السلام عليكم ورحمه الله وبركاته
حبيباتي الكورايش .. يسعد صباحكم ومساكم
قريت كثير عن اعشاب النفاس كذا وكان المكتوب يا تهويل أو تحقير .. :icon20:
صديقتي ماشاء الله عندها بنت وعمرها سنه ونص
وماشاء الله مافيه اي مشكله تذكر من مشاكل النفاس عندها
اخذت العلم من عندها ودونته عندي
وحابه اعرضه عليكم
بس ارجوكم ...
ردود تحقير وخربطه مانبي !!!
تاجرات يدخلون ويحطون رد موفقه وتوقيعها 20 سم مانبي !!!
والان الى العلوم النافعه اللي استفدتها :icon10:
* ربط البطن .. وقالت لي شماغ افضل شي << مع اني مدري عن هذي النقطه فيه كثير يؤيد بحكم التجربه وفيه كثير يرفض عشان يقولون تفغص الرحم ومدري وشو والى الحين ماتخذت قرار فيها ..
* يوميا .. حلبه قصيمي لمده ال20 يوم الاولى مغليه في مويه ..تقول القصيميه يازينها مابها ريحه وماتمنتن كثير مثل اليمنيه
* قشر مغلي وبعد مايغلي نحط عليه يانسون وشمر ونشربه كنه قهوه وبرضو هذا يوميا
* الرشاد يعجن مع التمر ويؤخذ ال20 يوم الاخيره لتنظيف الرحم وطرد المويات
* يوميا ادهني جسمك وراسك بزيت السمسم ضروري .. هذا مدري وش الحكمه منه اللي تعرف تعلمنا:icon20:
* يانسون + شمر + كمون + فلفل اسود + فلفل ابيض + حلبه قصيمي تاخذي منها فنجان شاهي الا الحلبه فنجان صغير أطحنيها وخذي منها ملعقه يوميا مع الحليب <<< هذي للحين متحفظه عليها لكثر البربسه فيها (البربسه يعني خرابيط:icon20:) وانتظر آراآكم
:11retcher:11retcher:11retcher
بالنسبه للأكل
الفطور افضل شي بيضتين مسلوقه + عيش اسمر
الغدا والعشا مرقه لحم معها بصصله وجزر وبطاطس ويوضع عليها ملعقه من الخلطه اللي فوق اللي قلت لك بها بربسه
الدفا .. اهم شي خلي سريرك تحت المكيف بحيث مايصقع فيك تيار الهوا :eek:
بالنسبه للبيبي ربي يحميه خليه يتعرض للشمس عشان عظامه والصفار ..
وافضل شي شمس الضحويه وشمس بعد العصر مو تروحون تحطونهم في الظهر الاحمر ثم يفطسون بسم الله عليهم ثم تدعون علي بسم الله علي
لاتشيلين الطفل من اكتافه عشان لايتمشع وكوفليه دايم لين يخلص 3 شهور ع الاقل << هذا كلام رولا قطامي وادهني طفلك بالليل بزيت سمسم قبل ينام هذا يخليه ينام بعممممق .. والليله اللي بعدها قبل مايتام حمميه وهذا يخليه ينام بعمق اعمق :icon20:
جهزي اعشابك من الثامن وحطيها بعلب واستكرات اسماء عليها عشان لو فيه احد بيجهز لك اغراض النفاس ماتحوسين
كلي خس دايم عشان الامساك
وعلى فكره عصير البرتقال ماينفع للي ترضع لانه يخلي الحليب فيه حموضه وهذا يسبب التسلخات عند البيبي في الحفاظه << برضو رولا قطامي قالت
وكمان مس رولا قالت الام ماينفع تشرب حليب لكنها تشرب لبن وتاكل لبنه وزبادي وكل شي من مشتقاته لان الحليب فيه تركيبات قويه وتنتقل للطفل ومايقدر ضعيف يكسرها فتسبب له غازات
المعجنات بالدقيق الابيض ممنوعه
:icon20:
ملابس النونو اغسليها بصابون الوزير احسن شي لانه طبيعي <<< مره برا الموضوع :icon20:
تحياتي واشواقي :icon31:
زي ماقلنا الموضوع قابل للنقاش بدون تهزيء .. وتشكرات لكم
شاركي في النقاش
سجلي الدخول لإضافة تعليق.
