كبرنا ولحد يقول انتي صغيره ع الزواج

كلآم لمعة ألماسة جمييل وحسيتها انسانة عملية جدا .. وأنا معها في بعض كلامها
مثلا أن هالمواضيع ماتتطرح ولو انطرحت بأدب وبدون كلمات مالها داعي ..
وضدها في أن البنت مايصير تتزوج بالعمر هذا وتدرس مافيه مشكله اذا عندها قدره وقادره
ع المسؤؤلية تمام الله يوفقها هي طلبت الحلال ونصف دينها .. صحيح إني والى الان أفكاري
باأنو زواج البنت بالعمرهذا ماتغيرت وغلط وصغيره والحياة مو كلها زواج ورأي شخصي لكن مانقدر نحكم
الناس وكلن يسوي اللي يريحه ... وماننسى أن الدين يحث ع الزواج للبنت وأهم صفة بالشريك هو الدين والخلق مثل ماجاء بحديث رسولنا اللهم صلي وسلم عليه .. ماقال العمر .. !

اولا باي حق حكمتي على اللي تزوجت بعد الثانوي بالنقص يالله انتي بصراحه عايشه بعالم من الخيال والمثاليه ...
يالله يعني انا ووخواتي وكل اللي اعرفهم ياحرام حاسين بالنقص عشان تزوجنا بدري كلامك يناقض كل شيء في الحياة ...
لا والله اللي بتحس بالنقص اللي كبرت وماتزوجت هذي الحقيقه المرة اللي مجتمعنا يعاني منها للاسف ...
انا دايم في صف البنات اللي ماتزوجوا وانقد على اللي يلومهم ويعاملهم بمثاليه حرام نزيد همهم هم ممكن بكرة بنتي او بنتك او اختك تتاخر بالزواج ونعرف انها فطرة في كل انثى نقوم اذا بينت انها راغبه بالزواج نغلطها..
هاذي السيدة خديجة رضي الله عنها عرضت نفسها للزواج على سيد الخلق صلوات الله وسلامة عليه واصبحت زوجته وام اولادة وبناته وكافئها الله في بيت في الجنه بلاصخب ولانصب يقال لانها كانت هادئه مراعيه لحبيبها صلوات الله عليه فكافئها الله في بيت في الجنه...
وحتى امراءة فرعون (قالت ربي ابني لي عندك بيتا في الجنه )هاذي فطرة الانثى تكون ملكة في مملكتها وبين اطفالها واحساسها بالامومه هذا اللي فطرت عليه ولا اي شيء في الدنيا لايكافئ هذا الاحساس ...
ليش نلوم البنات اذا طلبوا الحق واذا الكلام من رجال نتقبله بصدر رحب .
وبعدين ما جاوبتي على سؤالي اذا بنت بعد الثانوي اتخرجت وما انقبلت بالجامعه وجالسه بالبيت وتقدم لها رجل والنعم بتقولين لسه صغيرة اجلسي في بيت الماما الرسول صلى الله عليه وسلم قال (أذا اتاكم من ترضون دينة وخلقه فزوجوه )كلامك يخالف المنطق والعقل والفطرة اما مافي زواج الابعمر 28و27 وووين ...عايشه بغير مجتمعنا انتي ...
عمر الزواج ماكان عيب والا حرام .عمر الالتزام مايعارض العفه وطلب الاستقرار ..
وباي حق تحكمي اننا ما حنا سعدين بحياتنا عشان اتزوجنا بعد الثانوي كلامك يعكس نقص فيك لاحبيبتي الا مبسوطات ومتهنيات ومحقيين طموحاتنا وعايشين حياتنا بالطول والعرض...
وشوفت اطفالي وصغيراتي تسوى الدنيا ومافيها ما اتوقع انك جربتي هذا الشعور كان ماقلتي وظيفه ودراسه واشياء اخرى هاذي كل ثانويات الحياة البنين زينة الدنيا ....
الحمد لله الجامعه ودخلنا والوظيفه اللي يشوفك يقول التعييين على قفى مين يشيل ..
وكل بنات خالاتي وعماتي مبسوطات ومكملات دراستهم اللي تدرس بالكليه واللي انجليزي واللي انتساب ورجالهم قمة في الاخلاق والتعاون الله لايغير عليهم ...
وكلامك عن الام وبنتها معاك في هاذي النقطة صح
وانا ماقلت نبرر لهم لكن مهمها كان الانسان معرض للخطاء امي مرشدة اجتماعيه بمدرسه وتحكي قصصص تشيب الراس وتكون الام ملتزمة والاب ولا في اطيب منهم والبنت جروها الصحبه السيئه اتوقع انتي ماقابلتي مثل كذا لانك عايشه بمثاليه ..
