قرأت موضوعك المنقح اختي ..
ماشاء الله عجبني جدا..
والي عودة حتى اقرر شو اللي رح اشتريه واستعمله..خصوصي اني رح اطلب من زوجي يجيب كم من شغلة من السعودية وفرنسا وبريطانيا لأنه مو كل المحلات في دبي..
أسئلتي لو سمحتي:
معلوماتك عزيزتي من وين؟ هل حضرتك دارسة هندسة كيماوية أو صيدلة او اي تخصص كيميائي لحتى تكون عندك هالكم الرائع من المعلومات..؟
الزيوت الاساسية اللي ذكرتيها من وين ممكن نشتريها؟هل فقط من أمازون؟
بالنسبة لزيت الزيتون، الزيت اللي عندي من بلادنا يعني من فلسطين والأردن هل بتعرفي عن طريقة عصره وهل هو عصر عالبارد؟
ولا أروح اسأل الوالد.. :)
سؤال اذا عندك علم لو سمحتي..انا عندي ثعلبة الدكتور اعطاني دوائين بالاضافة لإبرة كورتيزون بالراس (فقط أول مرة)..والحمدلله صرلي شهرين عليهم والشعر طلع ونما..لكن خايفة ترجع بأماكن أخرى خصوصي شعري رجع يتساقط..
مع العلم أنه شعري ناعم جدا والشعرة رقيقة وطوله للأكتاف ..
سؤال أخير..شو الشامبوهات اللي بتنصحيها للأطفال..؟
وشو رأيك بشامبو جونسون وموستيلا وسيباميد للأطفال..؟؟
وبالآخر شكرا الك جدا جدا جدا افدتيني بمعلوماتك المميزة فعلا..الله يوفقك يارب..
لجمال شعرك تعلمي اختيار الشامبو الجيد...(علم و تجارب)/اكتفى بالردود
متابعة النقاش، صفحة 275