التعليقات
36- اهلا اهلا ميمي القميله
عن نفسي ضددددددددد الحوسه والخلط والملط
نظامي بسييييييييط جدا
الاعشاب:
حلبة -شمر-يانسون-ماش -رشاد-قشر قهوة-حبه سوده-قشر رمان -خواجوا-مره -قرفه
الفلفل الاسود والابيض والكمون ابغى اتأكد من تأثيرهم ع البيبي اول
وبرنامجي
تمر مع شوية سمن وحبة بركة مجروشه وسمسم اخذ منها مع القهوة وكل ماحسيت بجوع
ع الريق موية دافيه مع ملعقة عسل تصفي الكبد وتمنع الامساك وفوايد العسل معروفه
الحلبه كوب يوميا كفايه لاني باخذ حبوب الحلبة
قهوتي :
مغلي قشر القهوة وشمر ترمس يوميا ينظف الرحم ويضيق والشمر مدر للحليب
والقرفه بشربها لحالها وبدون غلي لان فيها زيوت طيارة ماتنفع تنغلي تروح فايدتها ونفس الشي اليانسون
الماش بضيفه للاكل
والعشرين الاخيرة بضيف للتمر رشاد
اخر عشر ايام بشرب قشر الرمان
والخوجوا للجرح مع زيت زيتون
والمره بشرب منها شويات اول اسبوع عشان الجرح مايلتهب
الاكل :
الفطور عيش اسمر مع بيض مقلي او شربة بالحليب والغدا غالبا مرقة دجاج او لحم وسلطة خضرا
والعشا شربة خضار او عدس وبين الوجبات اكل تمر مع قشر القهوه
وفواكة
طبعا باخذ حبوب فيتامينات بالاضافه لحبوب الحلبه اخاف مااستمر عليها بسبب الريحه
لجسمي :
بهتم بالترطيب يوميا وزيت السمسم كويس للجسم وخفيف وتمتصه البشرة بسرعه
بعد العشرين يوم الاولى وبعد مااطهر وتطيح الخيوط ببدأ بالدلكه والحمام المغربي والرياضه الخفيف للبطن
وناوية استخدم الكورسيه للشد مااقتنعت بالشماغ احسه مزعج والمشد الاندونيسي متعب
والمشد الكامل صعب كل مادخلت الحمام وانتو بكرامه افسخه والبسه
هذا اللي ناويه عليه ان شاء الله - نظام رهيب البربسه اللي هي اللهوم مشابه لخلطة العتيبيات للنفاس مره ممتازه استخدمتها بنفاسي اللي قبل ومع الدوره تنظف وتريحك
وقشر قهوة كمان طيب جدا
والحمدلله الله يقومنا بالسلامه جميعا ويعطيك العافيه - لله يسعدك وربي ..
مهوش مره نظامك قريب مني
وشكلي اعدل على اشياءي
قلبووو
اجل البربسه هذيك مفيده ؟؟
خلاص بعتمدها ان شاء الله mahooosh^ اهلا اهلا ميمي القميله عن نفسي ضددددددددد الحوسه والخلط والملط نظامي بسييييييييط جدا الاعشاب: حلبة -شمر-يانسون-ماش -رشاد-قشر قهوة-حبه سوده-قشر رمان -خواجوا-مره -قرفه الفلفل الاسود والابيض والكمون ابغى اتأكد من تأثيرهم ع البيبي اول وبر…
الكورسيه اخبر تاجره هنا اسمها اشوريا تبيع كورسيهات للولاده
شجعتيني عليه بصراحه اسهل من الشماغ والمشد
وكويس فهمت منك الحكمه من زيت السمسم
مشكوره ياعسل- بما اني ولدت مرتين
الحمد لله ما استخدمت ولا شئ من هذا
غير الحلبه ومو بكثره بعد ناذر آخذها
استحم يوميا من مرتين لثلاث مرات واغسل شعري معاهم بعد وانا واقفه
ولا احط شيله على راسي ولا البس جوارب
واكلي عادي مثل اي يوم
وعلى ربط البطن ابد ما انصح به يرخي عضلات المعده وممكن يسوي هبوط في الارحام
انا وحده من اولد ينزل بطني كله ومن نفس لحظة الولاده يرجع بطني مثل قبل الحمل بس يكون رخو
ومع الأيام يشد
بعد شهر من ولادتي الخيره قررت انزل وزني كذا فجأه ما كان على البال
دخلت قسم السمنه والنحافه وجاء على بالي انحف
وكان وزني 70 وكنت ارضع طبيعي خااالص
وشريت لي جهاز سير وصرت اسوي من هالرجيمات واغلب شئ اعتمدته السعرات الحراريه
مع المشي والشاي الاخضر والشمر والزنجبيل وتمارين شد للبطن والفخود
نزل وزني الى 56 كيلو
وبطني لزق في ظهري
ومشدود وجسمي كامل مشدود
ومقاس البنطلون من 16 الى 10
اي صح معتمده في رجيمي وقت الجوع آكل برتقال وكنت بكثره وانا ارضع و الحمد لله ولدي ماعانى من تسلخات ولا شئ
مواضيع مشابهة
تابعي تجارب أخرى من هذا القسم.