شاركي في النقاش

سجلي الدخول لإضافة تعليق.

التعليقات

39
  1. @gnan_2012

    شوفي بحكيك عن اكثر وحدة جذابه شفتها بحياتي طبعا ماشفت في جاذبيتها ا لا بالتلفزيون ...هي كانت صديقتي في المتوسط والثانوي وافترقنا بالجامعة كل وحدة دخلت تخصص بس كنت اشوفها بالجامعه كمان الله يذكرها بالخير.مرة كانت مشهورة بالمدرسة لدرجة كانت في حفلة للعرايس اختاروها العروسة مع انها تراها ماكنت حلوة هذاك الجمال الي مرة بس كانت فيها جاذبيه ماهي طبيعيه ...
    اول شيء قولوا ماشاء الله تبارك الله بسم الله اللذي لايضر مع اسمة شيء في الارض ولا في السماء ...
    اول شيء بسم الله عليها ابتسامة تهبل وتجذب .وكانت تهتم باسنانها مرة واسنانها بيضاء و وصفة وحدة ..
    ثاني شيء مرررة واثقة من نفسها وماعليها من احد طبعا بأدب ...وهذا ثلاث ارباع جذبيتها ...
    كانت هادية بقوة ماهو بالتصرفات لا بالا فعال يعني تتكلم وتنكت بس حركاتها كله رقة وهدوء ......
    وبشرتها كانت قطعة وحدة وعلى فكرة كان سمرا شوي مثل نجوى كرم لمى تسوي تان واذكر كانت تستخدم فير اند لفلي من المتوسط عشان كذا ماعندها هالات وبشرتها حلوة وصافية ..
    وكانت تموت بشيء اسمة عطر ريحتها دايم فواحة نضافة على ريحة خطيرة وتجنن ...
    وشعرها كيوت قاصته مدرج وناعم وقاصه غرة وفارقتها على جنب ودايم تجي على عينها وتطلعها بشكل كيوت ..مع ان جبهتها كبيرة بس ميزتها عارفة عيوبها وعارفه كيف تغطيها وعارفة اللي يناسبها بسم الله عليها ...وكانت تنوع بالصبغات بس اكثر شيء اذكر كانت تصبغة بني غزالي مرة يهبل ويطلعك انثى وكانت تصبغ بالبيت ...
    وكانت تموت بالخلطات والاقنعه وتحب الاقنعه الجاهزة اللي من الصيدليه واذكر ايام الثانوي كانت تحب خلطات مبارك الاشقر وكنا صحبات فله نشجع بعض على الاهتمام والكريمات والخلطات الله يذكرهم بالخير ..
    اهم شيء اتذكره صوتهااااااا وحطي تحتها مليون خط صوتها كان رووعه وتتكلم بهدوء ونعومة مو بدلع وتغنج مصطنع لا والله اكثر وحدة قابلتها طبيعيه مو مثل بنات الحين حقين امبيه وتيب وحليمة لا هأذي صوتها صوت انثى بجد متذكرين نيرمين الفقي المصرية ام شعر اشقر هيا مثل صوتها بالضبط ...
    لبسها كان راقي واغلبه كلاسيك والوان معينه اسود ورمادي واحمر وهادي الالوان وتموت بلابيض والاكسسورات ...مدري بس ماكانت تحب الالوان مرة عكسي انا لبسي كله ملون ..وهي كمان كانت تنوع بالشنط كثير الله يحفضها
    كانت شنطتها ايام المدرسه ما تفضى من كحل ومرطب لابيو بالكرز ومراية ...
    وعيونها كانت جذابه لا ن مثل مايقولون العيون هي اللي تفضح ومعرفه الناس لثقتك في نفسك وحبك لذاتك وتقديرك لها من عيونك ...كلما كانت عيونك منكسره ضعيفه متردده يدل على قله ثقتك بنفسك وترددك وكلما كانت نظراتك حازمه ثابته قويه وسعيده دل هذا على الثقه وحب النفس ( ما اقول صيري قويه عين ووقحة بس خليك ثابته ) طبعا هي عيونها كانت جميله وصافيه واكيد صاحبتها يحق لها تتدلع وتجذب الكل ... يعني الجذابه بتفنن بنظراتها ... نظره عينها متزنه وحلوه . تجذب الكل من نظرتها بعيونها وتموت بشيء اسمة عدسات ....اكثر شيء الرمادي والاخضر بس السر ماهو بهذين اللونين لا السر بانها اكثر لونين يناسبون بشرتها ...
    وجلستها كان ضهرها دايم مستقيم ومشيتها حلوة ومرة سالتها قالت امي كانت اذا طفشنا نلعب وتحط كتب على راسي واللي تمشي وماتطيحها هي الفايزة وكانت تهاوشنا اذا شافت ضهورنا منحنية لو قدام التلفزيون ...وعرفت ان اهم شيء الام لو كانت مهتمة وانيقة بيطلعون بناتها مثلها وانا شفت امها بسم الله عليها وربي موباين عليها ايش اهتمام وايش دلع كانها اخت بناتها اذكرو الله ...
    واخر شيء انا عصرت مخي عشانكم وحاولت اتذكر كل شيء وكتبته بس عشان تستفيدون مو عشان اي شيء ثاني لاني لمى شفت الموضوع تذكرتها وقلت افيدكم وان شاء الله تستفيدون وتطلعون احلى جذابات لاني انا استفدت منها والصحبة اتاثر الله يذكرها بالخير وين ما كانت ...
    ويلا صبايا نبغى تفاعل ...
  2. الجسم الرشيق والمتناسق هو البوابة للجمال والجاذبية
    اهتمي بشعرك وبكريمات ليلية لبشرتك
    وإن شاء الله تكوني جذابة في بساطة وأناقة
  3. الثقة اهم شي وبعدين المظهر كل وحدة لازم تهتم

    بنفسها وبشكلها وعجبني رد جنان 2012 ماشاء الله

    ذكرتيني برفيجتي ما شاء الله بحياتي ما شفت وحدة محبوبة وجذابة نفسها


    والسبب ثقتها وخفة دمها واجتماعية درجة اولى وتحب تكشخ وعفووووية ومراعية للكل


    اتمنى لو ترجع ذيك الايام ونجتمع مرة ثانية
  4. في ناس فاهمة الجاذبية غلط وتعتقد انها مرتكزة على الجمال الخارجي وهي مالها اي علاقة بالجمال الخارجي هي شئ في الداخل يعكس على المظهر الخارجي وببساطة الجاذبية تعني مايشد الانسان لهذا الشخص الجذاب بدون ادراك ماهو سر الانجذاب

تابعي تجارب أخرى من هذا القسم.