يابنات ماتمنيت اموت هالكثر الا الليلة عشاني مطلقة يارب يختارني وانعم برحمته/ قديم

الله يحفظك يا حبيبتي و يستر عليكي و لا تنسين الدعاء يحقق المستحيل بإذن الله

لا تسمحين لاي فكرة سلبيه تدخل راسك ابدا ابدا انتي صغيرة و طموحة ماشاء الله و المستقبل قدامك و الناس الحين ما عاد يفكرون مثل قبل .. الحين المطلقة و خاصة اذاكانت بدون اولاد زيها زي البنت ... دايما ارسلي رسايل ايجابية لنفسك حتى لو الي حولك حطموك ..حطي في بالك كل الامور الي تسعدك و كل الاهداف الي تتمنينها و ادعي الله يحققها لك و اسعي لتحقيقها صدقيني لو ركزتي صح على الي تبينه ماراح يكون عندك وقت للقلق و الخوف من القادم و الله ان صديقتي مطلقة و تقدم لخطبتها شاب ما تزوج من قبل و قبله خطبها معدد و خطبها مطلق ...الله يسعدك امين
طمنينا عليكي

شوفتي بقولك نصيحه في هالزمن يالله تلاقين رجال زي الاوادم
وانت مريتي بتجربه مريرة مثل ماتفضلتي
لاتفكرين بجوارحك وبقلبك فكري بعقلك فقط حطي سلبيات وحطي ايجابيات
الشاب وش مميزاته
وهالرجال وش مميزاته الي خاطبك بيوفر لك سكن واهم شي يصير باسمك تضمنين مستقبلك بيدعمك ماديا وبيحطلك سواق وخدامه وبيريحك اهم شي يصير كريم تاكدو وهذا شاريك وبيحطك بعيونه تكفين عاد الشاب وش عنده اما جاك طفران يحسرك مايجيب لك شي وتتمنين اشياء كثيره يعجز يحطها لك ولا جلستي طول عمرك انت وياه في اجار ويبي يطلع مع اصدقاءة وبيسافر وبيروح وبيجي ونفس شينه وهكذا الا من رحم ربي
فكري ياحبيبتي بعقل هالمره والسحابه السوداء الي معميه عيونك شيليه من راسك فكري بعقلك فكري واستخيري ميه مره واسئليه اول وش سبب انه بيتزوج على زوجته خليه يعطيكم سبب مقنع واذا اقتنعتي بسببه فكري مرة ثانيه وان حصل تكلمون حرمته ممتاز بعد وربي يكتب لك مافيه الخير

نصيحتي لك تزوجيه
كم وحده اعرفها تزوجت وهي تبكي ورافضة تتزوج
بس سبحان مغير الاحوال اقسم بالله العظيم انهن عايشات ملكات وسعيدات في حياتهن
والرجال يبوس رجلها وخلفوا ونسوا كل شي
عايشين احسن ما يكون
صدقيني فككري بعقلك وتزوجي بدل هالحياة اللي انتي فيها
فرصه يمكن ما تتكرر

انتبهي توافقين اصبري وبتفرج نصيحه