تأخرت جدا وظليت انتظرها وماابي زوجي يحس انها تأخرت بهالشكل لانو اول كرت معرفها لها عنده و كان كثير يسالني عنها ويقولي طيب اروح اجيبها ب العافيه اقنعتو يروح ينام وظليت انتظر امي الين الساعه 7 الصباح !
هينا كانت اول صدمه لي وبكيت ماني عارفه هي وين راحت ماني عارفه اسالها لانها مره حسساسه وتزعل بسرعه لااول مره بحياتي اتعرض لموقف اني احاول اغطي شي امي سوتو واحسو غلط ! وهي الملاك بعيني ,
ظلت هالمواقف تتكرر كثير دايم لما تجي عندي تطلع مع صاحباتها اللي مااعرفهم وتتأخر وما أتجرا اسالها بس كنت انبسط بشوفتها وجيتها وابيها بس تكون مبسوطه ومااهتم لااي شي ثاني مرت سنين وهالوضع نفسو
بس صارت امي تحدني بوقت معين لجيتها مثلا اكون انا توي جايه من عند اهلي ظليت عندهم شهر ورجعت بيتي
عشان اجهز لـ اختباراتي النهائيه بالجامعه تقوم تقلي امي بوسط اختباراتي بجيك هي عارفه اني مشغوله جدا وعندي اختبارات وماراح القى وقت ابدا للجلسه معها بس لما تقول بتجي اسكت انا
ولما تجي تطلع مع صاحباتها وهلم جر جت فتره كنت الاحظ امي تاخذ معها لبس واستشوار مادري ليه وسالتها مره قالت اخاف اتضايق من البنطلون ف اغير هدومي واحيانا تقول استحي قدام زوجك اطلع ببنطلون ف اخذو معاي والبسو هناك تروح وتجي بهدايا فخمه واحاول مااخلي زوجي ينتبه ل الهشي قد مااقدر اخر مره رجعت بجوال وقالت دفعت نص المبلغ ونص دفعته ام محمد
طبعا ضليت ع هالحال زيارة امي عندي مو لي لصاحباتها ابدا مايهم اش ظرفي لان الجيه ب الاساس مو لي ف صرت احاول فيها تجيب صاحباتها بيتي وتعرفني عليهم رفضت وقالت هم مايحبو
وبعدين ذا مو جوك انتي حتكوني متضايقه
لان هم جوهم دخان وفله ماسخه وكذا طيب ياماما اش حادك انتي ع جو زي كذا ذا كمان مو جوك وارجع اقول ل نفسي المهم اني اشوفها مبسوطه والبسمه ع وجهها
صارت امي تجلس بساعات ع التلفون ماتدري عني ولا عن اخواني لو اسولف معها
ب اي سالفه مااحسها معنا احسها ب دنيا ثانيه لما اروح ل اهلي امل كثير ماتكلم وتجلس ع الوتس ومو داريه عن احد فينا
ولما تجي عندي تروح مع صاحباتها امي ماصرت القى احساسها وحبها وحنانها صرت اخاف عليها و ع اخواني خصوصا انهم صغار و مولاقين الحنان اللي انا لقيتو امي حبيبتي جنه بس ماادري اش مغيرها وكيف اتصرف معها كمان احس اني ماابي اعرف عشان ماانصدم
احترت كيف ارجع امي صرت بس اشيل همها مره قالتلي اقريلي هالاسم بالجوال كان ب الانقلش وكان اسم رجال استحيت اقولها وقلتلها ماعرفت اقراه احيانا اقول يمكن اللي فصلت عنده فستاني سحرها
لانها دايم تقولي ع جنسيته انتبيهي منهم وانهم ساحرين ويخلو الحرمه تمشيلهم وهي مو داريه عن نفسها تقولها بحسره وحرقه كمان ب اي وقت تفصل افخم الفساتين وب اقل من نص سعرها ف بديت اشك
صارت بالهبل تتصور ف الجوال وتخليني اضبطلها الصور فوتو وكذا دايم تحط حرف مو حرفها ف صورة العرض تبع الوتس احيانا اسمها ف الوتس تخليه حرفين حرفها و حرف ثاني انا خايفه على امي خايفه جدددددددددددددا ومو عارفه اش اسوي ماابي احد يلاحظ عليها شي ودي ابعدها عن هالطريق ماابي اشوفها مهزوزه بيوم من الايام
ماابي اجرح مشاعرها هي عارفه اني سندها وحظل سندها ل اخر يوم بعمري انا مادري التصرفات اللي ذكرتها الحين طبيعيه ويمكن انا هبله ومكبره الموضوع طيب انا ماابغها تحتك بصاحباتها لما تجيني كيف اوصلها هالشي
نفسي لو يوم احس ان امي جايه عشاني انا نفيس اجرب هالاحساس اتمنى القى منكم حلول نصايح كيف ارجع امي لرشدها كيف اخليها تلتفت ل اخواني اللي هي لاهيه عنهم ماابيها تثير الانظار من حولها خصوصا
لما تخلي صاحبتها يصوروها اخاف يشكو ليش ومن متى ولما تروح تكلم وتقفل الباب انا انجنن سوالفها ماصارت مثل اول صار تغتاب الناس بعدماكانت تذبحني لو اجيب سيرة احد ع لساني
اشياء كثير تمنعني منها الله يحفظها وهي تسويها زي طلعتي مع صاحباتي الرقص الجماعات اللي فيها فله حفلات البنات ماتحب دايما تنصحني
مااكلف ع زوجي بس امي الله يخليها لي عادي لما تجي عندي تفصل عبايه ب الف ومافوق وتدفع عربون بسيط والباقي اظطر انا ادفعه عذرا لذكر هالموقف يمكن مالو علاقه بالموضوع بس كمان اتمنى القى راي سديد فيه وحل يريح ومايجرح
لانو بشكل مستمر جدا يصير الله يسامحها ويخليها ب اي زياره عندي تدخل محل عبايات تفصل بمبلغ غالي جدا والعبايه ب امانه لاتستحق واقولها ياماما بلاها ماتستاهل بوديك محل ازين بس ماترضى تصر
ف تعربنه وتعطيني الفاتوره بعدين تدق عليا تقول طلعي العبايه انا وقتها اظطر اخلي زوجي يطلعه ف صرت انحرج كل جيه ل امي بعبايه وانا موتي وصورة اهلي تهتز عند زوجي
الله يجزاكم خير ياجماعه اش تنصحوني وياليت كل وحده ترد تكون مسؤوله عن كلمتها لانها حتأثر فيني و يحتسب اجر تفريج كربه واللي ماتقدر ترد يكفيني دعاءها ل امي وارجوكم بعيييد عن التجريح خصوصا ف امي ...

