للنساء .. في السعوديه فقط

ياختي تكفين قولي لي وين الغلط في ردي
انا من جد استغرب نفسي ليش انا غير الناس مع اني واثقه ان ردي هو الصح ومقتنعة فيه
صدقيني ودي اراعي ولو تدرين ان اللي اقوله مايجي ربع اللي بنفسي الباقي محتفظه فيها النفسي لاني ارااعي
الحين انتي تلوميني
طيب انا وش ذنبي اذا اتذكر طفولتي مرحلة المتوسط اتذكر هوشاتي مع البنات في قضية السياره
كبرت وخلصت دراسة وتزوجت وهالسياره وراي وراي
كل مكان افتح قناه برنامج اي شئ مرتبط بالمراه السعودية
قضيتنا الوحيده مهما طال الزمان والمكان هي السياره
المراه السعودية وسواقة السياره
ماادري من اللي خلاها قضية وماادري من اللي للزقها فينا
حنا ماانسوق لاننا متميزين عن بقية العالم عندنا باصات
الله اكبر توني ادري ان الباصات شئ مايوجد الا بالسعودية
ليش انا بنظري ان الموضوع كلله سطحي في سطحي
يمكن البعض يفتخر وااو عندنا باصات عندنا فصل بالجامعه
ولازم نستغبى ونقول وااو شئ فريد وامتيازات وكن الموضوع يختص بلادنا فقط
مو حقوق توفرها دول العالم اجمع المواطنيها
مثل بعض البنات كلها براءه وتقول عمركم شفتو مستشفيات مجانا الا بالسعودية كتب مدارس مجانا الا بالسعودية مع اني واثقه ان هالموضوع اتمداد البراءه البنات اللي تفكيرهم بسيط حول السياره والباص وحافز
والله قلت بتجاهل الموضوع عادي بالنهايه فيه بنات بيبسطون لكن ماقدرت يوم شفت الباص
انا اشوف اذا حابين تحترمون المراه السعودية وتقدرونها احترمو عقلها وكافي استخفاف فينا
انا اشوف الحرمة السعودية فيها امتيازات من ناحية الحشمة والحجاب والارض والاصل
اما اقتصاديا وحقوقيا الرجل باقي فيهم شهامه انهم مايقصرون علينا بشئ سواء الزواج او الاهل
هذا فكري ونظري ماقدر امشي معك واجاريك حتى بس مااتتنرفزين
اذا عندك رد مقنع من ناحية الموضوع ياهلا وسهلا صدقيني مو متعصبه برايي

** في السعوديه تتكفل الدوله بالنقل المجاني للفتاه من المرحله الابتدائيه حتى تخرجها من الجامعه باص ياخذها من عند باب بيتها لحد باب المدرسه اما الاولاد مالهم شيهل يوجد دوله تفعل للنساء هذا
كلام مو صحيح,,انت متأكده انك تتكلمين عن السعوديه,,,في عهد الملك فهد كان فيه مواصلات لببنات في
المرحله المتوسطه,,والثانوي والجامعه
الحين مافيه,,

*في السعوديه فقط تصرف للفتاه العاطله عن العمل اعانه تقدر 24 الف مقسمه الى 200 ريال شهريا لمدة سنه هل يوجد دوله تفعل للنساء هذا
كلام مو صحيح,,,حافز صرف لناس وترك ناس,,,انا عاطله عن العمل وما اخذته
اتركيك مني,,الخريجات اللي تخرجوا,,وماجاهم توظيف,,,ولاشملهم حافز,,بحجة العمر
وكأنها سلعه لها انتهاء صلاحيه,,,هذا غير الزام المستفيد منه بالتحديث الاسبوعي,,يعني حسنه فيها ذبانه

في السعوديه فقط اذا كانت المراء تعاني من أي مرض مزمن او اعاقه تصرف لها راتب شهري واذا كانت معاقه تلتزم الدوله بصرف ماتحتاجه مثل الكراسي الكهربائيه للمقعدين وماء الى ذلك
هذا للي عندها واسطه,,اما اللي ماعندها ,,,الله يخلي اهل الخير

في السعوديه فقط تخصص الدوله اقسام مستقله للنساء في كافة الدوائر الحكوميه المحاكم المستشفيات وحتى البنوك والشركات تلزمهم الدوله يكون فيها اقسام مستقله تماما للنساء تحافظ على خصوصيتها هل يوجد دوله تفعل للنساء هذا
صراحه بذي مت ضحك,,وينها المحاكم اللي فيها اقسام مستقله للنساء
اكثر الدوائر الحكوميه مافيها اقسام نسائيه,,,هي يادوبك وزارة التعليم,,والاحوال المدنيه,,واعتقد وانا
مو متأكده وزارة التجاره,,ومع هذا معقدات الدنيا

اما الأختلاط,,,اللي اشوفه والكل شايفه انو صاير عادي بالبلد,,وماشين فيه على قدم وساق

اختي الموضوع عارفه انك ناقلته,,,,لكن ياليت ماننقل شي واضح للعيان انو اكثره كذب,,وتلميع ماله داعي
ترا كلنا عيال قريه وكلٍ يعرف اخيه
والزيده .........
اغلب النساء السعوديات مغلوبه على امرها,,ومهضوم حقها,,,

موضوع جميل