هذا موحل اذا جت بنت تبغى النصيحة وتبي العفاف و الحلال نقوم نهاوشها ونخطئها هذا الشيء بينفر عمر النصيحة ما ماكنت كذا انا ملتزمة وعمري مانصحت بهذا الاسلوب غلط الدين النصيحة والمعامله الحسنه ومعالجة الخطاء بحكمة ورويه مو باستعجال واخذا الامور بعزة نفس بالاثم ...
و هذا اللي اشوفه من البنات في المدارس وغيرهم مو معقول نغط راسنا بالرمل ونقول لا مافيه معاكسات مافي شباب طايش احنا مجتمع قمة في المثاليه ولا في احسن مننا وحتى لو الام محافضه مافي شيء ينضمن في هذا الزمن لو الواحد محرص على عياله ماله غير يسوي اللي عليه ويستودعهم الله...
ومايعيب على المبتلين وعيال الناس على شان مايبتلى هو لانه بشر ومعرض للابتلاء باي وقت ...
وكلامك على الرجال في تجني واضح وقصر نضر من قال يبغون ام 18 لا حبيبتي .الطبيعي ولد في 28 بيتزوج وحدة اصغر منه بكم سنه الزواجات النادر اللي تلقين اعمارهم متقاربه لاتعشين بوهم ..
.وهذا ماينقص من رجولة الرجال عشانه يفضل زوجته تكون متعلمة ومتخرجة من الثانوي او تكمل دراستها كل شباب جماعتنا كذا اعمامي وعيال عمي والكل يتزوجون بنات في الجامعه او مخلصه ثانوي الى سن 28 كلهم مرغوبات بسم الله عليهن ولا هم مخهم ضارب ولاشيء الارجال واسياد الرجال ومثقفين ومخهم يوزن بلد استغرب من هجومك عليهم ترى مو شرط اذا في شيء معقدك يكون صح او تسقطين تجاربك على الاخرين وتحكمين بفشلهم واسلوب لا اريكم الا ماارى وعمرهم ماطلبوا بنت 18 مافي زواج عندنا قبل الثانوي ابداوالي اعمارهم 28 الاغلب متزوجين ومعيلين
بالنسبه لكلامك عن الوحدة اذا ماتزوجت تحفظ نفسها وتتكل على الله في تفريج همها معاك هو الصح لكن بدون تهجم وتخطيء اذا انتي تشوفين طرحها فيه جرئه انا اشوفه فضفضه بنت تبغى النصح والارشاد ..
يمكن مالقت اللي يفهمها نزيد همها هم ونهاجمها ونقولها الزواج غلط علشان نحل الخطاء بخطاء اكبر وافضع نحل الحرام ونحرم الحلال ونتنطع ونشدد والرسول صلى الله عليه وسلم قال ( لَا تُشَدِّدُوا عَلَى أَنْفُسِكُمْ فَيُشَدَّدَ عَلَيْكُمْ فَإِنَّ قَوْمًا شَدَّدُوا عَلَى أَنْفُسِهِمْ فَشَدَّدَ اللَّهُ عَلَيْهِمْ فَتِلْكَ بَقَايَاهُمْ فِي الصَّوَامِعِ وَالدِّيَارِ ) هذا الحديث في شرح ابن تيميه من التشدد التنطع في الحلال قد يورث المهالك والاثام وهذا اللي اشوفه من سببب كثرة المعاكسات والمخالفات التعسير بالزواج للي يرغبون بالعفه والاستقرار من غير الاسباب الثانيه اهمال الاهل وقل الوازع الديني وغيره
و كلام الاخت على منع بعض الاهل للبنت من الزواج مع ان الاستر لللبنت الزواج والمحافضه عليها ولا يخالف تحقيق طموحها وغيرة -
ولا نبرر ابدا للغلط لا الحرام حرام ولا احد يجادل فيه شيء منتهين منه مته ولاهو مبرر تاخر الزواج بالوقوع بالحرام ولا شح المال بالوقوع بالسرقه ولاغيرة وايضا الحلال بين وواضح ومشروع .....

يابنات شفيكم
ترى كل وحده حره برأيها وطريقة تفكيرها
يعني في ناس تشوف ان زواج البنت بعمر 18 افضل
وناس ثانيه تعارض الفكره هذي ومايزوجون بناتهم الا بعد الجامعه

وكل بنت بالدنيا تتمنى تتزوج وتفتح بيت وتجيب عيال
والبنت ماغلطت بشي والحين مافي شي اسمه كبيره وصغيره
هي تبي تتزوج بدري .. وين الغلط بكلامها

رفع