9 تعليق 1,180 مشاهدة

شاركي في النقاش

سجلي الدخول لإضافة تعليق.

التعليقات

8
  1. @mngo

    كااااااان الله في عووووونك يا عمررررري
    أمك شكلها تأثررررت بصاااااحبات السوء وغيرررررروها وغيرو طباااااااعها
    وصارت تتشبب وتعمل حركات مالها داعي
    هي غااااافله وصاحباتها زززززادوها غفلللللله
    أنا برأيي ماااافيه أحلا من المصارررررحه صارحيها عن تغيرها وعن مخااااوفك
    وخبريها إنك تحااااولين تداااارين عليها وخاصه قدااااام زوجك
    قولي لها يا أمي زوجي بدا يلاحظ تصرفاااااااتك وصار يستغررررب رجوعك للبيت
    متأخررره وما أبي تصير مشااااااااااكل
    أبكي عنددددددها ذكريها فيك وفأخوانك وإنهم بحاجتها
    قولي كل شي فيك تغير وهالشي مضااايقني ويألمني
    آنتي مو أمي إلي أعرررررررفها
    مافيه أحلا من المصااااارحه أمك بحاجة أحد يصحيها ويفوقها من غفلتها
    حتى لو زززززعلت لا تتضايقين هالشي لمصلحتها
    مايصير تشوفينها تغرررررررررق وتجلسين تتفرجين !!!!!!!!!!!!!
    بالبدايه بتتضايق بس بعدين ماتدرين يمكن كلمه ونصيحه منك توعيها وتشغل ضميرررررها
    كوني معها وتحملي زعلها ولا تدااااارين عليها كثير حتى ماتزيد بغفلتها
    الله يردها ردا جميلا ويهديها
  2. @lyal_alfgr_1

    ياحبيبتي كل الي سويتيه خلى الوضع يتازم... كان ينبغي من اول يوم تتكلمي, وكل ماتاخرت زاد الوضع سوء...

    انت قلتي امك تتاثر بالدين... ذكريها بالايام الخوالي!!
    كلميها قولي لها احساسك, ذكريها بايام اول ماكانت تكره الغيبة والسهر والخنبقة, والان تطلع منها حركات للاسف مراهقين
    وذكريها بعيالها الي هم امانه عندها

    اكتبي لها اذا خفت تخربطين بالكلام... اطبعي لها هالموضوع خليها تقراه... كلماتك مؤثرة يمكن تدخل قلبها وتصحيها...
  3. @drr_alashraf

    فديتك والله حاسة بالحسرة في قلبك


    يآ غالية مافي أصعب ان صورة الأم تهتز فجأة

    اللي قلتيه أبدا مو هين ..وكأن أمك رجعت لها مراهقتها فجأة..):

    حبيبتي أبسألك والدك وينه عن الموضوع؟؟ كأنه مش موجود


    المهم ياروحي يمكن أمك عايشة فراغ عاطفي وفي أحد استغل هالموضوع وأثر عليها


    بس أنا متأكدة انك تقدرين ترجعينها أحسن من أول خصوصا باين انك واعية جدا وعندك أسلوب

    ياقلبي أول شي تأكدي إن أمك من البشر ماهي معصومة والخطأ والتوهان عن الطريق وآآرد جدا مهما كبر العمر وزاد القدر..

    فتعاملي على هالأساس معاها ..

    انتي قلتي انها تتأثر بكلام الدين..حبيبتي أول شي افتحي اليوتويوب ونزلي محاضرات تمسها ..شيوخ كانت تحب تسمع لهم

    وابدأي ارسلي لها عالوتس..


    اجلسي معها جلسة مصارحة خبريها عن مدى حبك لها أبكي واحضنيها وقوليلها انك تحسين بألمها لازم تشكليك لازم تعبر..

    لا تسكتين أبدأ كوني سبب في طريق عودة امك ..حاولي فيها تقطع صديقات السوء ذكريها بماضيها الحلو والصافي

    ياحبيبتي الحل بإيدك..أمك مو طفلة ومافي غير انك تفتحين لها قلبك وتسمعين منها كثيييير وتعاونينها على طريق الرجعة..ذكريها بالموت ذكريها بالناس اللي تموت فجأة..قوليلها بأي وجه رح تقابل ربي..قوليلها لمن خلت عيالها..قوليلها من اللي يستاهل تبيعهم عشانه..

    وأم محمد هذي لازم تعرفين عنها أكثر..أحس وراها شي وكأنها قاصدة تضيع أمك..


    والباقي ماعليك الا تدعينلها..يآرب يهديها ويرجعها لكم..

تابعي تجارب أخرى من هذا القسم.