السلام عليكم ورحمة الله
http://forum.hawaaworld.com/showthread.php?t=3941121
حكينا مع شيخ دين عشان يحكي مع زوجي عشان نتفاهم على كل اشي بس هداك ما برد صارله يومين بتصل فيه على الرقمين بس ما برد على اي رقم
امي بعتت مسج لام زوجي ((( قال الله تعالى امساك بمعروف او تسريح باحسان)) ونحن نريد التسريح باحسان لقد اكتشفنا وجود علاقات غير شرعية لابنك ومعنا كل الادلة ونحن نريد الانفصال قبل اللجوء للمحكمة وحدوث فضائح ...... بس كمان ما ردت
طبعا جدا جدا مستغربين من ردت الفعل الغريبة يعني مو فاهمة لشو بدهم يوصلوا
رحت البارحة على المحكمة الشرعية ورفعت قضية طلاق للضرر ..وحكيت مع شيخ دين هناك بس ما ارتحتله ابدااااااااااا كل شوي بحكيلي وين بينتك انو زوجك خانك!! لازم تجيبيلي 4 شهود ... يعني بحكيله يعني من وين بدي اجيبلك 4 شهود .. انا كزوجة بعرف هدا الكلام صح مثبت عندي بالمسجات وبالهدايا وحتى بتحويل البنك وعندي رقم البنت وعرفتها مين هي واذا تسكرت على الاخر والله لاخليهم يجيبوها تشهد بس انا ما بدي افضحها لان الموضوع راح يسير فيه دم.... المهم الشيخ ما قبل يعطيني لا حق ولا باطل حكالي لازم يجي ونسمعله ونشوف شو راح يرد وبعدين بنقرر... بحكيله شو بتتوقع يجي يحكيلك انا فعلا كانت الي علاقة جنسية مع وحدة !! مستحيل يعترف راح يكون اعتراذ بالزنا للمحصن هذا راح ينجلد ويتسفر بره البلد مستحيل يعترف بهيك اشي... المهم ما ارتحت للشيخ ابدا وحكالي بنعمله استدعاء وبنحكي مع الطرفين واذا ما اجى بتتحول القضية للمحكمة
انا كتير مقهورة ومش فاهمة ... ليش ما يطلق عطول وينهي الموضوع يعني ما بعرف هو حابب يفضح حاله ويفضح البنت معاه!! يعني انا بنت اصول وطلبت الطلاق من دون فضائح وهو وامه غايبين بهذا الشكل المخزي
وانا مقهورة عشان حاسة المحكمة راح تمطمط كتير بالموضوع .. لسه بدهم يحكوا معاه ويعطونا موعد للتوجيه الاسري واذا ما اجى بدهم يعطونا كمان موعد واذا ما اجى راح تتحول للمحكمة وخدوها الاجراءات الطويلة ... انا ما بدي كل هذا انا بدي يطلق وخلاص كل واحد يروح بطريق ما بكفي 4 سنين بخدعني وضاحك علي كمان هيك بذلني ... والله عيني دمعت بالمحكمة .. عمري ما تخيلت حالي ادخل هيك مكان بين الرجال والقضاة والمجرمين والشرطة
حسبي الله ونعم الوكيل
دعواتكم الله ينصرني على من ظلمني وياخدلي حقي بالكامل
شاركي في النقاش
سجلي الدخول لإضافة تعليق.
التعليقات
27- لا حول ولا قوة الا بالله الله يكتب لك خير الدنيا والاخرة
- الله يفرجها عليك و يعاقب كل واحد تسول نفسو انو يظلم بنات الناس.
- - وعليكم السلام ورحمة الله وبركاته
حبيبتي دام معك الادله بإذن الله بيكون الحكم لصالحك
والادله قويه كفايه بمقام الـ 4 شهود وممكن اقوى خاصه هالزمن
توكلي ع الله وضلك تستغفرين وبإذن الله بتتسهل امرك
ولا تتمرمطين ، قلوبنا معك ، طمنينا عليك . - اذا ما ارتحت للقاضي لا تمشي في الموضوع معه اكثر من كذا... شوفي شخص ثاني لان الموضوع راح يطول بشكل عام... مواضيع الطلاق تاخذ شهور الله يكون بعونك يارب... ولازم يسمعون منه...
احس قسم الشرطة راح يحققون من الحادثة ويثبتونها... ويسحبونه من شوشته لقسم الشرطة اذا فكر يماطل... ماعندهم يمة ارحميني... وبقسم الشرطة تقدري تقولي انا ماعرف صحة الخبر الي جاني وابي احد يتحقق منه وتوريهم مسجات البنت وهي وهو بيجيبونهم...
فوق كذا اسالي المحامي حقك عن الاجراءات القانونية الي يتخذونها حتى يجيبون وثائق من البنك ومن شركة الاتصالات الي هم معها حتى يثبتون صحة كلام البنت... الي اعرفه ان المحكمة لازم ترسل طلب للشركات
هل تواصلت مع البنت وقلتي لها انك ناوية تبلغي الشرطة؟ <<< لاني اتخيل هي الي بتستعجلة بالموضوع عشان ماتنفضح وتضغط عليه... (لو كانت صادقة)... - الله يفرج عليك همك ويساعدك وبخصوص القاضي اذا تقدري تحولي قضيتك عند غيره حوليها
وحسبي الله على كل خاين وخاينه
مواضيع مشابهة
تابعي تجارب أخرى من هذا القسم.