اولا مبروك ماجاك عساه ولدن صالح بار معافى ورزقك الله بره وصلاحه شوفي ياجدي بقولك السبب ولدك اكله خفيف جدا اقصد رضاعته ماتشبعه لو يشبع حليب كان طاح سره المفروض بالكثير ١٠ ايام وهو طايح الان انتي صح خليك على المسحه والبودره وفتشي بين فخوذه وقريب لسره لا يصير معاه دمل لانه بالعادة اللي يصير عليه كذا يطلع فيه خراج لان الصديد اللي بالسر يدور اضعف منطقه قريبه منه ويطلع فيها دمل وعادة هالمنطقه بمسفط الفخذ نجي لعلاج جداتنا وامهاتنا تحطين نص كاس زيت زيتون ماهو مكتوب عليه عصره اولى عشان مايصير حامض وحار نص كاس زيت زيتون بقدر وملعقه صغيره مره مجروشه ملعقه كبيره خوا جواء ملعقه صغيره محلب مجروش ولعي النار عليهم وفورتين ثلاث لا اكثر وطفي النار عليهم وحطيهم بعلبه بدون تصفيه وكل يوم حطي عليه من الزيت حركي العلبه قبل الاستعمال واذا صفى الخليط غمسي الشاش بالزيت بدون شوائب و نقطي بكثافه على الولد خلال اليوم حطي ٨ او ١٠ مرات كل ماتغيري الحفاظ حطي له وخليه يتهوى السر عشان ينشف قدر الامكان بأذن واحد احد اليوم الثالث وهو بادي ينشف ومايكمل الاسبوع الا طايح واهتمي برضاعته